SunnudagsMogginn - 14.11.2010, Blaðsíða 47
14. nóvember 2010 47
Lífsstíll
T
ónlist gefur manni ótrúlega mikið og er þeim
eiginleika gædd að geta bundið minningar
fastar í huga manns. Hún lyftir manni líka
upp í erli dagsins og fátt vekur mann betur en
að syngja hástöfum með góðu lagi í bílnum á morgn-
ana. Fólkið við hliðina í næsta bíl má svo bara horfa
eins og því lystir og halda að maður
sé að tala við sjálfan sig. Eins og hendi
er veifað getur maður verið kominn
ein 10 ár eða lengra aftur í tímann
með einu lagi. Fyrsti geisladiskurinn
sem ég man eftir að hafa keypt mér
var No Need to Argue með Cranber-
ries. Hann var keyptur þegar ég var
ca 12 ára á leið til Kaupmannahafnar
með fjölskyldunni og var í ferða-
geislaspilaranum mínum mest allan
tímann. Þarna var ég rétt að skríða
inn á gelgjuna og fannst flott að geta
hlustað á mína eigin tónlist í friði fyrir öðrum. Um ári
síðar kolféll ég síðan fyrir Damon Albarn og félögum og
eignaðist eina fjóra eða fimm geisladiska með Blur á
þeim tíma sem hljómsveitin (að mér fannst) var best.
Fyrir akkúrat áratug fór ég svo í fyrsta skipti ein til út-
landa og í bílferð með breskum fjölskylduvinum upp-
götvaði ég bresku sveitina Moloko með Rosin Murphy í
broddi fylkingar og líkaði vel. Hún átti eftir að dúkka
aftur upp í lífi mínu nærri áratug seinna á allt öðrum
staði í góðu partíi.
Fljótlega eftir þetta kom Coldplay fram á sjónarsvið
lífs míns og spilaði undir byrjuninni á fyrsta alvöru
sambandinu mínu. Þar af leiðandi átti ég síðar dálítið
erfitt með Coldplay en hef tekið þá aftur í sátt í dag. Á
háskólaárunum eignaðist ég svo góða
vinkonu sem kynnt hefur fyrir mér
ýmsa gerð tónlistar sem ég hlustaði
ekki á áður. Ég tel að hún hafi komið
mér á beinu brautina og slökkt að
mestu á iðnaðarvædda popphluta
heilans í mér. Jú, jú vissulega hef ég
ekkert á móti Justin, Pink og Britney
á góðu kvöldi þegar gleðin stendur
sem hæst en annars finnst mér
skemmtilegast að hlusta á flotta, nýja
íslenska tónlist í dag, svo og eins
konar elektrópopp/rokk. Annars
hefur aldrei skipt mig miklu máli hvað þetta heitir allt
saman. Sum lög bara hrífa mann með sér, ég tala nú
ekki um ef textinn er góður. Það finnst mér einna mik-
ilvægast í dag og ligg oft yfir textunum og velti fyrir
mér merkingu þeirra. Svo bara lygni ég aftur augunum,
dansa eins og óð kona eða læri eða vinn á fullu. Bara allt
eftir því hvernig lag er í spilaranum, sem að sjálfsögðu
fer eftir stemningunni hverju sinni.
Tónlist
við öll
tækifæri
Það getur verið bæði hressandi
og slakandi að hlusta á tónlist.
Tónlistin getur líka virkað eins
og tímavél sem færir okkur á
örskotsstundu aftur í tímann.
María Ólafsdóttir maria@mbl.is
’
Ég tel að hún
hafi komið mér á
beinu brautina
og slökkt að mestu á
iðnaðarvædda popp-
hluta heilans í mér.
Justin má samt alveg
vera með stundum.
Frægasti og vinsælasti tónlistarþátturinn í Bretlandi
er vafalaust Top Of The Pops sem sýndur var á sjón-
varpsstöðinni BBC frá árinu 1964 til 2006. Þátturinn
var fyrst sendur út á gamlársdag árið 1964 og átti að
höfða til hins ógnandi nýja samfélagshóps, unglinga.
Stjórnandi þáttarins fyrstu árin var Jimmy Savile, sem
í dag er þekktur fyrir að klæðast jogginggöllum og
reykja stóra vindla, en sú mynd var ekki orðin til af
honum í þá daga. Meðal þeirra sem komu fram í
þættinum á uppvaxtarárum hans voru engir aðrir en
Bítlarnir, Rolling Stones, Dusty Springfield og The Hol-
lies.
Poppað í mörg ár
Jimmi Savile er fremur óvenjulegur í útliti.
Í dag eru geisladiskar með
efni sem ekki þykir við hæfi
barna merktir með sér-
stökum límmiða til að vekja
athygli foreldra á þessu.
Uppruna límmiðans má rekja
til lagsins Darling Nikki sem
kom út með Prince á átt-
unda áratugnum. Á þeim
tíma þótti ekki við hæfi að
tala jafn opinskátt um kyn-
ferðislegar athafnir og söng-
konurnar Lady Gaga og Brit-
ney Spears gera nú til dags án þess að nokkur
kippi sér sérstaklega upp við það. Lagið Darling
Nikki lenti á lista yfir 15 dónalegustu lög sem gefin
hefðu verið út en þykir sjálfsagt orðið saklaust í
dag miðað við það sem ómar á öldum ljósvakans.
En í þá daga þótti textinn um hina lauslátu Nikki
bara alls ekki við hæfi en í textanum lýsir Prince
nánum samskiptum sínum við elsku litlu Nikki, eins
og hann kallar hana. Eiginkonu Al Gore, Tipper,
varð nóg um og hún stofnaði foreldraráð til að fylgj-
ast með tónlist en ráðið lagði síðar fram tillöguna
að límmiðanum sem varar hlustendur við dónaskap
í dag.
Dónalegur prins
Prince hneykslaði á
áttunda áratugnum.
Þar sem tónlist hefur svona mikil áhrif á okkur á mannfólkið
hefur löngum verið velt vöngum yfir því hvort fóstur geti heyrt
tónlist. Rannsóknir hafa gefið til kynna að svo sé og að þau
bregðist við tónlist með því að hreyfa sig. Þó veit enginn al-
veg fyrir víst hvort það er tónlistin sem hefur þessi áhrif.
Enda er mun erfiðara að rannsaka fóstur heldur en fætt
barn.
Mozart eða rapp
Miklar umræður hafa spunnist um þessi mál bæði meðal
fræðimanna og almennings. Rætt er um hvort fóstrið geti
heyrt rödd móður sinnar og tónlist og eins hvaða tónlist sé
þá best að spila. Ætli Mozart hafi bestu áhrifin á ófætt barn-
ið eða getur rapp verið alveg jafngott? Kanadískur hönn-
unarnemi nokkur hefur nýtt sér hina svokölluðu Mozart-
kenningu. En samkvæmt henni eiga börn að verða gáfaðri
hlusti þau á klassíska tónlist í móðurkviði. Geof Ramsay tók
sig því til og hannaði eins konar tónlistarbelti sem móðirin
setur utan um magann. Innbyggður í beltið er MP3 spilari
sem mæðurnar geta hlaðið inn þeirri tónlist sem þær vilja.
Þá er einnig nuddbúnaður í beltinu sem nuddar þreytt bak á
verðandi mæðrum. Það hljómar nú alls ekki illa, sama hvort
tónlistin hefur einhver áhrif eður ei. Tónlistarbeltið góða ku
þó enn ekki vera komið á markað ytra.
Mozart ku gera
börnin gáfuð
Beltið er með innbyggðum MP3 spilara þannig að móðirin
getur valið tónlistina.