Fréttablaðið - 26.11.2011, Blaðsíða 44

Óháð og sjálfstætt vinnur Hjálparstarf kirkjunnar
í þágu þeirra sem líða fátækt og óréttlæti − utanlands
og innan. Að hjálpa til sjálfshjálpar og tala máli
fátækra og undirokaðra er alltaf verkefni dagsins.
Að draga fram kjör þeirra sem eiga sér ekki málsvara
og ýta á aðgerðir sem breyta lífsmöguleikum þeirra,
er markmið okkar. Þrúgandi neyð í sinni margslungnu
mynd, heima og heiman, blasir við okkur.
Með aðgerðum okkar viljum við mæta bæði þorps-
búanum á þurrkasvæðum Eþíópíu og þeim sem hefur
misst fótanna á Íslandi. Við vinnum MEÐ skjólstæðingum
að lausn mála þeirra. Við virkjum þá til að ná árangri
− með stuðningi okkar. Og hver erum við? Hvorki fugl
né fiskur án framlaga almennings, fyrirtækja og
stjórnvalda sem gera okkur kleift að nýta sérþekkingu
okkar til árangurs á viðkvæmu og sérhæfðu sviði.
Með þeim stuðningi − erum við farvegur þinn til
árangursríkra verkefna.
Götubörn á Indlandi
(Mynd: Kristján Ingi Einarsson)
Fátækt og
óréttlæti
kalla á
aðgerðir
Mannsæmandi leið − matarkort og meiri ráðgjöf
Mörgum hefur þótt niðurlægjandi að standa í röð við
dyr hjálparstofnana og þiggja mat í poka. Sumir áttu
auk þess erfitt með það sakir veikinda eða fötlunar.
Börnum var það ekki góð fyrirmynd. Raddir urðu
háværari um breytingar. Hjálparstarfið tók áskoruninni
og reið á vaðið með breytingar. Í maí var matarbúrinu
lokað og í staðinn tekin upp inneignarkort í matvöru-
og því var farin sú leið að afhenda þau einungis
barnafólki og einstaklingum þar sem ekki störfuðu
önnur félög sem gáfu mat. Áfram stendur öllum til
boða lyfjaaðstoð, menntunarstyrkir og fleira og allir
hvattir til að þiggja ráðgjöf. Bætt var við dýpri
einstaklings- og fjölskylduráðgjöf sem félagsráðgjafar
geta veitt samhliða umsóknum. Fjármálaráðgjöf með
lífsleikniívafi er boðin og markþjálfun. Allt ókeypis.
Ráðgjöf er vel nýtt. Ungmennum sem fá styrk úr
Framtíðarsjóði til að ljúka starfsréttindum eða komast
í lánshæft nám fjölgar enn. Ánægjulegt er að fleiri
skuli vita um þennan möguleika. Nýir samstarfsaðilar
komu til og veita fjölda barna og fjölskyldum þeirra
ánægjustundir með miðum í leikhús, bíó, ferð á veitinga-
stað, í sund eða í Fjölskyldu- og húsdýragarðinn.
Arion banki er bakhjarl innanlandsaðstoðar Hjálpar-
starfsins, auk fjárframlags stendur bankinn straum af
kostnaði við framleiðslu, færslur og aðra bankastarfsemi
tengda inneignarkortum í matvöruverslanir sem
skjólstæðingar fá.
Aðstoð veitt um allt land í gegnum presta, djákna,
félags- og námsráðgjafa:
og þá sem búa utan starfssvæða annarra hjálpar-
stofnana sem gefa mat
framhaldsskólanema
grunnskólabarna
4 – Margt smátt ...