Fréttablaðið - 26.11.2011, Blaðsíða 78
heimili&hönnun10
Smiðjuvegi 76 • Kópavogi • Sími 414 1000 • Baldursnesi 6 • Akureyri • Sími 414 1050
Opið virka daga frá 8 -18 laugardaga frá 10 -15 • www. tengi.is • tengi@tengi.is
EMOTION sturtuhaus
kringlóttur 10 cm verð kr. 3.990.-
SPRING sturtuhaus
kringlóttur 20 cm verð kr. 9.450.-
ESPRITE CARRÉ
ferkantaður 20 cm verð kr. 12.400.-
STuRTuhAuSAR í úRvAlI
Gæði,þjónusta og ábyrgð- það er TENGI
„Fjósið í Koti keyptum við árið 2004,
gerðum upp sem heimili og vinnustofu
og fluttum inn 2006. Í dag er Fjósið í
Koti, áfast þriggja hæða húsi sem kallast
Höskuldarkot,� segir Hulda �veinsdótt�
ir, sem ásamt manni sínum Hrafni Jóns�
syni á og rekur hönnunarfyrirtækið Raven
Design.
„Þetta er rúmlega hundrað ára gamalt
fjós sem var við hliðina á bóndabæ sem
hét Höskuldarkot en var seinna rifinn og
annað hús byggt í staðinn sem einnig fékk
sama nafn. �einna var síðan byggt yfir
bilið sem var milli fjóss og hússins. Í dag
er það baðherbergi og þvottahúsið okkar,�
útskýrir Hulda.
„Upphaflega ætluðum við ekki að búa
hér heldur breyta húsnæði fyrir markað
en manninum mínum datt þetta í hug. „Við
kaupum fjósið og búum í því,� sagði hann
upp úr þurru. Í fyrstu hélt ég að hann hefði
ruglast tímabundið, það gæti enginn búið í
fjósinu. Ég sá bara allt draslið, enda fyllt�
um við tíu gáma af drasli áður en hægt var
að byrja á breytingum. Það voru vinnuvél�
ar hérna inni, þykktarhefill og fleira sem
hafði komið sér vel fyrir þá sem áttu fjósið
áður. Allt sem hægt var að nýta að ein�
hverju leyti nýttum við. Til dæmis notum
við gogg sem notaður var til að gogga fisk
upp úr fiskikörum sem pappírshaldara.�
Hulda segir ekki hafa komið til greina
að skella einhverju nýmóðins dóti inn í
þetta gamla hús. „Hurðirnar eru til dæmis
úr húsi Guðjóns �amúelssonar arkitekts
og allar yfir 100 ára gamlar. Tveir apótek�
araskenkar, yfir 100 ára gamlir, eru nýttir
sem eldhúsinnrétting, rúmgafl sem speg�
ill, gluggakistur eru úr íslensku lerki að
austan og svo framvegis. Við brutum glæ�
nýjar flísar til að gera gólfið eldra útlits,
létum meira að segja múra veggina upp á
nýtt svo áferðin yrði grófari.
Huldu og Hrafni líður vel í fjósinu og
hún segir góða strauma umlykja þau og
ekki spilli útisvæðið ánægjunni. „Hér er
grillað allt árið um kring enda yfirbyggð
verönd allt í kringum húsið. Við förum líka
í heita pottinn kvölds og morgna og þær
eru margar hugmyndirnar sem kvikna í
pottinum,” segir Hulda. - fsb
Fjósið í Koti í glænýju hlutverki
l Hundrað ára gamalt fjós í Njarðvíkum hefur fengið gagngera andlitslyftingu og hýsir í dag bæði heimili og vinnustofu Huldu og Krumma, sem standa á
bak við hönnunarfyrirtækið Raven Design. Í húsinu er áhersla lögð á gamlar innréttingar, grófmúraða veggi og glænýjar gólfflísarnar voru brotnar.
Sólstofan er þar sem dyr fjóssins voru áður og eldhúsinnréttingin er tveir gamlir apótekaraskenkar.
Við upphaf framkvæmdanna í fjósinu. „Við fylltum tíu gáma af drasli áður en við gátum byrjað,“ segir
Hulda. Allir veggir voru síðan múraðir upp á nýtt til að gera þá grófari og „sveitalegri”.
Símastaurarnir í garðinum áttu upphaflega að vera innanhúss. Inngangurinn skartar stiga sem er eitt tonn
að þyngd. Baðherbergið er glæsilegt. Margar bestu hugmyndir hönnuðanna fæðast í heita pottinum.
Hulda Sveinsdóttir og Hrafn Jónsson hanna meðal
annars jólaóróa undir nafni Raven Design.