Morgunblaðið - 14.09.2010, Blaðsíða 30
Helgi Snær Sigurðsson
helgisnaer@mbl.is
Gamanmyndin Sumarlandið, eftir
leikstjórann Grím Hákonarson, verð-
ur frumsýnd á föstudaginn en hún er
fyrsta kvikmynd Gríms í fullri lengd.
Grímur hefur átt velgengni að fagna í
stuttmyndagerð, stuttmynd hans
Bræðrabylta var m.a. valin ein af
þremur bestu stuttmyndunum á nor-
rænu kvikmyndahátíðinni Nordisk
Panorama árið 2007. Grímur segir það
„gang lífsins“ að færa sig úr stutt-
myndum yfir í kvikmyndir í fullri
lengd. „Ég myndi segja bara rökrétt
framhald, þetta er kannski markmið
hjá flestum sem fara út í þetta, að
gera kvikmynd í fullri lengd,“ segir
Grímur.
Handritið að Sumarlandinu samdi
Grímur með Ólafi Agli Egilssyni og er
umfjöllunarefnið yfirskilvitlegt, ef
svo mætti segja. „Þetta fjallar um
fjölskyldu sem rekur sálarrann-
sóknarfélag og er með álfa- og
draugatengda ferðaþjónustu.
Mamman er miðill, skyggn, sér
drauga og álfa og pabbinn sér
um reksturinn og dóttirin
vinnur á símanum. Þetta er
fjölskyldufyrirtæki. Pabb-
inn trúir ekki á álfa en
hefur mikinn áhuga á
því að markaðssetja
þjóðtrúna og græða
pening. Einn daginn fá
þau fá tilboð í álfastein sem er í garð-
inum, gamalgróinn stein sem hefur
verið þarna frá því þau fluttu inn í
húsið og móðirin heldur mikið uppá.
Þá kemur upp ágreiningur milli
þeirra, hvort þau eigi að taka álfa-
trúna og gildi hennar fram yfir eða
græða smá pening og koma sér út úr
skuldunum,“ segir Grímur um sögu-
þráðinn.
Hjónin leika Ólafía Hrönn Jóns-
dóttir og Kjartan Guðjónsson en
dóttur þeirra leikur Hallfríður Þóra
Tryggvadóttir og son þeirra Nökkvi
Helgason. Þá leikur þýski listamað-
urinn Wolfgang Müller þýskan mann
sem áhuga hefur á því að kaupa álfa-
steininn. Müller er mikill áhugamað-
ur um álfa og hefur samið erótískar
álfasögur og gefið út í Þýskalandi.
Gengur aftur til að birta grein í
Morgunblaðinu
– Hver er kveikjan að þessari
sögu?
„Ja, kveikjan að þessari sögu kem-
ur úr mörgum áttum. Að einhverju
leyti kynni mín af þessum sálarrann-
sóknarheimi á Íslandi, ég hef alltaf
haft áhuga á þessu þó ég hafi aldrei
kafað ofan í þetta. Ég gerði stutt-
mynd fyrir nokkrum árum sem
fjallar um gamlan mann sem gengur
aftur til að birta grein í Morg-
unblaðinu, hún hét Síðustu orð
Hreggviðs,“ segir Grímur. Þá mynd
hafi hann byggt á sögum sem hann
hafi heyrt. „Ég reyni að blanda sam-
an yfirnáttúrulegum hlutum og ís-
lenskum hversdagsleika. Fólkið í
Sumarlandinu rekur sálarrannsókn-
arfélag heima hjá sér, það talar við
drauga á meðan það borðar ristað
brauð og flettir Mogganum. Íslend-
ingar trúa mikið á álfa og drauga en
eru einnig á kafi í efnishyggjunni og
ég tek þessar andstæður fyrir í Sum-
arlandinu.
Mér finnst þetta hljóma hálf tæki-
færissinnað.“
– Þetta er eitthvað sem margir
hlæja að en er þó fúlasta alvara fyrir
öðrum?
„Já og þetta er mjög þjóðlegt, ég er
dálítið í þessum þjóðlegu pælingum,
með glímuhommana t.d. (Bræðra-
bylta). Svo eru það Six Feet Under
þættirnir, það er dálítið svipuð pæl-
ing, fjölskylda sem rekur útfararstofu
í þeim og þarna er fjölskylda sem
rekur sálarrannsóknarfélag og býr í
sama húsi.“
Að selja auðlindir úr landi
– Í ljósi umfjöllunarefnisins, urðu
nokkur óhöpp við tökur?
„Nei, það er spurt að þessu í hvert
skipti en við urðum ekki vör við neitt.
Ekki nema að stundum þegar við vor-
um að klippa myndina, eitthvert
tæknibögg, tölvan fór að bila.“
– Draugur í vélinni?
„Já. En ég hef spjallað við miðla og
þeir eru allir voða jákvæðir gagnvart
myndinni, segja að hinir framliðnu
séu alveg sáttir við þetta,“ segir
Grímur kíminn.
– Trúir þú sjálfur á þetta?
„Já, ég geri það nú alveg að ein-
hverju marki. Ég kýs nú kannski
frekar að líta á svona álfatrú sem
hluta af íslenskri þjóðarvitund og
menningu. Ég nálgast þetta frekar
þannig.“
Grímur segir að lokum að sjá megi
ákveðna myndlíkingu í hugmyndinni
um að selja álfastein úr landi, þ.e. fyr-
ir þann gjörning að selja útlendingum
auðlindir landsins.
Hinir framliðnu eru sáttir
Kvikmyndin Sumarlandið verður
frumsýnd á föstudaginn Á að selja
álfastein úr landi? er stóra spurningin
30 MenningFÓLK
MORGUNBLAÐIÐ ÞRIÐJUDAGUR 14. SEPTEMBER 2010
Dularfullar myndir prýða nú Fés-
bókarsíðu rokkarans og fiðluleik-
arans Roland Hartwell. Talað er
um að sveit hans, Cynic Guru, und-
irbúi nú næstu „árás“ á Ísland. Guð
má vita hvað nákvæmlega er meint,
en vonum að hún sé hljóðhimnulega
eðlis.
Hvað er Cynic Guru nú
að bralla?
Fólk
Hip-hop hljómsveitin Original Melody send-
ir frá sér sína aðra plötu, Back & Fourth,
þann 1. október næstkomandi. Þó svo að
enn séu rúmar tvær vikur í að herlegheitin
líti dagsins ljós hafa meðlimir sveitarinnar
ákveðið að gefa aðdáendum sínum forskot
á sæluna í lok vikunnar.
„Við vorum að leggja lokahönd á okkar
fyrsta tónlistarmyndband sem verður
frumsýnt í Íslandi í dag næsta föstudag við
lagið „Cosa Say“, sem finna má á nýju plöt-
unni. Í framhaldinu verður þetta spilað á
öllum sjónvarpsstöðvum og svo á internet-
inu líka,“ segir Ívar Schram, meðlimur
hljómsveitarinnar.
„Það er svolítið auðvelt að gera kjánaleg
hip-hop myndbönd en þetta verður vonandi
til þess að lagið kemst í spilun. Við erum
fjórir í bandinu og fengum fjóra karlmenn
á aldrinum 60-80 ára til þess að leika okkur
sjálfa. Lagið fjallar svolítið um það hversu
mikla vinnu við leggjum í þetta og hversu
ruglaður maður verður í hausnum við að
vera lengi í stúdíóinu. Myndbandið teiknar
svolítið upp þá mynd og setur hana fram
eins og við séum búnir að vera þarna í
langan tíma og orðnir það klikkaðir í
hausnum að við erum farnir að sjá hver
annan sem gamla karla. Það er vonandi að
það komi skemmtilega út.“
Áhugasamir geta fengið nasasjón af
plötunni Back & Fourth áður en hún kem-
ur í búðir því hljómsveitin mun troða upp á
skemmtistaðnum Nasa 25. september, á
plötusnúðakeppni.
Hljómsveitin Original Melody gaf út
frumraun sína, Fantastic Four, í apríl 2006
og hlaut hún góðar viðtökur. Má þar nefna
að lag plötunnar „Regrets“ komst í spilun
hjá sænskri útvarpsstöð undir stjórn tón-
listarmannsins Timbuktu.
hugrun@mbl.is
Verða gamlir karlar af hip-hop-ofspilun
Original Melody Ný plata er væntanleg með þeim félögum.
Rokksveitin Who Knew mun
halda tónleika 25. september næst-
komandi á hinum vinsæla rokkbar
Magnet í Berlín. Sveitin er á mála
hjá berlínsku útgáfufyrirtæki, en
það sem meira er, þá mun kan-
adíska gæðasveitin Wolf Parade
leika á þessum tónleikum, og einnig
FM Belfast (sem eru aðalnúmerið
ásamt Wolf Parade, ef marka ber
auglýsingu). Who Knew eru undir
þó nokkrum áhrifum frá hinni kan-
adísku sveit og hafa Who Knew-
menn ábyggilega fagnað gríðar-
lega þegar þessum áfanga var land-
að.
Who Knew leikur með
Wolf Parade
Samkvæmt FLASS Fm er breski
rapparinn Tinie Tempah væntan-
legur hingað í nóvember. Hann hef-
ur vakið mikla athygli í heimland-
inu að undanförnu og hitaði upp
fyrir stórstirnið Rihönnu á dög-
unum. Fyrsta plata hans kemur út í
sama mánuði, og er hann því sjóð-
andi heitur um þessar mundir.
Breski rapparinn Tinie
Tempah til landsins
Kópavogsbúinn Grímur Hákonarson vakti fyrst verulega athygli á
kvikmyndasviðinu fyrir stuttmyndina Klósettmenning sem
hann gerði ásamt félaga sínum Rúnari Rúnarssyni (Síðasti
bærinn í dalnum, Smáfuglar t.d.). Grímur gerði síðan Varði
Goes Europe árið 2002 þar sem fylgst var með trúbad-
úrnum Varða og ævintýrum hans í Evrópu. Stuttmyndirnar
Slavek the Shit (2005) og Bræðrabylta (2007) vöktu svo á
honum alþjóðlega athygli en þess má geta að Bræðrabylta
vann til 25 verðlauna á kvikmyndahátíðum út um allan heim.
Úr klósettinu í hulduheima
FERILL GRÍMS HÁKONARSONAR
Trans Ólafía Hrönn Jónsdóttir fer með annað aðalhlutverkið í myndinni ásamt Kjartani Guðjónssyni.
Reffilegur Grímur
Hákonarson, til í slaginn.
Nýjasta Fésæðið er að nefna 15
uppáhaldsplöturnar sínar á jafn
mörgum mínútum. Hinir og þessir
eru nú að pósta listum á netið, bæði
frægir og ófrægir. Egill Örn Rafns-
son trymbill er búinn að henda inn
sínum lista og má m.a. finna Bítl-
ana, Grafík og Cardigans innan um
þungarokk af hinu og þessu taginu.
15 plötur á 15 mínútum
á Fésinu