Morgunblaðið - 18.09.2010, Blaðsíða 10

PRUFUTÍMINN
Ingveldur Geirsdóttir
ingveldur@mbl.is
Vertu svona aðeins krútt-legri, settu stút á munn-inn og þá er oft auðveld-ara að gera röddina
barnalega. Gefðu svo allt í botn.“
Það er ekki auðvelt að tala fyr-
ir lítinn krúttlegan hvolp og Rósa
Guðný Þórsdóttir leikstjóri hjá Sýr-
landi reyndi að leiðbeina mér eftir
bestu getu. Hún átti ekki í vand-
ræðum með að tala krúttlega en ég
hljómaði eins og Kjartan í Strump-
unum.
Það er mikil vinna að talsetja
teiknimyndir. Talsetjarinn situr inni
í hljóðveri með teiknimyndina á skjá
fyrir framan sig. Heyrnartól eru á
eyrunum þar sem hlustað er á
hljóðið í myndinni og fyrirmæli frá
hljóðmanni og leikstjóra sem sitja í
næsta herbergi. Talsetjarinn þarf
að horfa á skjáinn, lesa handritið og
leika, oft með afbrigðilegri röddu,
allt í einu. Þetta var of mikið fyrir
mig; að horfa á teiknimyndina og
passa að talið lenti á réttum stað og
væri í takt við munnhreyfingar per-
sónunnar, um leið og ég las af hand-
ritinu á íslensku var ég með enska
talið í eyrunum og um leið þurfti ég
að muna eftir að breyta röddinni og
leika af krafti. Svo þarf að gera aft-
ur og aftur og aftur eða þangað til
það kemur rétt. Auðvitað kemur
þetta með æfingunni og þjálfaðir
leikarar renna í gegnum eina teikni-
mynd án vandræða en þetta var of
margt að hugsa um fyrir mig svona
í fyrsta skipti. Enda var ég ekki bú-
in að fá að lesa handritin yfir fyrir-
fram og steingleymdi að prófa hvað
röddin mín býður upp á. Ég vissi
ekkert hvort ég ætti hvolp eða geit í
mér.
Púl að vera Diego
Ég fékk að talsetja dýramynd-
ina Sveitasælu og talaði þar fyrir
hvolp og geit og svo fékk ég að tala
fyrir Diego í samnefndri teikni-
mynd. Hvolpurinn í Sveitasælu
gekk ekki alveg nógu vel hjá mér,
ég náði ekki að vera eins krúttleg
og ég vildi og svo var mikið að ger-
ast hjá hvolpinum sem hafði týnt
tístidótinu sínu. Auk þess þurfti ég
ekki bara að tala heldur líka mása
eins og hundur í sumum setning-
unum. Ég fékk síðan að prófa geit-
ina Gogga og það fór ágætlega,
jarmið í talanda hans átti betur við
mig auk þess sem Goggi var yf-
irvegaður og enginn blaðrari.
Diego var svo annað mál,
drengurinn er náttúrulega ofvirkur,
talar bæði á íslensku og ensku og
þarf að vera sjúklega hress.
„Diego er orkumikill strákur,
settu meiri kraft í hann,“ sagði Rósa
og hvatti mig áfram. Í þessum þætti
var Diego að djamma með lundum á
Grænlandi og talaði stanslaust. Svo
söng ég fyrir lunda í lofsöng þeirra
um fisk og þeir sungu rosalega
hratt og hátt og mikið og skrækt og
ég náði aldrei nema öðru hverju
orði. Diego var púl.
Eftir þessa talsetningartilraun
var ég aðframkomin en mikið af-
skaplega held ég að þetta sé
skemmtilegt þegar þjálfunin er
komin. Ég fékk síðan að horfa á þá
búta sem ég talaði inn á og ef satt
skal segja var asnalegt að sjá og
heyra dýrin og hinn fræga Diego
tala með minni röddu. Ég held samt
að ég sé efni í góðan talsetning-
armann, ef ég fengi þjálfun. Svo er
líka örugglega rosalega gaman að
hlusta á sjálfan sig í morg-
unsjónvarpinu um hverja helgi,
monta sig við makann og börnin og
leika svo persónurnar heima öðrum
til skemmtunar.
Frekar jarmandi geit
en krúttlegur hvolpur
Í framhaldi af síðasta prufutíma, þar sem ég gerðist útvarpsmaður, ákvað ég að
ljá fleirum mína fögru rödd og fékk að prófa að talsetja teiknimyndir í Stúdíó Sýr-
landi. Það þarf að huga að mörgu í talsetningunni og fengu hvolpur, geit og ævin-
týrastrákur smekk af því hvernig er að tala með minni röddu.
Sveitalíf Blaðamaður horfir á myndina og talar fyrir hvolp og geit.
Hlegið Rósa leikstjóri og Baldvin hljóðmaður hafa gaman af tilburðunum.
10 DAGLEGT LÍF
MORGUNBLAÐIÐ LAUGARDAGUR 18. SEPTEMBER 2010
Vefsíðunni Barn.is er haldið úti af
Umboðsmanni barna á Íslandi en
hann vinnur að því að bæta hag
barna og unglinga og gætir þess að
tekið sér tillit til réttinda barna,
þarfa og hagsmuna á öllum sviðum
samfélagsins. Þótt embættið heyri
undir stjórnsýsluna er enginn
stjórnsýslubragur á vefsíðunni, hún
er virkilega aðgengileg og lifandi.
Sérsíður eru þarna fyrir börn og
unglinga og þar geta þau gengið að
upplýsingum um réttindi sín, tekið
þátt í skoðanakönnunum, sent inn
spurningar og margt fleira.
Á forsíðunni má lesa fréttir og til-
kynningar og alls konar fróðleik
sem viðkemur börnum og ungling-
um, til dæmis má sjá niðurstöður úr
könnun um líðan barna og atriði
sem tekin hafa verið saman og gott
er fyrir foreldra að hafa í huga þeg-
ar barn þeirra byrjar í grunnskóla.
Barnasáttmála Sameinuðu þjóð-
anna er hægt að lesa á síðunni í
heild sinni eða í styttri útgáfu og
fleiri alþjóðlega sáttmála sem tengj-
ast börnum og unglingum.
Barn.is er virkilega góð síða og er
ótalmargt þar að finna sem for-
eldrar, börn og unglingar ættu að
kynna sér.
Vefsíðan www.barn.is
Morgunblaðið/Ernir
Fjársjóður Umboðsmaður barna gætir að réttindum barna og unglinga.
Réttindi barna og unglinga
Í dag klukkan tvö verður opnuð sýn-
ingin Bráðum koma blessuð jólin … í
Safnarahorni Gerðubergs. Safnari
sýningarinnar er Guðrún Þ. Guð-
mundsdóttir sem leggur til mikinn
fjölda fallegra jólakorta frá fyrri
helmingi tuttugustu aldar. Kortin
færa okkur anda liðins tíma, mynd-
efni þeirra er fjölbreytt og fallegt
auk þess sem í sumum tilvikum má
sjá þær hlýju jólakveðjur sem kortin
prýða.
Á sýningunni er einnig mikið af
gömlum leikföngum frá sama tíma-
bili úr safneign Árbæjarsafns og til
að fullkomna sýninguna eru þar líka
skreytt gömul jólatré. Verslunin
Fríða frænka og hinir og þessir
leggja til einstaka sýningarmuni til
að gera sýninguna að veruleika.
Fram á sumar gefst gestum
Gerðubergs kostur á að upplifa
þessa jólastemningu og þá gleði
sem fylgir því að skoða gömul leik-
föng en sýningin stendur til loka
júnímánaðar 2011. Sýningin er opin
virka daga frá kl. 11-17 og kl. 13-16
um helgar.
Endilega …
… skoðið jólasýningu í Gerðubergi
Gamalt jólakort Það er ekki seinna vænna en að fara að huga að jólum.
Nýverið kom út táknmálsútgáfa af
barnabókinni Sprellað í sveitinni með
gröllurunum Glingló, Dabba og Rex
og er það í fyrsta sinn sem ljóð á
táknmáli eru gefin út fyrir börn.
Markmið með útgáfunni er að stuðla
að því að heyrnarlaus börn geti einn-
ig nýtt sér efnið til fróðleiks og
skemmtunar. Það var Samskipta-
miðstöð heyrnarlausra og heyrnar-
skertra sem sá um gerð táknmáls-
útgáfunnar. Táknmálsþulur er
Kolbrún Völkudóttir sem mörg börn
kannast við í hlutverki Tinnu tákn-
málsálfs.
Bókina á táknmáli og lesmáli má
nálgast á heimasíðunni www.grall-
arar.is.
Sprellað í sveitinni er fjórða bókin í
bókaflokknum Grallarasögur. Sög-
urnar eru í vísnaformi og ætlaðar
börnum á aldrinum 2-6 ára.
Barnabækur
Sprellað í
sveitinni á
táknmáli
Meirapróf
Upplýsingar og innritun í síma 567 0300, 894 2737
Næsta námskeið byrjar 22. september 2010