Svart á hvítu - 01.01.1978, Page 14

menn, conceptmenn og videomenn, og maður hefur
heyrt um hliöargreinar eins og mail art og stamp art. Að
nokkru leyti eru þetta bara ný orð, sem hafa orðið til
vegna þarfa listmarkaðarins. En aö hinu leytinu hefur
sviðið stækkað og auögast meö sériðkun þessara greina
og auknum fjölda manna, sem fást við þessa marg-
víslegu list. Og þar meö greinist hugsun og tilfinning á
þrengri brautir og mótast og skilgreinist skarpar, — og
endurnýjast. Annars veit ég lítið um þessar hræringar og
það er kannski allavega erfitt aö gera sér grein fyrir því
tímabili, sem er að líða, en það er gaman að grufla í
þessu.
Fyrir utan það, að ég var störfum hlaðinn á þessu
tímabili, er annað, sem gerði að ég setti lítið frá mér.
Mér fannst ég ekki geta rifið mig frá þessu mynd-
formi, sem ég hafði unnið í, en það vildi ég endilega
gera. Þótt ég færi svo aftur að vinna með gifs, var
það með breyttu viðhorfi.
Þetta er nú sjálfsagt þvæla og óskhyggja. Það er stíf
pressa á mönnum að gera alltaf eitthvað nýtt. Þannig er
nútíminn. Ef menn geta ekki losað sig undan þessu oki,
mega þeir sjálfum sér um kenna. Róttækar viðhorfs-
breytingar gerast ekki svo glatt á skömmum tíma. Ég er t.
d. að skrifa núna nokkurn veginn það sama og ég hefði
gert fyrir 10 árum. Ekki er nú glæsibragurinn meiri.
St. Viltu útskýra þessi viðhorf, sem þú varst að
segja okkur frá?
K. Þú varst að reyna að færa hugtök eins og t.
d. ást eða lygi í fast efni.
Lúðurhljómur í skókassa 1976 glbs
St. Já, rúmið sem negatívu af hlut.
M. Já, rúmið sem negatívu af mannverum og
hlutum, ekki satt. Já, það var nú það. Eða öfugt.
Mér fannst það segja eitthvað um pósitívan og
negatívan sannleika. Það er um það, að ef ein full-
yrðing er sönn þá er andstæð fullyrðing jafnsönn,
ekki satt. Ég var víst að setja þetta svona fram, að
færa þetta yfir í efni og mynd, kannski ekki til að
það sannaði neinar heimspekikenningar, en mér
fannst að það illústreraði þessa hugsun.
St. Að allur sannleikur eigi sér andstæður,
sem séu jafnréttháar?
M. Já, því enginn hlutur er til nema andstæðan
sé til um leið. Nú er ekki þar með sagt, að þetta sé
fyrir mér einhver algild speki. En ég er tortrygginn
gagnvart hvers konar pósitívisma. Loftmengun er
sögð mjög slæm. En hún læknar í mér augnveiki,
svo mér er fremur hlýtt til hennar.
K. En Magnús, hvort leggur þú meiri áherslu á
heimspekina í þessum hlutum eða formfræði?
M. Ég legg ekkert upp úr formfræði hlutarins,
ekki neitt nema að því marki sem maður getur sagt
að pósitívt og negatívt form sé formfræði. Ég kann
heldur ekkert í formfræði. Mér finnst ekkert eitt
form betra en eitthvert annaö form.
St. Á síðasta ári heldur þú sýningu í SÚM þar
sem þú sýnir hluti með þessu nýja viðhorfi.
M. Já, þar sem ég er að reyna aö gera þetta
einhvern veginn skiljanlegt á myndrænan hátt.
Síóan hélt ég dálítið áfram með þetta en held ég sé
nú kominn að endimörkum með það í bili. Þegar frá
líður kemur endurtekningin og ég fer að segja það
sama upp á nýtt í dálítið breyttri mynd.
K. En er þetta bara ekki það sama og lista-
menn yfirleitt detta í? Að læra einhvern hlut?
Steinþoka multiple 1977 piast og plexlgler
12