Íþróttablaðið - 01.11.1928, Blaðsíða 12

240
ÍÞRÓTTABLAÐIÐ
hafi verið þar viðstaddir. Á sýninguna horfðu 2—3
þúsund manns og var talin fjölmennasta sýning,
sem nokkurntíma hefði verið haldin í Drammen.
Kvennflokkurinn sýndi fyrst og tókst ágætlega.
Fagnaðarlæti áhorfenda voru óstjórnleg að lokinni
sýningunni. Þá kom kvennflokkurinn frá Drammen,
sýningin tókst mæta vel, en ekki komust þær í
samjöfnuð við stúlkurnar okkar. Sýning okkar karl-
mannanna tókst ágætlega. Fagnaðarlætin berg-
máluðu um alla borgina. Að lokum kom karl-
mannaflokkur Drammens fram. Að mínu áliti tók-
um við þeim fram, þó að margir snillingar væru
þeirra á meðal, því heildaráhrifin voru ekki nærri
nógu góð hjá þeim.
Strax á eftir sýningunni var stór veisla og dans.
Ótal ágætar ræður haldnar fyrir minni íslands,
fararstjórans og Björns Jakobssonar; leikfimisflokk-
unum og kerfinu hælt á hvert reipi. Var meðal
annars gefið í skyn að Norðmenn væru ekki alls-
kostar á rjettri leið, og mætti mikið læra af sýn-
ingum okkar. Bæri jafnvel að taka upp í norsku
leikfimina meira eða minna úr íslensku leikfiminni.
Var þar sérstaklega átt við kvennleikfimina. ]afn-
framt sögðu þeir, að koma okkar þangað setti
nýtt líf í leikfimina í Drammen og yrði þeim
ógleymanleg. Og stórfenglegri móttöku og gestrisni
Drammensbúa munum við heldur aldrei gleyma.
Þrátt fyrir að margir áttu ótalað var staðið upp
frá borðum og dansað. Drammarar eru laglegir og
skemtilegir menn, sem gerðu ósvikna lukku hjá
kvenfólkinu og þær ekki síður hjá þeim. Á milli
dansanna voru þær út um hvippinn og hvappinn í
»prívat«-bílum. Tvær ónefndar, sem geta gefið sig
fram, ef þær óska að láta nafnanna getið, fóru
með tveimur — »Guð,-hvað þeir-voru-sætir« —
í prívat-Fordbíl, en urðu bensínlausar á miðri leið
og komu ekki fyr en seint og síðar meir. Þetta er
stórfenglegt ball! »Stemningin« er komin svo hátt
að Hringur, sem við allir vitum hvað er prúður,
beit á jaxlinn, stakk hringnum í buxnavasann og
sagði: »Eg gir fanen í hele skiften* og dansaði
Sharleston með öllum öngum. Dalakollur, með
hvíta pappírshúfu á skakk á hausnum sifur með
fjórum rutineruðum Moderne »selskabsdömum« og
talar um rikling og hangikjöt. Sumir sjást alls
ekki, og Fararstjórinn! — Nei, bílarnir eru
komnir. Við ökum af stað, kvaddir með óstjórn-
legum látum. í tugatali hengu þeir utan á bílun-
um, og þegar við fórum út úr borginni, lágu þeir
í hrúgum á götunum í Drammen.
Kl. 41/2 um nóttina komum við heim á Hótel
Standard í Osló, en ekki gat ég sofnað fyr en kl.
6V2, því um alt Hótelið bergmálaði: »Ó! Guð!
var hann ekki sætur?« »Nei, má ég bara biðja
um minn«. »Hvert ókst þú?« »Gréta! Dansaðir þú
við þennan með hrokkna hárið og kartöflunefið?*
Svo buðu þær góða nótt. Og altaf var þögnin rofin
aftur og aftur: »Hilla, hugsaðu þér bara, hann
ætlar að skrifa mér!« »Æ, góða, farðu nú að
sofa!« »Ennþá byrjar hún!« Nokkrum mínútum
seinna vekur fararstjórinn okkur. Við eigum að fara
að skoða Folkemuseet. Frh.
íþróttanámskeiðið. Eins og áður hefir verið
getið um hér í blaðinu, höfðu í. S. í. og U. M.
F. í. í hyggju að halda íþróttanámskeið hér í vetur.
En vegna þess hve fáar (8) umsóknir voru komnar,
þegar umsóknar-fresturinn var útrunninn, sáu sam-
böndin sér ekki fært að halda námskeiðið. En
j síðan þessi ákvörðun var tekin hafa stjórn í. S. í.
borist margar umsóknir. Þar sem hér er um að
ræða mjög mikilsvert málefni, til eflingar líkams-
menningu landsmanna, þá er mjög leitt hve menn
eru seinir að ákveða sig; hefir nú farið svo, að
þó sæmileg þátttaka fengist á þetta fyrirhugaða
námsskeið þá'ferst það fyrir vegna þess, hve um-
sóknirnar koma seint fram. Er þessa getið hér,
svo að þeir, sem hafa í hyggju að sækja slík
íþróttanámsskeið framvegis, muni eftir að gefa sig
fram í tæka tíð, því eins og gefur að skilja, þurfa
öll slík námskeið mikinn undirbúning, til þess að
verulegt gagn geti orðið að þeim. (B.).
Vöntun skýrslna. En verður þetta blað að
fara án þess að flytja skýrslu um Allsherjarmótið
og Meistaramótið, því að hvorugar þær skýrslur
eru komnar. Sama er að segja um Álafosshlaupið
og Hafnarfjarðarhlaupið. Frá hlaupunum hefði
blaðið þó getað skýrt, skýrslulaust, ef því hefði
verið boðið að vera viðstatt þau.
Einnig er ófengin skýrsla um Tennismeistaramótið,
en mynd af meistaranum er tilbúin.