Litli Bergþór - 01.12.2010, Blaðsíða 11

o Ugluungi sem móðirin skildi eftir einan síns liðs
á Osabakka í vor fékk inni í dýragarðinum Slakka í sumar.
o Nýreist Gestastofa var opnuð í Skálholti
sunnudaginn 25. júlí, húsið er bráðabirgðahús og gert er
ráð fyrir því að hægt verði að flytja það síðar og nýta til
annarra þarfa. í húsinu er yfirlitssýning um 950 ára sögu
Skálholtsstaðar.
o Laugarássbúar fyrr og nú stóðu fyrir
Laugarássgleði laugardaginn 14. ágúst. Brottfluttir komu
margir á föstudeginum og var safnast saman á tjaldstæðinu
í Laugargerði. Gengin var gleðiganga um þorpið á
laugardeginum.
o Iceland River Jet er nýtt fyrirtæki sem gerir út á
hraðbátaþjónustu á Hvítá. Afgreiðsla ferðanna er á Hótel
Gullfossi, farþegar eru keyrðir niður að nýju brúnni yfir
Hvítá og þaðan er siglt upp ána.
o Þyrluflug ehf. er líka nýtt fyrirtæki sem býður
fólki í útsýnisflug yfir Gullfoss, Geysi, Langjökul og víðar
og er lagt upp í það frá Geysi.
o Grunnskólinn var settur þann 20. ágúst og hófst
kennsla mánudaginn 23. ágúst. I vetur eru 107 nemendur í
Reykholti og 39 á Laugarvatni. Starfsmenn eru 32 í 23
stöðugildum.
Sigurlaug Angantýsdóttir í dyrum söluskálans á
Heiðmörk.
o Leikskólinn Álfaborg er fullsetinn, á eldri deild
eru 16 börn og tveir starfsmenn en á yngri deild eru 17
börn og þrír starfsmenn.
o Sú nýbreytni var tekin upp við Grunnskólann í
Reykholti að nú geta nemendur og starfsmenn gerst
áskrifendur að ávöxtum og grænmeti. Er það mötuneyti
skólans sem sér um að útvega nýmetið og sneiða það
niður til neyslu.
o Knútur Ármann og Helena á Friðheimum buðu
sveitungum og vinum að koma og fagna með sér
laugardagskvöldið 21. ágúst í tilefni 15 ára búsetu á
Friðheimum og 15 ára brúðkaupsafmælis þeirra.
o Skorið var á plast á 62 heyrúllum á Vatnsleysu
um miðjan ágúst. Málið var kært til lögreglunnar.
o Símatíma skrifstofu Bláskógabyggðar var breytt
og er nú allan daginn frá níu til þrjú ef frá er talinn
matartíminn á milli tólf og eitt.
o Þann 5. september gengust Upplit,
Menningarmiðlun og Ferðaþjónustan í Uthlíð fyrir göngu
að Kolgrímshóli undir nafninu „Hver var þessi
Kolgrímur?“ og hélt Skúli Sæland erindi í Réttinni að
göngu lokinni.
o Vinningurinn í lottóinu laugardaginn 4.
september kom á miða sem keyptur var í Bjarnabúð.
Vinningurinn var 5 milljónir króna.
o Farið var á tjall vikuna 4. til 9. september í
blíðskapar veðri og Tungnaréttir haldnar laugardaginn 11.
september, sömuleiðis í góðu veðri. Heimtust milli 3.000
og 4.000 fjár af fjalli og er mál manna að smalast hafi
mjög vel. Héldu Tungnamenn upp á það að vanda með
söng og gleði í réttunum fram eftir degi. í eftirsafni
heimtust ekki nema 13 kindur og hefur ekki fréttst af
neinum kindum síðan. Engar kindur fundust við
Brekknaleit Hlíðamanna í haust.
o Magnús í Austurhlíð og Guðmundur sonur hans
sáu um grenjaleit í vor og sumar að venju. Gáðu þeir í alls
51 greni en lágu á 11 grenjum. Náðu þeir báðum dýrunum
á flestum þeirra nema á fjórum þar sem þeir náðu aðeins
öðru dýrinu. Alls náðu þeir 67 dýrum, 18 fullorðnum og
49 yrðlingum. Er það ívið minna en í fyrra, en þá náðu
þeir 71 dýri, sem var metár. Þess má geta að grenjaleitir
hafa verið stundaðar frá Austurhlíð mann fram af nranni
síðan á fyrri hluta síðustu aldar. Magnús var fyrst á
grenjum með Kristni föður sínum, (tók við af Jóhanni
bróður sínum þegar hann féll frá 1999), en Kristinn tók
við af Guðmundi tengdaföður sínum um 1963.
Karólína Gunnarsdóttir á Akri.
o Aðfaranótt 25. september var tvívegis brotist inn
í verslunina /söluskálann á Geysi og þaðan stolið
verðmætum fatnaði.
o Utför Kristins Kristmundssonar, fyrrum
skólameistara Menntaskólans á Laugarvatni fór fram frá
Skálholti 3. október að viðstöddu fjölmenni.
o Atvinnulífsfundur var haldinn í Aratungu 11. okt
á vegum Atvinnuþróunarfélags Suðurlands og
ferðamálafulltrúa Uppsveita Árnessýslu.
o Drengjakór Hafnarfjarðar skemmti á Kaffi Kletti
þann 15. október, en hann hefur nokkra brottflutta
Tungnabúa innan sinna vébanda.
o Árshátíð Eldri borgara var haldin í Aratungu
þann 15. október og brugðu meðlimir Drengjakórs
Hafnarfjarðar sér yfir í Aratungu og tóku lagið þar fyrir
fólkið.
11 Litli-Bergþór