Litli Bergþór - 01.12.2010, Blaðsíða 33
okkur til dáða að halda áfram og þá fórum við útí að
flytja inn tvo aðra hunda frá Bretlandi. Þeir voru
súkkulaðibrúnir og vorum við með fyrsta albrúna
labrador gotið á íslandi. Þessir hundar opnuðu augu
margra fyrir því að það væru til þrír litir á labrador
retriever en enn í dag er samt fólk að spyrja mig
hvaða týpa af hundi þetta sé sem er við hlið mér. í
dag erum við að rækta undan okkar hundum, þ.e.a.s.
hundum sem við ræktuðum sjálf. Er það mjög
gefandi, eins og í allri ræktun, að sjá hvernig til tekst
og læra hvernig og hvaða ættlínur passa saman og
hverjar ekki. í dag erum við með eitt til tvö got á ári
og reynum alltaf að koma með fyrsta flokks hunda
sem henta sem venjulegir heimilishundar eða
þrautþjálfaðir vinnu- og veiðihundar. Okkar hundar
verða aldrei eingöngu sýningarhundar, þó að þeim
eigi öllum eftir að ganga vel á ræktunarsýningum,
því að okkur finnst að hinn fullkomni labrador eigi
að hafa báða þessa eiginleika, annað sé ekki nógu
gott.
En eins og með Elvis forðum þá er það ekki þar
með sagt að þegar maður er orðinn ræktandi að
hundum að prakkarastrikin hætti. ÓneiH Þau eru enn
til staðar og það sem ber hæst er atvik sem átti sér
stað á Þorláksmessu fyrir nokkrum árum. Þá stóð
jólaundirbúningurinn sem hæst og ég var að gera
marga hluti í einu eins og að græja jólamatinn fyrir
þá á heimilinu sem ekki borða villbráð á jólunum,
(jól = Rjúpa). Eg hafði tekið úr frystinum fimm kílóa
kalkún sem var að þiðna hægt og rólega uppá borði.
Eins og margir karlmenn þá var ég annars hugar
þennan dag, líkt og aðra daga, og ekki alveg að pæla
í þessum risakalkúni þannig að ég gleymdi því að
hundarnir fimm voru lausir! Og hvað haldiði? Það
Fjölskyldan í göngutúr.
þurfti ekki að spyrja að því, þeir átu jólamatinn á
Þorláksmessu... og fóru létt með það! Nú voru góð
ráð dýr! Þar sem að ekki var búið að loka búðunum á
Selfossi setti ég persónulegt hraðamet á Hundai
Starex niður á Selfoss. En lenti þar í því að kalkúnn-
inn var, að sjálfsögðu, búinn í búðunum. Þá var ég
komin útí horn. Það var ekkert annað að gera en að
hringja í konuna og sjá hvort hún myndi ekki sætta
sig við „hátíðarkjúkling“! Það var erfitt símtal, alveg
langt uppi á topp tíu skalanum yfir erfið símtöl.
Það eru þó fleirí góðar og ánægjulegar stundir sem
við upplifum með hundunum okkar. Þetta hundastúss
er fyrir löngu orðið lífsstíll og hundarnir orðnir hluti
af fjölskyldunni.
Eg er að upplifa æskudrauminn.
Karl Jóhann Bridde
www.blaskogalabrador.is
Bjarnabúð Reykholti
Verslun og bensínafgreiðsla
Opið alla dagafrá 9:00 til 18:00
Laugardaga ogsunnudaga 11:00 til 18:00
Allar almennar matvörur og olíur
33 Litli-Bergþór