Árbók VFÍ - 01.01.1991, Qupperneq 16

14 ÁrbókVFÍ 1989/90
6.5 Félagsskírteini.
Tekin var upp sú nýbreytni á síðasta starfsári að senda öllum skuldlausum félagsmönnum
félagsskírteini Verkfræðingafélags íslands. Fyrir nýjan félagsmann er félagsskírteinið
vottorð um að viðkomandi verkfræðingur uppfylli kröfur þær sem gerðar eru um
inngöngu í Verkfræðingafélag Islands og veitir honum rétt til að nota skammstöfunina
FVFÍ með nafni sínu. Framvísa skal félagsskírteini þegar farið er fram á afslátt hjá
fyrirtækjum þeim sem veita félagsmönnum afslátt á vörum og þjónustu skv. samkomu-
lagi, sem VFÍ hefur gert við ýmsar verslanir og þjónustuaðila. Þetta fyrsta félagsskírteini
VFÍ gildir til 31. ágúst 1990. Nýtt skírteini verður sent félagsmanni þegar hann hefur að
fullu greitt féiagsgjald hvers árs.
6.6 Tilboð um afslátt á vöru og þjónustu.
Stjórn félagsins hefur leitað eftir afslætti hjá fyrirtækjum sem selja vöru og þjónustu, sem
félagsmenn í Verkfræðingafélaginu gætu nýtt sér. Gerður hefur verið skriflegur samning-
ur til eins árs til reynslu við nokkur valin fyrirtæki og unnið er að frágangi samnings við
fleiri. Fyrirtækin hafa skuldbundið sig til að kynna starfsfólki sínu samkomulagið og fær
félagsmaður umsaminn afslátt gegn framvísun félagsskírteinis VFI. Þessi nýbreytni hefur
mælst vel fyrir og geta menn sparað sér veruleg útgjöld á hverju ári með því að notfæra sér
afsláttinn.
6.7 FEANI.
Framkvæmdastjórn FEANI, Evrópusamtök verk-og tæknifræðinga, sem Verkfræðinga-
félag íslands ogTæknifræðingafélag íslands eru aðilar að, hélt framkvæmdastjórnarfund
á íslandi í júní 1989. Framkvæmdastjóri FEANI, fór þess á leit við Verkfræðingafélag
Islands að það útvegaði húsnæði fyrir fundinn og sæi um nauðsynleg aðföng. Að loknum
stjórnarfundi FEANI var haldinn opinn félagsfundur þarsem stjórn FEANI skýrði stöðu
verk- og tæknifræðinga eftir tilkomu opins markaðar í Evrópu í árslok 1992. Iðnaðar-
ráðuneytið hélt móttöku fyrir stjórnir FEANI, VFÍ og TFÍ auk menntamálanefnda og
eftirlitsnefnda félaganna.
6.8 Fundir með verkfræðinemum og nýútskrifuðum verkfræðingum.
Stjórn félagsins býður árlega nýútskrifuðum verkfræðingum frá HÍ ásamt lærifeðrum
þeirra til móttöku í Verkfræðingahúsi á útskriftardaginn. Einnig býöur félagið öllurn
Fundur með verkfrœðinemum 2. febrúar 1990. Formaður VFÍ Oddur B. Björnsson kynnirfélagið.