Árbók VFÍ - 01.01.1991, Page 67
Tækniannáll 65
vinnslu lágþrýstigufu sem fram til þessa hefur farið til spillis. Enn er þó „strompgufan"
ekki fullnýtt og hefur Hitaveitan óskað eftir heimild til uppsetningar 5 samstæðna til
viðbótar.
5.3 Dreifing raforku
Fremur lítið var byggt af raflínum á árinu. Hitaveita Suðurnesja lauk við byggingu 132 kV
línu frá Svartsengi til Fitja og mældi fyrir og undirbjó lagningu nýrrar 132 kV línu frá
Hafnarfirði (Hamranes) og út á Suðurnes (Suðurnesjalína).
Rafmagnsveitur ríkisins endurnýjuðu á árinu hluta af rafstrengnum til Vestmanna-
eyja og breyttu landtaki strengsins. Þá var lögð ný lína á vegum Rarik frá Reyðarfirði til
Fáskrúðsfjarðar.
Öll raforkufyrirtækin styrktu dreifikerfi sín á árinu og var sums staðar um all
verulegar framkvæmdir að ræða.
Landsvirkjun tók í notkun í september nýja aðveitustöð við Hamranes litlu sunnan
við Hafnarfjörð.
Þá tók Landsvirkjun formlega í notkun á árinu hina nýju stjórnstöð við Bústaðaveg.
Framkvæmdir voru með mesta móti hjá Rafmagnsveitu Reykjavíkur.
Meginhluta framkvæmda við aðveitustöð 2 á Meistaravöllum lauk á árinu 1989 og
var hún tengd aðveitustöö I við Barónsstíg með 132 kV jarðstreng.
Aðveitustöð 7 á Hnoðraholti var hönnuð og framkvæmdir hófust en frá henni er
raforku til Garðabæjar og Kópavogs dreift.
Þá var unnið að undirbúningi línu frá aðveitustöð 7 að Hamranesi, hinni nýju
aðalspennistöð Landsvirkjunar.
Alls varði Rafmagnsveita Reykjavíkur 369 milljónum kr. til fjárfestinga þar af 309
m.kr. til styrkingar dreifikerfisins.
5.4 Hitaveituframkvæmdir
Líkt og á síðasta ári voru helstu framkvæmdir í hitaveitumálum á vegum Hitaveitu
Reykjavíkur.
Á Nesjavöllum var lokið framkvæmdum við stöðvarhús hinnar nýju virkjunar og var
vinnu við uppsetningu vélbúnaðar og tilheyrandi lagna haldið áfram.
Unnið var við kaldavatnsveitu, stofnæð, dælustöð og vatnsgeymi.
Lagningu aðveituæðar lauk á árinu þannig að æðin var tilbúin til vatnsflutnings.
Byggingu hins nýja útsýnishúss á Öskjuhlíð var haldið áfram og var um áramót t.d.
lokið við að setja niöur snúningsgólf.
Loks var unnið við dælustöðvar og stækkun dreifikerfisins víðsvegar á höfuðborgar-
svæðinu.
Um 500 ný hús voru tengd við dreifikerfið.
Áfram var unnið að ýmsum rannsóknum á höfuðborgarsvæðinu og er m.a. verið að
vinna að gerð grunnvatnskorts fyrir svæðið.
Fjárfestingar Hitaveitu Reykjavíkururðu 1886,2 millj. kr. þaraffóru 1292,8millj. kr
til Nesjavallavirkjunar, 324,3 millj. til Útsýnishúss, 181,1 til dreifikerfisins og 88 mill j. til
kaupa á hitaveitu Kjalarness.
5.5 Undirbúningur virkjana og virkjanarannsóknir
Veruleg aukning varð á virkjanarannsóknum á árinu í framhaldi af auknum líkum á
stækkun álversins í Straumsvík eða byggingu nýs álvers.
Gert var þá ráð fyrir að nýtt álver þyrfti raforku strax á árinu 1992 og var því talið
nauðsynlegt að auka virkjanarannsóknir vegna væntanlegra útboða.
L