Árbók VFÍ - 01.01.1991, Síða 74

72 Árbók VFÍ 1989/90
SEMENTSVERKSMIÐJA RÍKISINS
Samdráttur varö í sölu sements á árinu sem varð til þess að framleiðsla dróst saman
og varð 116.000 tonn árið 1989 en hafði verið 134.100 tonn árið áður.
Tæknilega séð varð þó 1989 ár mikilla breytinga fram á við.
Settur var upp öflugur skiljubúnaður við nýrri sementskvörnina. Hann skapar
jafnari kornadreifingu og betri gæði
Keypt voru hraðvirk og fullkomin efnagreiningartæki til að byggja upp nákvæmt
eftirlit með framleiðslunni.
Hráefna- og sementskvörnum er nú stýrt með afkastmiklum iðnaðartölvum og er
þetta fyrsta en stærsta skrefið í að koma á sjálfvirkni í allri framleiðslunni.
Verið er að byggja upp stjórnstöð þar sem allri framleiðslunni verður stýrt með
tölvum og skjámyndum.
Dótturfyrirtæki verksmiðjunnar, Sérsteypan sf, hélt áfram þróunarstarfi sínu á árinu
og þá einkum á eftirfarandi sviðum:
1. Þróun á tilbúinni pússningu og viðgerðarefnum
2. Þróun íslensks múrkerfis
3. Rannsóknir og þróun þjappaðrar þurrsteypu (Roller Compacted Concrete) í
vega- og stíflumannvirki
4. Ýmsar tilraunir með trefjasteypu og sérhæfðar steypublöndur.
Vörur Sérsteypunnar hafa þegar náð verulegri markaðshlutdeild enda þótt stutt sé
síðan vöruþróun hófst.
9 Útflutningur íslenskrar verkfræðiþekkingar
Annálsritari vonast til að þessi kafli annálsins verði einn sá mikilvægasti í framtíðinni.
Sú umfjöllun sem hér birtist er mjög ófullkomin og er aðeins ætlað að sýna að þessi
þróun er komin af stað og hún hefur ekki verið kynnt með stórkarlalegum fjölmiðlakynn-
ingum eins og oft er gert þegar einhver erlendur aðili lætur í hæversku sinni kurteisisorð
falla um einhvern hérlcndan hlut.
Engu að síður má segja að meiri þörf hefði verið að kynna þessa starfsemi en marga
aðra því það þarf að leggja fé í hana og eins og allir vita er sterkt samband milli
stjórnmálamanna og fjölmiðla.
Vera má þó að það sé betra fyrir greinina að fá að vera í friði í bili meðan hún
þroskast svo að hún þoli afskipti íslenskra sjóðakónga.
Verulegur útflutningur verkfræðiþekkingar hefur verið frá íslandi í því formi að
íslendingar hafa unnið erlendis og þá hjá erlendum fyrirtækjum en ekki er ætlunin að
fjalla um það hér.
Hér verður heldur ekki fjallað um þann þátt íslenskra verkfræðiþjónustu sem tengist
framkvæmdum Varnarliðsins þótt sú þjónusta sé að vissu marki útflutningur eða að
minnsta kosti komi í stað innflutnings.
Samstarf er milli háskóla og rannsóknastofnana hér og erlendis og einnig þar er um
tilflutning þekkingar að ræða auk þess sem margir verkfræðingar kenna í erlendum
háskólum. Hitt er svo annað mál hvort kalla á þekkingu þeirra íslenska enda má um það
deila hvort þekking greinist yfirleitt eftir landamærum ríkja.
Því má segja að það sem höfundur fjallar hér um sé útflutningur þckkingar sem skili
beinum tekjum til Islands.
Til eru ráðgjafafyrirtæki hérlendis sem að mestu leyti starfa á erlendum markaði og
má þar t.d. nefna Ráðgjöf og hönnun sf sem hefur hannað ýmis kerfi m.a. fyrir