Árbók VFÍ - 01.01.1991, Síða 121

Póstur og sími 119
2. Sjálfvirkar stöðvar og gagnanet
Á árinu 1989 var tekin í notkun ein móðurstöð í stafræna kerfinu þ.e. á Akureyri með
útstöð á Dalvík.
Útstöðvar tengdar við Hvolsvöll voru teknar í notkun að Steinum, A. Eyjafjalla-
hreppi og Brautarholti á Skeiðum.
Heildarfjöldi uppsettra númera í árslok 1989 var 138.236 og þar af voru 125.136 í
notkun.
Af þessum 138.236 númerum voru 43.896 númer í stafrænum stöðvum eða 31.7%.
Notendur tengdir gagnanetinu í árslok 1989 voru 1203 þar af voru 850 tengdir með
upphringimótöldum en 353 fasttengdir.
3. Gervitunglafjarskipti
Á jarðstöðinni Skyggni var settur upp búnaður fyrir fyrstu stafrænu útlandasamböndin. 2
Mb/s sambandi með um 60 talrásum var komið á við Bretland 24. júlí 1989. Notaður er
stafrænn þjöppunarbúnaður, sem gerir kleift að flytja allt að 120-150 talrásir á einu 2 Mb/
s sambandi. Gert er ráð fyrir að koma á sams konar samböndum við Norðurlöndin og
Bandaríkin á árinu 1990. Jafnframt innleiðingu stafrænu sambandanna verður gömlu
hliðrænu samböndunum fækkað.
Ný jarðstöð Póst- og símamálastofnunarinnar var tekin í notkun 21. desember 1989.
Er hún staðsett við útvarpshúsið að Efstaleiti 1 í Reykjavík og er notuð til að taka við
sjónvarpssendingum Samtaka evrópskra sjónvarpsstöðva (EBU) um Eutelsat gervitungl
fyrir Ríkisútvarpið. Loftnet stöðvarinnar er 7,7m í þvermál og er búið sjálfvirku eltikerfi
og afísingarbúnaði.
4. Farsímakerfið
Farsímakerfið sem var tekið í notkun 3. júlí 1986 hefur vaxið mjög ört. í ársbyrjun 1989
voru um 6000 notendur en í árslok var tala notenda komin í 8000.
Á árinu var radíórásum fjölgað úr 291 í 349 eða um 58 og rásum móti símanetinu úr
135 í 165 eða um 30.
Nýjar móðurstöðvar voru reistar á eftirtöldum stöðum árið 1989: Breiðdalsvík,
Dalvík, Langholti (Biskupstungum), Háurð (Jökuldal), Grindavík, Fróðárheiði og í
Vigri.