Bændablaðið - 12.10.2004, Blaðsíða 12

12 Þriðjudagur 12. október 2004
Árið 2001 markaðssetti MS
vörulínuna Skyr.is hérlendis
sem náði strax gríðarmiklum
vinsældum meðal neytenda.
Hafa vinsældirnar farið stig-
vaxandi og stefnir í að árið 2004
verði metár í sölu á Skyr.is.
Skyr.is er unnið með vinnslu-
aðferð sem byggist á sérstakri
síunaraðferð sem gefur skyrinu
mýkt og eykur nýtingu prótína.
Skyr.is er tilbúið til neyslu og
annað útálát er óþarft. Skyr.is fæst
nú í sjö mismunandi bragð-
tegundum, þar af er ein hrein og
tvær án viðbætts sykurs. Hægt er
að fá Skyr.is í 170 g dós og 500 g
dós og fylgir með 170 g dósinni
skeið svo hægt sé að njóta þess
hvar og hvenær sem er.
Skyr.is er 99,8% fitulaust enda
unnið úr undanrennu eins og annað
skyr. Þó er það næstum rjóma-
kennt og veitir góða saðningu. Það
er því tilvalið megrunarfæði. Fyrir
utan að vera fitusnautt þá er
Skyr.is prótínríkt eins og annað
skyr. Í ofanálag gerir fyrrnefnd
síunaraðferð það að verkum að hin
hollu mysuprótein varðveitast í
Skyr.is en síast ekki frá eins og í
venjulegu skyri. Eru mysuprótín
um fjórðungur prótínanna í Skyr.is
og þar með er Skyr.is ein auðug-
asta uppspretta mysuprótína í
náttúrulegu formi sem völ er á.
Mysuprótín eru vinsæl meðal
líkamsræktarfólks og þykja hafa
margvísleg heilsusamleg áhrif,
meðal annars á ónæmiskerfið.
Hinar miklu vinsældir Skyr.is
hafa einnig náð út á skyndi-
bitamarkaðinn og hafa verið settir
upp svokallaðir BOOZT-barir á
þremur stöðum í Reykjavík; í
Kringlunni, World Class Spöng-
inni og Laugum. BOOZT saman-
stendur af Skyr.is og ávöxtum sem
hrært er saman með klaka. Margir
eru farnir að gera skyrdrykki
heima fyrir sem byggjast á
BOOZT-drykkjum og á þessi
þróun sinn þátt í auknum
vinsældum Skyr.is.
Skyr.is er framleitt hjá Mjólk-
urbúi Flóamanna Selfossi en sala
og dreifing er í höndum Mjólkur-
samsölunnar.
Skyr.is hefur náð
miklum vinsældum
Grunnskóla- og
stjórnsýsluhús
byggt að Borg í
Grímsnesi
Sveitarstjórn Grímsnes- og
Grafningshrepps hefur ákveðið
að byggt verði nýtt grunnskóla-
og stjórnsýsluhús að Borg í
Grímsnesi og að það verði tekið
í notkun 12. ágúst 2005. Þá um
leið verður lögð af kennsla í
Ljósafossskóla.
Gunnar Þorgeirsson oddviti
sagði í samtali við Bændablaðið
að hugmyndavinnu væri lokið og
nú væru verkfræðingar og arki-
ektar að bera saman bækur sínar.
Sveitarstjórn hefur samþykkt að
semja við Fasteign ehf. um
byggingu hússins á grundvelli
fyrirliggjandi gagna. Um verður
að ræða einkaframkvæmd og mun
Grímsnes- og Grafningshreppur
leigja húsið af eigendunum.
Tvær nýjar rannsóknir sýna fram á að
mjólk hefur grennandi áhrif en hægt er að
hafa áhrif á offitu með því að taka inn kalk
sem flestir fá úr mjólkurafurðum.
Offita hefur aukist mikið síðustu
áratugina og stöðugt fleiri tala um
offitufaraldur á heimsvísu. Hingað til
hefur athyglin einkum beinst að fitu og
kolvetnum en nú hefur athygli
vísindamanna einnig beinst að kalki
og því jákvæða hlutverki sem það
hefur.
Á ráðstefnu sem var nýlega haldin
í Prag voru samankomnir 2.400
vísindamenn til að fara yfir nýjustu
rannsóknirnar á offitu. Á meðal þeirra
sem kynntu niðurstöður sínar á þessari
ráðstefnu var virtur danskur
vísindamaður, Arne Astrup. Rannsókn
hans sýndi fram á að kalk í mjólk og
mjólkurafurðum dregur úr upptöku
fitu í líkamanum. Fullorðinir
einstaklingar með offituvandamál voru
rannsakaðir og var þeim skipt upp í
tvo hópa. Hóparnir fengu mismunandi
matseðla sem þeir áttu að fara eftir,
annars vegar með lágu og hins vegar
háu kalkinnihaldi. Aðaluppspretta
kalks í báðum hópum voru fitulitlar
mjólkurafurðir. Athygli vakti að
upptaka fitu í líkamanum var minni
hjá þeim sem neyttu kalkríkrar fæðu.
Í annarri rannsókn, sem
framkvæmd var af Michael B. Zemel í
Bandaríkjunum, var 32 einstaklingum
skipt í 3 hópa sem fengu sama fjölda
hitaeininga í fæðunni en mismikið af
kalki úr fitulitlum mjólkurafurðum.
Hópurinn sem fékk minnst af kalki
léttist um 6,4 kg, miðhópurinn léttist
um 8,6 kg og sá hópur sem fékk mest kalk
léttist um 10,9 kg. Rannsóknin stóð yfir í 24
vikur.
Það liggja einnig fyrir aðrar rannsóknir
sem gefa til kynna samhengi á milli neyslu
kalks og líkamsþyngdar. Þessar tvær
nýjustu rannsóknir eru áhugaverðar að því
leyti að þær sýna fram á að áhrif kalks á
líkamsþyngd eru meiri en áður hefur verið
talið og vegna þess að fitulitlar
mjólkurafurðir hafa verið aðaluppspretta
kalks.
Síðarnefnda rannsóknin sýndi ekki
einungis fram á að sá hópur sem neytti
kalkríkustu fæðunnar léttist mest, heldur
leiddi hún einnig í ljós að sú fita sem hvarf
var magafita (kviðarholsfita) hjá sama
hópnum. Þetta er sú fitutegund sem talin er
hættulegust þegar um er að ræða fitutengda
sjúkdóma eins og til dæmis sykursýki af
gerð 2. Fitutap af magasvæðinu var 19% hjá
þeim hópi sem fékk minnst af kalki, 50,1%
hjá miðhópnum og 66,2% hjá þeim hópi
sem neytti kalkríkustu fæðunnar.
Næringarfræðingar eru þegar farnir að
benda fólki á að drekka mjólk þegar það
vill grennast. Að þeirra áliti er mjólk besta
uppspretta kalks því úr henni getur maður
fengið mikið kalk, litla fitu og fáar kaloríur.
Kari H. Brugge, næringarfræðingur hjá
Grete Roede AS, segir að þau
ráðleggi fólki, sem kemur til þeirra
og vill grennast, að drekka mjólk.
Enn fremur segir hún að þegar fólk
vill léttast þurfi það að fækka
kaloríum og einnig er mikilvægt að
hafa mikla fjölbreytni í fæðunni
þannig að maður fái nægjanlegt
magn af vítamínum og steinefnum.
Ef mjólkinni er sleppt, getur verið
erfitt að fá nógu mikið kalk. Þær
rannsóknir sem framkvæmdar hafa
verið núna undanfarið gefi fólki enn
eina ástæðu til að mæla með
mjólkurdrykkju.
Skýringar á grennandi áhrifum
mjólkurafurða:
Kalk hefur áhrif á
umbreytingu á fitu og kaloríum.
Kalkið virðist minnka
fituuppsöfnun í fitufrumunum þegar
of mikil orka er til staðar.
Við orkuleysi hefur verið tekið
eftir að kalk örvar fitubrennslu.
Mikil kalkneysla virðist sem
sagt draga úr uppsöfnun á fitu og
örva fitubrennslu við
þyngdarminnkun.
Hæfileikar kalksins til að
viðhalda fitubrennslu, þrátt fyrir
orkuskort, gefur til kynna mikilvægi
þess að halda áfram að borða
fitulitlar mjólkurafurðir í
megrunarkúrum.
Kalk getur einnig myndað ógegndræp
sambönd í þörmunum með fitu og þannig
dregið úr fituupptöku upp að vissu marki.
Mjólk inniheldur þar að auki önnur
efni, svokölluð lífvirk peptíð, sem virðast
einnig hafa fituminnkandi áhrif.
Heimild: www.tine.no
Þýtt af Landssambandi kúabænda,
október 2004.
Nýjar rannsóknir sýna fram
á að mjólk er grennandi!
Besti
bænda-
vefurinn!
Ert þú með vefsíðu þar sem
segir frá lífinu í sveitinni, þínu búi
eða bændafjölskyldu? Ef svo er þá
getur þú tekið þátt í vefsíðukeppni
um “besta bændavefinn 2004” þar
sem vegleg verðlaun eru í boði -
helgardvöl fyrir tvo á Radisson
SAS!
Allir bændur og aðrir sem búa
í sveit geta tekið þátt í keppninni.
Keppt er í tveimur flokkum:
Mundu að frestur til að
tilkynna þátttöku rennur út 1.
desember nk. svo það er nægur
tími til vefsmíða eða til endurbóta
á eldri vefjum! Úrslit verða
tilkynnt miðvikudaginn 8.
desember á vefnum bondi.is og
umfjöllun um keppnina og þá sem
tilnefndir voru birtist í jólablaði
Bændablaðsins.
Eina sem þú þarft að gera til
að taka þátt í keppninni er að
senda upplýsingar um
heimasíðuna og hver sé höfundur
hennar á netfangið tb@bondi.is.
Úrslit verða tilkynnt
miðvikudaginn 8. desember á
vefnum bondi.is.
Geitfjárræktarfélag Íslands
vill minna geitfjáreigendur á
aðalfund félagsins sem haldinn
verður þann 5. nóvember nk.
kl. 14:00 í bókaherbergi
Bændasamtaka Íslands í
Bændahöllinni.
Fundarefni :
- Venjuleg aðalfundarstörf.
- Niðurskurður geita samhliða
niðurskurði sauðfjár í
riðutilfellum.
- Möguleiki á auknum rann-
sóknum á geitum vegna riðu.
Formaður