blaðið - 01.06.2007, Blaðsíða 4

4 FÖSTUDAGUR 1. JÚNÍ 2007
blaöið
INNLENT
PORTÚGALSKUR SENDIHERRA
Skoðar Kárahnjúka
Portúgalski sendiherrann í Noregi kemur til landsins
í dag til að skoða aðstæður portúgalskra verka-
manna sem vinna við Kárahnjúkavirkjun. Oddur
Friðriksson, yfirtrúnaðarmaður á svæðinu, mun
lóðsa hann um vinnusvæðið.
LAUNAVÍSITALA
Hækkaði um 4,1 prósent
Vísitala launa er 118,6 stig á fyrsta ársfjórðungi 2007
en hún hækkaði um 4,1 prósent frá fyrri ársfjórðungi.
Regluleg laun skrifstofufólks hækkuðu mest eða um 5,9
prósent. Minnst hækkuðu regluleg laun verkafólks eða um
3,3 prósent. Þetta kemur fram á vef Hagstofu Islands.
UMFERÐARSLYS
Alvarlegt slys á Suðurlandsvegi
Tveir voru fluttir alvarlega slasaðir með þyrlu Landhelgisgæsl-
unnar á Landspítalann í Fossvogi eftir að jeppi og jepplingur
skullu saman á Suðurlandsvegi skammt austur af Selfossi
síðdegis í gær. Hinir slösuðu voru ökumaður og farþegi jepp-
lingsins. Kornabarn í jepplingnum slapp ómeitt. Mbl greindi frá.

þriðjudaga
Augiýsingasíminn er
510 3744

sérmerkt þér!
Fyrrverandi formaður Framsókn-
ar Náði ekki inn á þing þrátt fyrir að
Framsóknarflokkurinn eyddi líklega
u.þ.b. 10 til 20 milljónum króna í gerð
sjónvarpsauglýsinga fyrir kosninga-
baráttuna. BMil/Bryniardauti
Auglýsingakostnaður Samfylkingar og Framsóknar:
Tvöfalda 28 milljóna
markið ef allt er talið
■ Frjálslyndi flokkurinn var í þriðja sæti
■ Vinstri hreyfingin - grænt framboð eyddi minnstu
Eftir Hlyn Orra Stefánsson
hlynur@bladid.net
Samkvæmt skýrslu Capacent Gallup
eyddu Framsóknarflokkurinn og
Samfylkingin mestu í auglýsinga-
kostnað fyrir alþingiskosningarnar
í síðasta mánuði, eða um 27 millj-
ónum króna hvor flokkur. Ef allur
auglýsingakostnaður er tekinn með
í reikninginn má þó reikna með að
kostnaður allt að tvöfaldist, enda
er í skýrslunni einungis metinn
kostnaður við birtingar auglýsinga
í blöðum, sjónvarpi og útvarpi. Sam-
kvæmt upplýsingum Blaðsins fer
kostnaður Framsóknarflokksins
líklega yfir 40 milljónir ef einungis
hönnun sjónvarpsauglýsinga er
bætt við áðurnefnda tölu.
1 skýrslunni kemur fram að Sam-
fylkingin eyddi mestu í birtingu
auglýsinga í áðurnefndum miðlum,
eða um 27,3 milljónum króna. Fram-
sókn eyddi rétt um 27 milljónum
sem var næstmest. Flokkarnir
höfðu gert samkomulag um að eyða
ekki meira en 28 milljónum í birting-
arnar og voru flokkarnir tveir því
rétt innan settra marka. Frjálslyndi
flokkurinn var í þriðja sæti, en hann
eyddi rétt rúmlega 20,5 milljónum
og Sjálfstæðisflokkur fylgdi fast á
hæla hans með tæpar 20,5 milljónir.
Vinstri hreyfingin - grænt fram-
boð eyddi minnstu af þeim fimm
flokkum sem könnunin náði til, eða
um 17,6 milljónum króna.
Við vinnslu skýrslunnar var ekki
tekið tillit til ýmissa kostnaðarliða
í auglýsingum flokkanna. Sérfræð-
ingur sem Blaðið hafði samband
við sagði að reikna megi með að
áðurnefndar tölur tvöfaldist ef allur
auglýsingakostnaður er tekinn með
í reikninginn. Sem dæmi um aug-
lýsingakostnað sem ekki var tekið
tillit til við gerð skýrslunnar má
nefna hönnun auglýsinganna, kaup
á umhverfisauglýsingum svo sem
á strætisvögnum og -skýlum, birt-
ingar auglýsinga á veraldarvefnum
og kostnað vegna úthringinga.
Samkvæmt upplýsingum Blaðs-
ins kostar hver sjónvarpsauglýsing
eins ogþær sem flokkarnir létu gera
fyrir sig á bilinu 1 til 2 milljónir. Hjá
Samfylkingunni fengust þær upplýs-
ingar að 6 slíkar auglýsingar hefðu
verið gerðar. Hjá Framsókn feng-
ust hins vegar þær upplýsingar að
líklega hefðu 11 slíkar auglýsingar
verið gerðar fyrir flokkinn. Því má
reikna með að Framsóknarflokkur-
inn tróni einn á toppnum ef kostn-
aður við sjónvarpsauglýsingar er
tekinn með í reikninginn. Hönnun
blaðauglýsingar kostar mun minna,
eða líklega á bilinu 100 til 200 þús-
und krónur fyrir heilsíðuauglýs-
ingu ef auglýsingastofa er fengin til
að hanna hana.
Stjórnendur Frjálsrar fjölmiðlunar dæmdir í Hæstarétti:
Fangelsi og fjársektir
Hæstiréttur dæmdi í gær Eyjólf
Sveinsson, fyrrverandi útgefanda
DV og Fréttablaðsins, í tólf mánaða
fangelsi þar af níu skilorðsbundna
fyrir umboðssvik og skattalaga-
brot. Þá var honum gert að greiða
rúmar 20 milljónir króna í sekt
í ríkissjóð. Héraðsdómur hafði
dæmt Eyjólf í 15 mánaða fangelsi,
þar af tólf skilorðsbundna og til
greiðslu 67 milljóna í sekt. Þá var
Svavar Ásbjörnsson dæmdur i 8
mánaða fangelsi, þar af 5 mánuði
skilorðsbundna, en héraðsdómur
hafði talið 6 mánaða skilorðs-
bundið fangelsi hæfilega refsingu.
Marteinn Kristinn Jónasson var
dæmdur í tveggja mánaða skil-
orðsbundið fangelsi og til greiðslu
12,2 milljóna sektar. Héraðsdómur
hafði dæmt hann í 4 mánaða skil-
orðsbundið fangelsi og til greiðslu
Eyjólfur Sveins-
son Sleppurviö
fangelsi greiði hann
67 milljónirísekt.
Blaöil/Árnl Sæberg
sektar upp á 68,9 milljónir. Ólafur
Haukur Magnússon hlaut 30 daga
skilorðsbundið fangelsi í stað 10
mánaða skilorðsbundins dóms
fyrir héraðsdómi. Ólafi Hauki er
einnig gert að greiða sekt upp á 8,6
milljónir en áður hafði hann verið
dæmdur til að greiða 5,5 milljóna
sekt. Sektargreiðslur sakborninga
nema rúmum 40 milljónum en hér-
aðsdómur hafði ákvarðað sektir
upp á tæpar ió3 milljónir króna.