Fréttablaðið - 24.10.2012, Blaðsíða 10

24. október 2012 MIÐVIKUDAGUR10
Landskjörstjórn
Fundur til að lýsa úrslitum
þjóðaratkvæðagreiðslunnar um tillögur
stjórnlagaráðs
Landskjörstjórn kemur saman til fundar í húsakynn-
um nefndasviðs Alþingis mánudaginn 29. október
nk., kl. 12, til að úrskurða um gildi ágreiningsseðla
og lýsa úrslitum þjóðaratkvæðagreiðslunnar sem
haldin var laugardaginn 20. október 2012 um tillögur
stjórnlagaráðs til breytinga á stjórnarskrá lýðveldisins
Íslands, nr. 33/1944, og tiltekin álitaefni þeim tengd.
Samkvæmt 13. gr. laga nr. 91/2010, um framkvæmd
þjóðaratkvæðagreiðslna, skulu kærur um ólögmæti
atkvæðagreiðslunnar, aðrar en refsikærur, sendar
landskjörstjórn til úrlausnar eigi síðar en tveimur
dögum fyrir fundinn. Kærur skulu merktar: Lands-
kjörstjórn, b.t. Þórhalls Vilhjálmssonar, ritara lands-
kjörstjórnar, Alþingishúsinu við Austurvöll (Skáli),
150 Reykjavík.
Ergo vill aðstoða þig við að eignast farartæki
Áfram bjóðum við græn bílalán án lántökugjalda. Við bjóðum einnig
50% afslátt af lántökugjöldum á bílalánum og bílasamningum í október.
Reiknaðu með okkur á ergo.is.
Afsláttur af lántökugjöldum
Suðurlandsbraut 14 > sími 440 4400 > www.ergo.is > ergo@ergo.is
BANDARÍKIN Þeir Barack Obama og
Mitt Romney þurfa að leggja hart
að sér til að ná eyrum óákveðinna
kjósenda á miðjunni þær tvær
vikur sem eftir eru fram að for-
setakosningum í Bandaríkjunum.
Obama þótti standa sig mun
betur en Romney í síðustu sjón-
varpskappræðum þeirra, sem
haldnar voru á mánudagskvöld.
Áherslan var á utanríkismál, þar
sem Obama er á heimavelli en
Romney reynslulítill.
Greinilegt var á málflutningi
Romneys að hann reyndi að færa
sig nær miðjunni í þessum mála-
flokki en hann hefur gert til þessa.
Obama notaði hins vegar hvert
tækifæri til að koma að þeim
áformum sem hann hefur um upp-
byggingu innanlands á næstu
árum, þegar herinn verður farinn
frá Afganistan.
Stærstu mistök Romneys voru
þegar hann tók að gagnrýna Obama
fyrir að bandarískum herskipum
hefði fækkað mjög síðan 1916.
Obama svaraði því til að í
hernum væru líka færri hestar og
byssustingir en þá, enda ekki eins
mikil þörf fyrir þá lengur: „Við
erum með þessa hluti sem kallaðir
eru flugmóðurskip, sem flugvélar
lenda á. Við erum líka með þessi
skip sem sigla neðansjávar, kölluð
kafbátar. Þetta snýst ekki um leik
sem heitir Orrustuskip, þar sem við
teljum skipin.“ - gb
Obama þótti standa sig mun betur en Romney:
Enn munar mjóu á
frambjóðendunum
ROMNEY OG OBAMA Síðustu kappræðurnar skipta vart sköpum þótt staða Obamas
hafi skánað. FRÉTTABLAÐIÐ/AP
HEILBRIGÐISMÁL Hjúkrunarráð Land-
spítala segir að niðurskurður á
spítalanum undanfarin ár hafi
haft mikil áhrif á starfsaðstæður
hjúkrunarfræðinga og hafi dregið
úr tækifærum þeirra til að vinna
að verkefnum sem tengjast fag-
legum verkefnum.
Hjúkrunarráð Landspítala mót-
mælir þessari þróun, eins og
kemur fram í aðalfundarályktun
ráðsins.
„Það er nauðsynlegt að gert sé
ráð fyrir því í mönnunarmódeli á
háskólasjúkrahúsi að hjúkrunar-
fræðingar hafi svigrúm til að
sinna kennslu og faglegri verkefna-
vinnu,“ segir þar.
Í skýrslu stjórnar og nefnda
hjúkrunarráðs kemur fram að
hvatt er til þess að nauðsynleg
endurnýjun á tækjabúnaði spít-
alans fari fram. Gömul og úr sér
gengin tæki á háskólasjúkrahúsi
séu ógnun við meðferð og öryggi
sjúklinga.
Í skýrslunni kemur fram að
mikil óánægja sé meðal hjúkrunar-
fræðinga á spítalanum með launa-
kjör og mikið vinnuálag. Stjórn
hjúkrunarráðs hefur áhyggjur af
þessari óánægju og að ástæða sé
til að ætla að óánægjan valdi því
að los komi á hjúkrunarfræðinga
og að þeir ráði sig annað. - shá
Hjúkrunarráð bendir á neikvæða þróun í kjölfar niðurskurðar á LSH undanfarið:
Óttast þróun á starfsaðstæðum
Á LANDSPÍTALA Hjúkrunarráð LSH telur
gömul tæki ógnun við meðferð og
öryggi sjúklinga. FRÉTTABLAÐIÐ/VILHELM
LÖGREGLUMÁL Tveir menn um
tvítugt hafa játað að hafa stolið
bensíni á bílaleigu á Suður-
nesjum um síðustu helgi. Ekki
vildi betur til en að eldur kvikn-
aði þegar þeir félagar dældu
stolnu bensíni á brúsa og eyði-
lögðust fimm bílar í brunanum.
Það var lögreglan á Suður-
nesjum sem handtók mennina
í fyrradag og við yfirheyrslur
játuðu þeir verknaðinn. Annar
þeirra brenndist nokkuð á fótum
en hafði ekki leitað læknis þegar
hann var handtekinn. - th
Kveiktu í fimm bílum:
Tveir tvítugir
hafa játað
GREIFINGI SKIPTIR UM FILMU Hann
tók ásamt hundruðum manna þátt í
mótmælum í London gegn áformum
stjórnvalda um að drepa þúsundir
greifingja í Bretlandi.
NORDICPHOTOS/AFP