Fréttablaðið - 21.12.2012, Blaðsíða 6

21. desember 2012 FÖSTUDAGUR| FRÉTTIR | 6
Jólatilboð
1. Hver er skrifstofustjóri Alþingis?
2. Hvað heitir Benni, eigandi Bíla-
búðar Benna?
3. Hver skrifaði barnabókina Víti í
Vestmannaeyjum?
SVÖR
1. Helgi Bernódusson. 2. Benedikt Eyjólfs-
son. 3. Gunnar Helgason.
EFNAHAGSMÁL Nefnd fulltrúa allra
þingflokka um afnám gjaldeyris-
hafta hefur áhyggjur af fyrirhug-
uðum nauðasamningum Glitnis
og Kaupþings og telur óráðlegt að
samþykkja þá fyrr en heildræn
stefna um afnám hafta og samn-
ingsafstaða liggur fyrir. Þetta
kemur fram í bréfi sem nefndin
sendi formönnum allra stjórn-
málaflokka í gær. Fréttablaðið
hefur bréfið undir höndum.
Nefndin kemur einnig fram
áhyggjum sínum af því að Glitn-
ir og Kaupþing stefni að frágangi
nauðasamninga og skipulegri
útgreiðslu í kjölfar þeirra. Í bréf-
inu segir að það sé skoðun nefnd-
armanna „að við þessar aðstæð-
ur sé rétt að bíða átekta og meta
stöðuna ítarlega áður en slíkum
nauðasamningum er veitt brautar-
gengi. Einnig er mikilvægt að
mati nefndarmanna að ákvörðun-
arrammi stjórnvalda í tengslum
við jafn mikilvægt mál og hér um
ræðir sé styrktur frá því sem nú
er og kæmi í því sambandi til álita
að breyta núgildandi lagaákvæð-
um. Í því felst meðal annars að
létta þrýstingi af Seðlabankan-
um um að setja reglur sem varða
undanþágur gömlu bankanna til
gjaldeyrisviðskipta“.
Nefndin undirstrikar að lokum
þörf fyrir heildstæða áætlun um
losun hafta og telur óráðlegt
að gera róttækar breytingar á
núverandi starfsumhverfi gömlu
bankanna fyrr en slík liggur
fyrir.
- þsj
Nefnd fulltrúa allra þingflokka um afnám gjaldeyrishafta:
Vill bíða með nauðasamninga
UMSÓKN Fréttablaðið greindi frá því í vikunni að slitastjórn Glitnis hefði sótt um
undanþágu frá gjaldeyrishöftum vegna nauðasamnings bankans. FRÉTTABLAÐIÐ/PJETUR
ORKUMÁL „Þetta er mikil viður-
kenning fyrir okkur en sýnir ekki
síður traust á íslensku hugviti í
orkumálum,“ segir Eyjólfur Árni
Rafnsson, forstjóri verkfræðistof-
unnar Mannvits, um styrk upp á 40
milljónir evra, jafngildi hátt í sjö
milljarða króna, úr NER300-áætl-
un framkvæmdastjórnar ESB til
að þróa jarðvarmaverkefni í Ung-
verjalandi. Verkefnið var eitt af 23
grænum orkuverkefnum sem hlutu
styrk að þessu sinni.
Heildarkostnaðurinn við verk-
efnið, sem hefur verið í undir-
búningi í tæp tvö ár, er um 100
milljónir evra. Hinn hluti fjár-
mögnunarinnar kemur frá ung-
verska fjárfestingafyrirtækinu
EU-Fire, en verkefnið er einnig
unnið í samstarfi við stjórnvöld
þar í landi.
Í því felst að hanna kerfi þar
sem borað er niður í heitt berg
þar sem eru boraðir út vatnsgang-
ar. Vatni er svo dælt þar niður í
gegnum það upp aftur í hringrás
í lokuðu kerfi. Varmann á svo að
nota til raforkuframleiðslu og hit-
unar húsa.
„Þetta skiptir sköpum fyrir
okkur og við miðum að því að hefja
boranir á næsta ári. Það er von-
andi að það takist,“ segir Eyjólfur.
Hann segir gert ráð fyrir að tíu til
fimmtán megavött fáist úr hverri
holu.
„Það er ef til vill ekki mikið
fyrir okkur Íslendinga en þegar
miðað er við aðstæður hér í Ung-
verjalandi, þar sem notað er gas,
munar það nokkru. - þj
Risaverkefni verkfræðistofunnar Mannvits fær 40 milljónir evra í styrk frá framkvæmdastjórn ESB:
Þróar nýtt jarðvarmakerfi fyrir Ungverja
FRÁ BÚDAPEST Mannvit fékk veglegan
styrk frá framkvæmdastjórn ESB til að
þróa jarðvarmaverkefni í Ungverjalandi,
sem gæti meðal annars nýst til raforku-
framleiðslu. NORDICPHOTOS/GETTY
Save the Children á Íslandi
NEYTENDUR Hámarksverð á inn-
fluttum tollfrjálsum varningi
verður hækkað úr 65 þúsund krón-
um í 88 þúsund krónur og hámark
á verðmæti einstaks hlutar verður
afnumið.
Svo hljóða breytingartillögur
meirihluta efnahags- og við-
skiptanefndar sem voru lagðar
fram í gær við frumvarp til laga
um breytingar á vörugjöldum og
tollalögum er varða hámarksverð-
mæti á tollfrjálsum varningi sem
ferðamenn koma með til landsins.
Íslendingar sem ferðast út fyrir
landsteinana mega í dag taka toll-
frjálsan varning inn í landið að
hámarksverðmæti 65 þúsund krón-
ur og verðmæti einstaks hlutar má
ekki vera meira en 32.500 krónur.
Þá eru sérstakar takmarkanir á
því hve mikið af matvöru, áfengi
og tóbaki má taka með inn í land-
ið. Hámarkið er hvergi eins lágt í
nágrannalöndunum og hér á landi.
Innan ríkja Evrópusambandsins
(ESB) er sambærilegt hámark
430 evrur, jafngildi ríflega 71.500
króna, en taka skal fram að milli
tveggja ESB-ríkja eru allar vörur
tollfrjálsar ef frá er skilið áfengi
og tóbak.
Fram kemur í nefndaráliti
meirihlutans að fjárhagsviðmiðið
hafi haldist óbreytt síðan í lok árs
2008 en gengi íslensku krónunn-
ar hafi hríðlækkað. Því segi það
sig sjálft að ferðamenn geti ekki
komið með eins mikið af verð-
mætum inn í landið og áður. Síðan
síðustu breytingar voru gerðar
hefur vísitala neysluverðs hækk-
að um tæplega þriðjung og gengi
Dýrari vörur munu
brátt komast í gegn
Hámarksverðmæti tollfrjálsra vara verður hækkað og hámark á stökum hlutum
verður afnumið í tollinum, nái tillögur meirihluta efnahags- og viðskiptanefndar
fram að ganga. Ísland er með mun lægra viðmið í tollalögum en önnur lönd.
Meirihluti nefndarinnar leggur einnig til að tollur á reiðhjólum verði
afnuminn. Sú aðgerð muni þó kosta ríkið um 30 milljónir króna.
Í nefndarálitinu segir að það sé gert með það að markmiði að „efla
vistvænar samgöngur og til samræmis við tillögur í skýrslu nefndar
Alþingis um eflingu græna hagkerfisins frá september 2011, sem og ný-
legar niðurfellingar, endurgreiðslur og lækkanir á opinberum gjöldum á
vistvænar bifreiðar“.
Tollur af reiðhjólum verði afnuminn
HLUTIR MEGA KOSTA MEIRA Lög um hámarksverðmæti tollfrjálsra vara hafa verið
eins frá árinu 2008, þrátt fyrir gengishrun íslensku krónunnar.
krónunnar veikst um ríflega þriðj-
ung. Þannig væri 65 þúsund króna
hámarkið ríflega 100 þúsund krón-
ur hefði það haldið í við gengis-
þróun krónunnar á móti Banda-
ríkjadal.
Efnahags- og viðskiptanefnd
fékk fjölda hagsmunaaðila og
annarra sem málin varða á fund
til sín, meðal annars forsvarsmenn
frá embætti tollstjóra, ráðuneyt-
inu, Samtökum verslunar og þjón-
ustu, Samtökum atvinnulífsins,
Samtökum iðnaðarins og embætti
Landlæknis. Þá barst nefndinni
einnig fjöldi umsagna um málið.
magnus@frettabladid.is
sunna@frettabladid.is
VEISTU SVARIÐ?