Sveitarstjórnarmál - 01.11.2003, Blaðsíða 9
Frá mínum sjónarhól
Hugleiðingar að lokinni fjármála-
ráðstefnu sveitarfélaganna
Fjármálaráðstefna sambandsins var einkar
áhugaverð og árangursrík að þessu sinni,
en það sást vel á þátttöku sveitarstjórnar-
manna víðsvegar af landinu. Síðari dag
ráðstefnunnar fylgdist ég með þeim hluta
þar sem fyrirlestrar og umræður voru um
fjárhagsáætlunargerð út frá ýmsum sjónar-
hornum. Eftir þá gagnlegu yfirferð er ein
hugleiðing sem situr eftir í kolli mér: ítrek-
að var minnt á þá staðreynd að fjárhags-
áætlun væri ekki aðeins áætlun heldur
ákvörðun um ráðstöfun fjárheimilda næsta
Einar Sveinbjörnsson, bæjarfulltrúi í Garðabæ.
árs. Sú staðreynd setur ákvæði sveitar-
stjórnarlaga um heimild til endurskoðunar
fjárhagsáætlunar í sérstakt Ijós að mínu
mati. Samkvæmt lögunum (62. gr 1. mgr.)
segir að heimilt sé að endurskoða fjár-
hagsáætlun sveitarsjóðs og stofnana sveit-
arfélags og gera á henni nauðsynlegar
breytingar ef í Ijós koma breytingar á for-
sendum fjárhagsáætlunar (leturbreyting
mín).
Misnotað heimildarákvæði
Ég er þeirrar skoðunar að þetta heimildar-
ákvæði sé misnotað af sveitarfélögum
þannig að oft á tíðum eru gerðar breyting-
ar að hausti við endurskoðun fjárhags-
áætlunar sem lítið sem ekkert hafa að gera
með breytingar á forsendum. Hægt er að
leggja mismunandi mat á það hvað séu
breytingar á forsendum, en í mínum huga
eru það einkum ófyrirséðar verðlagsbreyt-
ingar innan ársins, nýir kjarasamningar,
áföll í atvinnulífi sem áhrif hafa á tekjur
eða jafnvel náttúruvá sem gjörbreyta for-
sendum. Einnig ef aðstæður hafa breyst
þannig að ákveðið er að hætta við, nú
eða flýta einstökum áætluðum fram-
kvæmdum innan ársins.
Tímabært að þrengja heimildina?
Við sveitarstjórnarmenn þekkjum allt of
vel frasann „fjármögnun vísað til endur-
skoðunar fjárhagsáætlunar". Rekstrarliðir
eru of oft teygðir og togaðir þar sem alltaf
er hægt að hlaupa í skjól endurskoðunar-
innar.
Gæti verið að heimildin til endurskoð-
unar áætlunar síðla árs dragi úr öguðum
vinnubrögðum við gerð sjálfrar fjárhags-
áætlunarinnar og þess háleita markmiðs
að áætlunin sé notuð sem öflugt stjórn-
tæki í rekstri? Er ef til vill tímabært að lög-
gjafinn þrengi þessa heimild til endur-
skoðunar fjárhagsáætlunar?
Ég skora á Kristján Þór Júlíusson, bæj-
arstjóra á Akureyri, að bregðast við þess-
um hugleiðingum mínum.
Einar Sveinbjörnsson,
bæjarfulltrúi í Garðabæ.
Rafstöðvar
Við bjóðum CUMMINS rafstöðvar í stærðunum
40 til 3300 KVA. Hagstætt verð. Mikill fjöldi
rafstöðva í notkun hérlendis hjá stofnunum
og fyrirtækjum. Hundruðir Ijósavéla í skipum
og bátum. Mjög góð reynsla fengin.
Sjáum um niðursetningu og viðhald.
Leitið nánari upplýsinga.
VÉLASALAN
Ánanaust 1, Reykjavík. Sími 580 5300. Fax 580 5301.
Netfang: veiasalan@velasalan.is Veffang: http://www.velasalan.is
9