Sveitarstjórnarmál - 01.11.2003, Blaðsíða 20

Austur-Hérað
íbúaþróunina koma fram í spurn eftir
íbúðarhúsnæði og raunar einnig húsnæði
til iðnaðar- og atvinnustarfsemi. „Við aug-
lýstum 35 lóðir til umsóknar fyrir íbúðar-
húsnæði á dögunum og fengum um 230
umsóknir. Það segir sína sögu. Nú er verið
að vinna að skipulagi og framkvæmdum
fyrir um 400 íbúða blandaða byggð sem
er í samræmi við þá íbúaþróun sem geng-
ið er út frá í sex ára áætlun sveitarfélags-
ins."
Til þess að varpa réttu Ijósi á þetta mál
Mikiö er byggt á Egilsstööum þessa dagana en er þó bara forsmekkurinn
aö því sem koma skal. Þessi grunnur er viö Litluskóga á Egilsstöðum.
segir Eiríkur nauðsynlegt að skoða hversu
margar íbúðir séu nú í byggingu og einnig
hversu mörgum lóðum sé búið að úthluta
til íbúðabygginga næstu mánuðina. Nú
eru um 80 íbúðir í smfðum í Kelduskóg-
um, Litluskógum, Miðgarði og Árskógum,
sem eru á mismunandi byggingarstigi og
mislangt á veg komnar. Á neðra svæði við
Selbrekku er búið að úthluta lóðum fyrir
allt að 60 íbúðir og þar hafa íslenskir
aðalverktakar hafið framkvæmdir við
gatnagerð. Þá er búið að deiliskipuleggja
efra svæði Selbrekku og þar verða til lóðir
fyrir um 50 íbúðir og er skipulagsvinnan í
lokaferli. Þar af munTrésmíða-
verkstæði Sveins Heiðars á Ak-
ureyri byggja um 30 íbúðir. Nú
eru íslenskir aðalverktakar, í
samvinnu við teiknistofuna
Arkís, að vinna að deiliskipu-
lagi íbúðasvæðis íVotahvammi
í útjaðri Egilsstaða, þar sem reikna má
með skipulögðu svæði fyrir um 130 íbúðir
sem framkvæmdir eiga að hefjast við í
byrjun næsta sumars. Við Miðvang, sem er
í kjarna Egilsstaða, hefur fyrirtækinu Vitr-
um verið úthlutað lóðum fyrir um 20
íbúðir og Fasteignafélag Austurlands hefur
vilyrði Austur-Héraðs fyrir lóð fyrir um 80
íbúðir við Kaupvang, sunnan mjólkursam-
lagsins, og er vinna við deiIiskipulag
vegna lóðarinnar þegar hafin. Þá má geta
þess að deiliskipulagt hefur verið svæði á
Hallormsstað fyrir 21 einbýlishús og er
þegar búið að úthluta þar þremur lóðum.
Þessu til viðbótar hafa tvö byggingafyrir-
tæki, Trésmiðja Fljótsdals-
héraðs og Leiguliðar ehf.,
óskað eftir landi til
deiliskipulagningar og
íbúðabygginga." Eiríkur
segir að af þessari upp-
talningu megi sjá að unn-
ið er að undirbúningi og
framkvæmdum vegna
byggingar um 400 íbúða
á Austur-Héraði sem
komnar eru á mismun-
andi framkvæmdastig.
Þekkingarsetrið
mikilvægt
Þótt mikil sókn sé þegar
orðin í byggingarland og
íbúðarhúsnæði á Egils-
stöðum er líklegt að byggð-
ir nýrra íbúa dreifist til fleiri
sveitarfélaga og þá einkum Fjarðabyggðar
þegar framkvæmdir hefjast við byggingu
álversins í Reyðarfirði.
Eiríkur segir ýmsar kenningar á lofti um
hvernig íbúaþróunin verði þegar horft sé
til stærra svæðis eða alls Mið-Austurlands.
Hann segir að sveitarstjórn Austur-Héraðs
byggi áætlanir sínar að stofni til á skýrslu
sem Sigfús Jónsson í Nýsi vann um íbúa-
þróun á svæðinu í Ijósi framkvæmdanna
við Kárahnjúka og í Reyðarfirði og er
byggð á hugmyndum um ákveðna hlut-
fallsskiptingu á milli byggðarlaga og sveit-
arfélaga. Hann segir framtíðarsýnina þó
„Þessi snögga fjölgun hefur orðið þess valdandi að
við þurfum stöðugt að endurstilla kúrsinn og end-
urskoða markmiðin varðandi íbúaþróunina."
ekki byggjast eingöngu á stóriðjunni.
Önnur verkefni komi einnig við sögu.
Bæði verkefni sem teljast verði til beinna
afleiðinga af stóriðjuframkvæmdunum,
sóknarfæri sem þær óumdeilanlega skapi,
en einnig verkefni og uppbyggingu af öðr-
um toga. „í því efni lítum við til þess sem
ég vil kalla stóriðju okkar hér á Austur-
Héraði og nýja stóriðju fjórðungsins alls,
en það er uppbygging þekkingarsetursins
og háskólaumhverfisins á Egilsstöðum. Ef
við lítum til Akureyrar þá getum við séð
hvað uppbygging háskólans þar hefur haft
að segja og hversu gífurlega mikilvægur
þáttur hún er í því að styrkja það samfé-
lag. Ég tel að hin öra íbúaþróun, sem við
sjáum fyrir okkur á Héraði byggist einnig
á þeirri uppbyggingu þótt virkjunar- og
stóriðjuframkvæmdirnar hafi mikið að
segja."
Bónus, KHB,
verkfræðistofur og fleira
Auk stóriðju og þekkingarseturs segir
Eiríkur að nefna megi ýmsa aðra þætti
sem unnið sé að. Hann bendir á skóg-
ræktina sem öflugan atvinnuveg og segir
að verulegur vöxtur muni einnig verða í
verslun og þjónustu. Nú sé hafin bygging
1.800 fermetra verslunarhúsnæðis á Egils-
stöðum fyrir verslanir Baugs og Kaupfélag
Héraðsbúa er einnig í stækkunarhugleið-
ingum. Hann segir að byggðin á Egilsstöð-
um hafi að miklu leyti orðið til í kringum
verslun og þjónustu og þá atvinnuvegi
þurfi að tryggja til frambúðar. Ýmis þjón-
ustufyrirtæki á borð við landsþekktar verk-
fræðistofur séu að setja upp útstöðvar
eystra svo nokkuð sé nefnt. Eiríkur segir
að þótt þungamiðja uppbyggingarinnar f
sveitarfélaginu verði að öllum líkindum á
Egilsstöðum þá komi fleiri byggðir til með
að njóta hennar. Hann nefnir samfélagið á
Hallormsstað sem dæmi. Þar sé aðstaða til
byggingar íbúðarhúsnæðis, lausar bygg-
ingarlóðir og sterkt skólasamfélag að vaxa.
„Hallormsstaður hefur þá sérstöðu að
vera byggðarkjarni í dreifbýli sem gefur
uppbyggingu í sveitarfélaginu ákveðna
fjölbreytni, auk þess sem náttúrufegurð
þar er einstök. Sömu sögu má
reyndar segja um Eiða. Þar eru
byggingar fyrir hendi og ýmsir
möguleikar til uppbyggingar.
Ekki má heldur gleyma ná-
grönnum okkar í Fellahreppi,
Fljótsdalshreppi, Norður-Hér-
aði og á Seyðisfirði sem einnig munu
njóta verulega þeirrar uppbyggingar sem
framundan er."
20