Morgunblaðið - 02.02.2012, Blaðsíða 11

Fyrsta styrkúthlutun 2007 Jórunn (5. f.v) við hlið Gunnhildar Óskarsdóttur, stofnanda og formanns Göngum saman.
Doktorsnemarnir með blómin f.v: Ásta Björk Jónsdóttir, Sigríður Klara Böðvarsdóttir og Ólafur Andri Stefánsson.
vísbendingar um að ákveðin lyf hafi
nær eingöngu áhrif á krabbameins-
frumur en ekki þær heilbrigðu. Einn-
ig eru sterkar vísbendingar um að
ákveðin lyf muni henta fyrir meðferð
á ákveðnum æxlisgerðum.“
Skiptir máli að sanna
Jórunn segir að þau hafi um ára-
bil verið að rannsaka sjaldgæf ættlæg
brjóstakrabbamein. Sterk rök séu
fyrir því að ákveðin meðferð geti
hentað þeim hópi. „Við og ýmsir fleiri
hafa sýnt fram á að það er miklu
stærri hópur sjúklinga sem er með
breytingar í sömu ferlum og gæti því
notið góðs af samskonar meðferð.
Innan þess hóps eru sjúklingar með
mjög erfið krabbamein og þess vegna
skiptir miklu máli að sanna þetta,“
segir Jórunn og bætir við að öll þessi
vinna sé hluti af alþjóðlegum rann-
sóknum.
„Allar þær upplýsingar sem hafa
safnast með rannsóknum eru núna að
færast nær því að geta nýst í meðferð
og greiningu. Við færumst því von-
andi nær markmiðinu að stuðla að því
að lækna fólk og koma í veg fyrir
sjúkdóma.“
Stolt af nemunum mínum
Jórunn segir að það sé ómetan-
legt að sá hópur fólks, aðallega
kvenna, sem stendur að samtökunum
Göngum saman, skuli leggja mikið á
sig til að styðja við grunnrannsóknir.
„Það er ekki einungis fjárstuðning-
urinn sem skiptir máli, heldur líka sá
áhugi sem hópurinn hefur sýnt okkur
og öðrum sem stunda hér grunnrann-
sóknir. Við höfum gert ýmiss konar
viðamiklar rannsóknir á brjósta-
krabbameini. Við fundum m.a. ís-
lenska stökkbreytingu í BRCA2 geni
sem eykur líkur á brjóstakrabba-
meini og fleiri krabbameinum. Við
höfum gert margs konar rannsóknir
á árifum þeirrar breytingar, t.d. skoð-
að áhrif á brjóstakrabbameinsáhættu
og horfur sjúklinga. Auk þess höfum
við skoðað áhrif BRCA2 prótínsins á
venjulega frumustarfsemi og æxlis-
myndun. Nýjasta verkefnið okkar
tengist rannsóknum á telomerum,
eða litningaendum, sem stundum eru
kallaðir lífsklukka. Við erum að rann-
saka tengsl breytinga á litn-
ingaendum við krabbamein og reynd-
ar líka hlutverk BRCA2 þar. Göngum
saman styrktu einmitt síðastliðið
haust nema sem er að vinna með okk-
ur að því verkefni.“
Jórunn segir mikilvægt að
stunda grunnrannsóknir hér á landi,
bæði fyrir okkur sjálf og til að geta
verið í samskiptum við alþjóðavís-
indasamfélagið. „Við birtum okkar
niðurstöður í vísindaritum og það er
vitnað í þessa vinnu okkar á alþjóða-
vettvangi. Til dæmis var vitnað í
rannsóknir okkar, bæði eldri og nýj-
ar, í yfirlitsgrein um BRCA1 og
BRCA2 núna í janúarhefti Nature
Reviews Cancer. Ég er mjög stolt af
öllum mínum framhaldsnemum sem
hafa stundað þessar rannsóknir, bæði
meistaranemum og doktorsnemum,
enda eru þau mjög eftirsótt til starfa.
Um leið og þau klára þá eru þau rifin
úr höndunum á mér.“
Morgunblaðið/Sigurgeir S.
Hugsjónakona Jórunn er prófessor við læknadeild Háskóla Íslands.
DAGLEGT LÍF 11
MORGUNBLAÐIÐ FIMMTUDAGUR 2. FEBRÚAR 2012
Styrktarfélagið Göngum saman
hefur það að markmiði að
styrkja grunnrannsóknir á
brjóstakrabbameini.
Göngum saman leggur
áherslu á mikilvægi hreyfingar
bæði til heilsueflingar og til að
afla fjár í styrktarsjóð félagsins
sem styrkir grunnrannsóknir á
krabbameini í brjóstum. Viku-
legar göngur félagsins eru opn-
ar öllum áhugasömum, hægt er
að fylgjast með tilkynningum
um stað og stund á heimasíð-
unni www.gongumsaman.is.
Göngum saman-samtökin hafa
frá því þau fóru af stað safnað
samtals 22 milljónum sem
runnið hafa til grunnrannsókna
á brjóstakrabbameini.
Göngum
saman
VIKULEGAR GÖNGUR
Margir huga að sjálfsrækt á þessum
tíma árs og auðvitað allan ársins
hring líka. En ágætt er að nota þenn-
an rólega tíma í slíkt. Helgina 17.-19.
febrúar næstkomandi mun
Dorthe Steenberg halda helgar-
námskeið á Eyrarbakka sem heitir
Remembering Yourself eða Mundu
sjálf þitt. Námskeiðið er ætlað kon-
um, og mun Dorthe leiða hópinn inn
í töfrandi orku ársins 2012.
Hún mun kenna visku Ayni sem
eru kenningar Indjána frá Andesfjöll-
unum í Perú. En þær snúast í stuttu
máli um að ná tökum á hinu lifandi
og andlega sambandi milli alls sem
lifir á jörðinni og í alheiminum.
Á námskeiðinu leiðir Dorthe þátt-
takendur í gegnum hvernig megi
tengja sig við orku móður jarðar,
með athöfnum, hugleiðslu og tækni
sem hún hefur lært frá indjánunum í
Perú. Hún mun fara yfir Ayni-
kenninguna og kenna hvernig megi
lifa eftir henni á öllum sviðum lífs-
ins. Dorthe talar einnig um mik-
ilvægi þess að við íslenskar konur
tengjumst Íslandi og þeirri orku sem
býr í fallega landinu okkar enn
dýpra.
Skráning og nánari upplýsingar
fást hjá Unni Arndísardóttur í síma
696 5867 eða á uni@uni.is.
Námskeið
Hugleiðsla notuð til að
tengjast orku móður jarðar
Leiðbeinandi Dorthe kynnir Ayni.
Annað kvöld mun hljómsveitin
Skuggamyndir frá Býsans leika tón-
list frá Balkanlöndunum á Café
Haítí, Geirsgötu 7b. Hljómsveitin
hefur haldið mánaðarlega tónleika á
staðnum síðan í ágúst 2011 við góð-
ar undirtektir enda túlkun félaganna
í hljómsveitinni á tónlistinni kraft-
mikil og gáskafull. Fyrir þá sem ekki
hafa kynnst Balkantónlist er þetta
kjörið tækifæri því efnisskrá hljóm-
sveitarinnar er fjölbreytt, skemmti-
leg og aðgengileg.
Meðlimir sveitarinnar eru þeir
Haukur Gröndal, Ásgeir Ásgeirsson,
Þorgrímur Jónsson og Erik Qvick.
Fyrsta plata hljómsveitarinnar er nú
í vinnslu og eru þeir félagar ný-
komnir frá Istanbul þar sem efnið
var hljóðblandað af einum virtasta
hljóðmanni í Istanbul um þessar
mundir, Alp Turac. En hann er yf-
irhljóðmeistari í hinu magnaða
Babajim Istanbul Studios and Mast-
ering en það ku vera flottasta hljóð-
ver borgarinnar.
Tónleikar hefjast klukkan 21:30
og er aðgangseyrir 1.500 kr.
Endilega…
…hlýðið á lifandi og gáskafulla
Balkantónlist á Café Haítí
Glæsilegt Babajim Istanbul Studios and Mastering er ekkert slor.
Icepharm
a
KEMUR HEILSUNNI Í LAG
ÍSLENSK FRAMLEIÐSLA / FÆST Í APÓTEKUM UM LAND ALLT
LITLAR VÍTAMÍNTÖFLUR SEM GOTT ER AÐ GLEYPA
SJÁ NÁNAR Á VITAMIN.IS
EIN TAFLA Á DAG SYKURLAUSAR