Morgunblaðið - 12.09.2012, Blaðsíða 12
12 FRÉTTIRInnlent
MORGUNBLAÐIÐ MIÐVIKUDAGUR 12. SEPTEMBER 2012
Ingvar P. Guðbjörnsson
ipg@mbl.is
Bændur í Vatnsdal stóðu í ströngu í
gær ásamt 15 björgunarsveitar-
mönnum við að smala og bjarga fé
úr Sauðadal í Húnavatnshreppi. Um
var að ræða fyrstu göngur í dalinn,
en þær voru áætlaðar í fyrradag
þegar óveðrið skall á. Að sögn Pét-
urs Snæs Sæmundssonar, gangna-
foringja og bónda í Brekkukoti í
Vatnsdal, voru aðstæður mjög
slæmar. Ekki var hægt að nýta
hross við smölunina en þess í stað
voru menn á dráttarvélum og vél-
sleðum.
Pétur sagði að þeir hefðu þurft að
bjarga töluverðum fjölda fjár úr snjó
og að féð hefði í upphafi dags verið
mikið klambrað, en reksturinn hefði
gengið betur þegar leið á daginn.
Auk björgunarsveitarmanna voru 11
gangnamenn að störfum í Sauðadal.
Gott veður létti undir við leitir
Veðrið var gott allan tímann í gær
sem létti mikið að sögn Péturs. Um
15 kindur fundust dauðar í fönn en
Pétur taldi að þær væru þó fleiri.
Hann taldi að þeir væru með rúm-
lega þúsund fjár í safninu þegar
hann var tekinn tali á sjöunda tím-
anum í gærkvöldi og þá var um hálf-
ur annar kílómetri eftir í réttirnar
með féð. Hann sagði eitthvað af fé
eftir en vonaðist til að það væru eng-
in ósköp þar sem margt hefði þegar
verið komið til byggða af sjálfs-
dáðum fyrir óveðrið. Farið verður í
eftirleit 23. september.
Í Vatnsdalnum flæddi áin í fyrra-
dag og í gærmorgun voru hross víða
sem höfðu orðið innlyksa í hólmum
og á hæstu punktum. Pétur sagði að
flóðið hefði þá þegar verið töluvert
sjatnað. Í fyrradag þurfti að bjarga
bæði fé og hrossum úr flóðunum, en
stíf norðanáttin heldur á móti út-
rennsli árinnar með þessum afleið-
ingum.
26 manns smöluðu Sauðadal
við mjög erfiðar aðstæður
Morgunblaðið/Jón Sigurðsson
Innlyksa Gríðarleg flóð voru í Vatnsdal í gær og fyrradag og í gærmorgun mátti sjá hross standa innlyksa á hæstu punktum á landi sem vanalega er þurrt.
Komu með um 1.000 fjár til byggða Hross urðu innlyksa í flóðum í Vatnsdal
Göngur í Sauðadal
» 11 gangnamenn og 15 björg-
unarsveitarmenn voru að
störfum í Sauðadal í gær.
» Þeir fundu um 15 dauðar
kindur sem höfðu farist í
krapa.
» Þeir komu með um þúsund
fjár til byggða eftir erfiðan dag.
» Draga þurfti tugi fjár úr fönn
og það var mjög klambrað.
Kjartan Kjartansson
kjartan@mbl.is
„Þetta er náttúrlega ólöglegt. Þetta
er stundað eitthvað því miður og get-
ur verið varasamt fyrir farþega. Þeir
vita ekkert út í hvað þeir eru að
fara,“ segir Ástgeir Þorsteinsson,
formaður Frama, félags bifreiðar-
stjóra, um svartan leigubílaakstur.
Hann segir að tilboð um svartan
akstur komi gjarnan fram á haustin
og auglýsingar séu jafnvel hengdar
upp á veggjum skóla og víðar. Þá
hafa slíkar auglýsingar sést í strætó-
skýli í miðbænum. Ástgeir segir að
það sé ekki aðeins spurning um verð
heldur öryggi farþega að þeir taki
löglega bíla með tilskilin leyfi.
„Þú ert alltaf öruggari í merktum
leigubíl sem segir þér að bílstjórinn
hafi atvinnuleyfi. Það er nú betra að
rekja það ef eitthvað kemur upp á en
ef þetta er bara einhver maður úti í
bæ,“ segir Ástgeir.
Leigubílstjórar verði varir við
svartan akstur en það sé þó erfitt að
fylgjast með honum. Þá loði það við
að þeir sem aki svart taki yfirleitt
hærra gjald en leigubílarnir. „Það er
engin ástæða fyrir fólk að taka þá.
Það er enginn skortur á leigubílum.“
Að sögn Sigurðar Haukssonar,
yfirmanns leyfisveitinga leigubíla
hjá Vegagerðinni, er það klárt mál
að öllum þeim sem stundi leiguakst-
ur sé skylt að hafa til þess leyfi. Allt-
af sé hins vegar orðrómur á kreiki
um að menn séu leyfislausir að keyra
í miðbænum um helgar.
Ekki liggi þó fjársektir við því að
keyra án leyfis. Vegagerðin hafi
heimild til þess að skoða bíla og
hvort þeir hafi tilskilin leyfi. Komi
upp mál þar sem menn aki svart sé
þeim yfirleitt vísað til lögreglu.
Sigurður segir að í sumar hafi af
og til verið skoðað hvort leigubílar
við Keflavíkurflugvöll hafi sín leyfi í
lagi og það hafi komið vel út.
„Það eru alltaf einhverjir svartir
sauðir alls staðar en það eru 95 ef
ekki 99 prósent sem eru með allt sitt
í lagi,“ segir hann.
„Alltaf einhverj-
ir svartir sauðir“
Ólöglegur akstur með leigubílum
Morgunblaðið/Ómar
Taxi Leyfi þarf fyrir leigubílaakstri.
„Ég ákvað þetta
fyrst og fremst
þar sem það er
ekki hægt að
gera tvennt. Val-
ið stendur á milli
þingmennsk-
unnar og fyrir-
tækjareksturs.
Ég ætla bara að
snúa mér aftur
að því sem ég var
að gera fyrir 2009,“ segir Ásbjörn
Óttarsson, þingmaður og oddviti
Sjálfstæðisflokksins í Norðvest-
urkjördæmi, um þá ákvörðun sína
að bjóða sig ekki aftur fram til
þings í kosningunum næsta vor.
Hann ætlar að snúa sér að því að
reka útgerðarfyrirtæki sitt Nesver
ehf. þegar kjörtímabilinu lýkur
næsta vor en neitar því að neikvæð
umræða um arð sem hann greiddi
sér úr fyrirtækinu sem kom upp
fyrir tveimur árum hafi haft áhrif á
ákvörðun sína um að hætta á þingi.
„Það hafa aðrir séð um rekst-
urinn á meðan ég hef verið á þingi.
Nú er komið að því að snúa sér aft-
ur að því. Það er ekki hægt að
leggja byrðarnar á aðra enda-
laust,“ segir Ásbjörn.
Hann segist þó ekki hættur öllum
afskiptum af stjórnmálum og hann
haldi áfram í flokkstarfi Sjálfstæð-
isflokksins eins og hann hafi gert
um langt árabil. Hann hafi hins
vegar engar fyrirætlanir um að
snúa sér að sveitarstjórnarmálum.
Ákvörðun um hvernig verður
valið á framboðslista flokksins
verður ákveðin á aðalfundi kjör-
dæmaráðsins hinn 13. október.
kjartan@mbl.is
Neikvæð umræða
spilaði ekki inn í
Ásbjörn
Óttarsson
Stjórn Kvenréttindafélags Íslands
hefur sent frá sér yfirlýsingu þar
sem hörmuð eru endurtekin brot
ráðherra á lögum um jafna stöðu
og jafnan rétt kvenna og karla.
Furðar félagið sig á áhuga- og að-
gerðaleysi sem virðist einkenna af-
stöðu ríkistjórnarinnar til svo al-
varlegra mála. „Að sumir
ráðherrar megi stundum brjóta lög,
grefur undan lýðræði í landinu og
réttaröryggi og elur á almennu
vantrausti í garð stjórnvalda.“
Harma endurtekin
brot ráðherra
Sigrún Inga kynnir nýju ABEILLE ROYALE kremlínuna sem hentar öllum konum yfir fertugt.
Einnig kynnum við nýju Automatic shine varalitina og gefum 30% afslátt af öllum kinnalitum
frá Guerlain. Glæsilegir kaupaukar. Verið velkomin.
Sími 568 5170
Guerlain kynning í Snyrtivöruversluninni Glæsibæ dagana 12.-14. september