Morgunblaðið - 13.09.2013, Blaðsíða 20
20 FRÉTTIRInnlent
MORGUNBLAÐIÐ FÖSTUDAGUR 13. SEPTEMBER 2013
Jón Pétur Jónsson
jonpetur@mbl.is
„Engar skemmdir hafa verið unnar
á einu eða neinu. Aðildarumsókn
hefur ekki verið afturkölluð og engu
hefur verið slitið,“ sagði Gunnar
Bragi Sveinsson utanríkisráðherra
er hann gaf munnlega skýrslu um
Evrópumál á Alþingi í gærmorgun.
Gunnar Bragi sagði að búið væri
að leysa upp samninganefnd Íslands
og hópa sem tengjast aðild-
arviðræðunum, og að ekki yrðu
haldnar fleiri ríkjaráðstefnur.
Hann segir að íslensk stjórnvöld
hafi staðið að málum í góðri sátt við
Evrópusambandið. „Enda bera við-
brögð Evrópusambandsins ekki
merki annars en að sambandið hafi
fullan skilning á ákvörðun okkar um
hlé á aðildarferlinu,“ sagði Gunnar
Bragi.
Hann segir að ríkisstjórnin hafi í
störfum sínum fylgt stefnumiðum
sínum með ákveðnum hætti. Þetta
sé í samræmi við afstöðu rík-
isstjórnarflokkanna í Evrópu-
málum.
Þá segir Gunnar Bragi að við-
ræður standi nú yfir við Hag-
fræðistofnun Háskóla Íslands um
gerð boðaðrar úttektar í Evrópu-
málum. „Sú úttekt verður svo tekin
til umræðu hér á þinginu og kynnt
fyrir þjóðinni. Ekki er tímabært að
velta fyrir sér framhaldi aðildarfer-
ilsins fyrr en skýrslan hefur verið
gerð, “ sagði hann og bætti við að
hann hlakki mjög til málefnalegrar
umræðu um efni hennar á þingi.
Stuðningurinn sé almennur
„Ég virði sjónarmið þeirra sem
telja að hag Íslands kunni að vera
betur borgið innan ESB. Ríkis-
stjórnin er einfaldlega ekki sam-
mála þeim og þar skilur á milli. Ég
tel að í svo viðamiklu máli sem
þessu sé algjör forsenda að stuðn-
ingurinn sé almennur og sam-
takamátturinn sterkur. Á það hefur
frá upphafi skort,“ sagði Gunnar
Bragi og bætti við að sterkar vís-
bendingar séu um að þjóðin sé sama
sinnis og ríkisstjórnin.
„Ríkisstjórnin er einhuga í þessu
máli, hlé hefur verið gert á ferlinu,
engu hefur verið slitið og við viljum
efla samskipti og treysta sambandið
við Evrópusambandið án þess að til
aðildar að bandalaginu komi.“
„Meginboðskapurinn í ræðu
hæstvirts utanríkisráðherra var að
hann hefði tekið ákvörðun – án þess
að ræða það sérstaklega við Alþingi
– um að slá af samningahópana og
aðalsamninganefndina sem tengjast
umsóknarferli Íslands gagnvart að-
ild að Evrópusambandinu. Það er
næsti bær við það að slíta umsókn-
inni,“ sagði Össur Skarphéðinsson,
þingmaður Samfylkingarinnar og
fyrrverandi utanríkisráðherra, við
umræðurnar á Alþingi.
Össur bætti við að það væri ekki
stefna núverandi ríkisstjórnar. „Það
er allt annað en hún gaf fólkinu lög-
mætar væntingar um.“
Össur sagði ennfremur að hann
gerði sér grein fyrir hinum pólitíska
veruleika málsins en „orð skulu
standa. Forystumenn í stjórnmálum
verða að standa við það sem þeir
lýsa yfir.“
Össur segir að í stefnuyfirlýsingu
ríkisstjórnarinnar komi skýrt fram
að það eigi að gera hlé á viðræðun-
um og að það eigi að fara í þjóð-
aratkvæðagreiðslu um framhald við-
ræðnanna. „Þetta er stefna
ríkisstjórnarinnar margítrekuð.“
Í upphafi ræðu sinnar sagði Öss-
ur: „Ég held að hæstvirtur utanrík-
isráðherra hljóti að hafa slegið Ís-
landsmet í þessari fyrstu stefnu-
ræðu sinni um utanríkismál, því
honum tókst í einni ræðu bæði að
fara gegn eigin yfirlýsingu, storka
fullveldi Alþingis og líka að fara
gegn stefnu ríkisstjórnarinnar,“
sagði Össur.
Hann sakaði Gunnar Braga um
óhrein vinnubrögð. „Ég er þeirrar
skoðunar að menn eigi að tala skýrt.
Ræða þín á að vera já, já eða nei,
nei,“ sagði hann.
„Hæstvirtur utanríkisráðherra
segir eitt í Brussel og annað í
Reykjavík,“ sagði Össur og vísaði til
þess að Gunnar Bragi hefði sagt við
fulltrúa ESB að gert yrði hlé á við-
ræðunum og síðan myndi íslenska
þjóðin fá að greiða atkvæði um
framhald viðræðnanna.
Birgir Ármannsson, Sjálfstæð-
isflokki, formaður utanríkismála-
nefndar, sagði við umræðurnar að
til greina kæmi að þingið samþykkti
ályktun um stuðning við afstöðu rík-
isstjórnarinnar í Evrópumálum, án
þess að slíta viðræðum með form-
legum hætti.
Lífleg en ekki mjög nákvæm
Birgir sagði að ræða Össurar
Skarphéðinssonar, fyrrverandi ut-
anríkisráðherra, hefði verið „lífleg
en ekki mjög nákvæm“. Hann sagði
að „yfirlýsingar hans um stefnu
flokka og yfirlýsingar ríkisstjórn-
arinnar hefðu verið býsna óná-
kvæmar“.
Birgir sagði því nauðsynlegt að
fara yfir stefnu flokkanna svo það
væri rétt til þeirra vitnað í þingtíð-
indum.
Í landsfundarályktun Sjálfstæð-
isflokks segir: „Landsfundur telur
að hagsmunum Íslands sé betur
borgið með því að standa fyrir utan
Evrópusambandið. Áréttað er að
aðildarviðræðum við ESB verði
hætt og þær ekki teknar upp aftur
nema að undangenginni þjóð-
aratkvæðagreiðslu.“
Á síðasta flokksþingi Framsókn-
arflokksins var samþykkt ályktun
þar sem segir: „Ekki verði haldið
lengra í aðildarviðræðum við Evr-
ópusambandið nema að undangeng-
inni þjóðaratkvæðagreiðslu.“
Birgir sagði að við gerð stjórnar-
sáttmála flokkanna hefði verið
stuðst við orðalag sem kemur fram í
samþykktum flokksþinganna, en
þar segir: „Gert verður hlé á
aðildarviðræðum Íslands við Evr-
ópusambandið og úttekt gerð á
stöðu viðræðnanna og þróun mála
innan sambandsins. Úttektin verður
lögð fyrir Alþingi til umfjöllunar og
kynnt fyrir þjóðinni. Ekki verður
haldið lengra í aðildarviðræðum við
Evrópusambandið nema að undan-
genginni þjóðaratkvæðagreiðslu.“
Birgir sagði að búið væri að
stöðva viðræðurnar. Það hefði verið
gert hlé á viðræðunum, en þeim
hefði ekki verið slitið. Þetta væri í
samræmi við stjórnmálasáttmálann.
Unnið væri að gerð skýrslu um við-
ræðurnar og þegar hún lægi fyrir
yrði hún tekin til umræðu á Alþingi.
Vikið frá lögmætri samþykkt
Árni Þór Sigurðsson, þingmaður
Vinstri grænna, sagði að utanrík-
isráðherra hefði í veigamiklum at-
riðum vikið frá lögmætri samþykkt
Alþingis í viðræðunum við Evrópu-
sambandið með því að leysa upp
samninganefnd og hópa sem tengj-
ast aðildarviðræðum Íslands að
ESB.
Árni Þór sagði að Alþingi hefði
ákveðið hvernig samninganefnd-
irnar og hóparnir hefðu verið skip-
aðir og hver aðkoma þingsins væri
að vinnu þeirra.
„Nú hefur ráðherra upplýst að
hann hafi ákveðið að leysa þessa
samningahópa frá störfum og víkur
því í veigamiklum atriðum frá lög-
mætri samþykkt Alþingis án þess
að leita samþykkis þess,“ sagði Árni
Þór. „Hvað sem líður afstöðu þing-
manna til aðildar að ESB, verður að
virða leikreglur þingræðisins. Ég
tel að það megi færa fyrir því sterk
rök að hæstvirtur utanríkisráðherra
sé á þunnum ís hvað þetta áhrærir,
svo ekki sé fastar að orði kveðið,“
sagði Árni Þór.
„Engu hefur verið slitið“
Gunnar Bragi Sveinsson segir að íslensk stjórnvöld hafi staðið að málum í góðri sátt við Evrópu-
sambandið Ákvörðun ráðherra næsti bær við það að slíta umsókninni, segir Össur Skarphéðinsson
Morgunblaðið/Ómar
Umræður Fjölmargir þingmenn tóku til máls í umræðunum um Evrópumálin á Alþingi í gærmorgun. Í ræðustól er Össur Skarphéðinsson.
Ráðherrann Gunnar Bragi Sveinsson gefur Alþingi munnlega skýrslu um
Evrópumálin í gær. Í forgrunni er Höskuldur Þórhallsson þingmaður.
Í rafhlöðum eru efni sem eru skaðleg
náttúrunni. Þær mega því alls ekki fara í
almennt sorp að notkun lokinni.
Efnamóttakan leggur heimilum og
fyrirtækjum til ókeypis kassa til að auðvelda
söfnun á ónýtum rafhlöðum. Einnig má setja
í hann ónýt smáraftæki.
Kassinn er margnota og hann má nálgast á
söfnunarstöðvum sveitarfélaga.
Gufunesi · 112 Reykjavík · Sími 559 2200 · efnamottakan.is
Rafhlöðukassi
Það má losa úr kassanum á
söfnunarstöðvum sveitarfélaga
(endurvinnslustöðvum). Einnig er víða
tekið á móti rafhlöðunum í sérstakar
rafhlöðutunnar á bensínstöðvum N1 og Skeljungs.
Hvert á að skila?