Morgunblaðið - 18.11.2013, Blaðsíða 2

2 FRÉTTIRInnlent
MORGUNBLAÐIÐ MÁNUDAGUR 18. NÓVEMBER 2013
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Einar Falur Ingólfsson menning@mbl.is Íþróttir
Víðir Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Mörkinni 6 | 108 Reykjavík | S: 568 2533 | www.fi.is
FERÐAFÉLAG ÍSLANDS
Fræðslu- og
myndakvöld
Mikilvægi hr
eyfingar fyri
r stoðkerfi - Á
sjókeip kring
um Ísland
Í sal FÍ 20. nóvember, kl. 20:00
Jón Gunnar Þorsteinsson sjúkraþjálfari á Reykjalundi
fræðir okkur um áhrif göngu á stoðkerfið, bein, liði og
vöðva og um heilsusamleg áhrif í víðara samhengi.
Að loknu kaffihléi mun Gísli Friðgeirsson eðlisfræðingur
segja okkur frá siglingu sem hann fór á sjókeip (kajak)
kringum Ísland sumarið 2009.
Aðgangseyrir kr. 600, innifalið kaffi og kleinur
Allir velkomnir!
Fiðluleikarinn Ágústa Dómhildur Karlsdóttir safnaði 54 þúsund krónum til styrktar neyðarsöfnun UNICEF fyrir Filippseyjar með fiðluleik sínum í
Kringlunni í gær. Fleiri viðburðir voru í gær vegna söfnunarinnar og héldu Filippseyingar búsettir á Íslandi hádegisverðarhlaðborð á Bambus í Borg-
artúni og seldist upp og ríflega það. Danshópurinn Swaggerific (t.h.) sýndi listir sínar þar í sérstökum bolum frá UNICEF. Samkvæmt upplýsingum frá
UNICEF á Íslandi hafa um 15 milljónir króna safnast fyrir Filippseyjar. Hægt er að styrkja söfnunina með því að senda sms-ið BARN í númerið 1900.
Fiðluspil, hlaðborð og dans
15 milljónir króna safnast í neyðarsöfnun UNICEF á Íslandi fyrir Filippseyjar
Morgunblaðið/Árni Sæberg
Gunnar Dofri Ólafsson
gunnardofri@mbl.is
Tryggvi Tryggvason arkitekt hefur
kært Sigurð Einarsson arkitekt til
siðanefndar Arkitektafélags Íslands
vegna höfundarréttar að hönnun
Hörpu. Tryggvi segir kæruna komna
til vegna þess að brotið hafi verið
gegn höfundarrétti hans við hönnun
tónlistarhússins, þar sem aðkoma
hans að hönnuninni hafi á seinni stig-
um verið útmáð. „Það eina sem ég
sækist eftir í bili er viðurkenning á
höfundarrétti mínum. Höfundarrétt-
ur er frábrugðinn fjármunarétti að
því leyti að hann fyrnist ekki og er
ekki aðfararhæfur,“ segir Tryggvi.
Hann segir þá aðila sem hann hafi
unnið með við hönnun Hörpunnar
hafa undirgengist skipun um að hafa
nafn sitt ekki með á gögnum um
Hörpu.
„Það er langur aðdragandi að því
að byggja hús á þessum stað. Hluti af
samkeppninni var að skipuleggja
svæðið frá Lækjartorgi að Ingólfs-
garði. Harpa er bara hluti af þessari
skipulagshugmynd okkar.“
Steig til hliðar eftir hönnun
Tryggvi segir dönsku arkitekta-
stofuna Henning Larsens Tegnestue
hafa sett sig í samband við sig, en á
þeim tíma var hann í lausu samstarfi
við arkitektastofuna Batteríið. „Við
komum til samninga sem einn aðili,
því það stóð til að ég myndi ganga inn
í Batteríið. Það varð hins vegar ekki
af því,“ segir Tryggvi.
Hann segir línuna hafa verið þá að
það myndi ekki hafa áhrif á verkefn-
ið, heldur kæmu hann og Batteríið
fram sem tveir aðilar, en að hans og
kærða, Sigurðar Einarssonar, yrði
beggja getið.
„Þegar það varð ljóst að við yrðum
ekki einn lögaðili að verkefninu gerð-
um við með okkur samkomulag um
helmingaskipti. Batteríið fór hins
vegar á hausinn en ég steig til hliðar.
Ég tók þátt í öllu hönnunarferlinu frá
fyrsta striki að afhendingu vinnu-
teikninga. Rétt fyrir vígslu Hörpunn-
ar fæ ég póst frá HLT þar sem stend-
ur að tilteknir aðilar verði lýstir
höfundar, þar á meðal ég. Þá kemur
snaggaralegt svar úr röðum verk-
kaupa um að það sé óþarfi að hafa eitt
persónunafn með arkitektastofunum
sem voru taldar upp. Á þessum tíma
var ég bundinn öðru verkefni ásamt
því að klára mína lokaritgerð í lög-
fræði,“ en Tryggvi er lögfræðingur
auk þess að vera arkitekt.
Gefur Batteríinu 14 daga frest
„Ég gaf Sigurði 14 daga frest til að
bæta úr þessu, en hann viðurkenndi
minn höfundarrétt fyrir hönd Batter-
ísins, en einungis á heimasíðu þess og
tjáði mér að ég mætti standa í minni
baráttu fyrir höfundarrétti sjálfur,“
segir Tryggvi og bætir við: „Síðan
hef ég tekið upp þráðinn aftur því ég
tel það mikilvægt fyrir stétt arki-
tekta að það fáist rétt lögfræðileg
niðurstaða í málinu. Fyrst leita ég til
siðanefndar AÍ í fullvissu þess að
brot kærða gangi gegn meginreglum
siðareglna AÍ, þ.e. um höfundarrétt
og tillitsskyldu við kollega. Kæran til
siðanefndar AÍ er þannig úr garði
gerð að hún er dómtæk að viðbættri
kröfugerð að lögum. Ég vona sann-
arlega að mótaðilar mínir sjái að sér
og reyni að ná sáttum þannig að ekki
þurfi að eyða dýrmætum tíma dóm-
stólanna í mál sem liggur í augum
uppi.“
Vill viðurkenningu á höfundarrétti
 Tryggvi Tryggvason hefur kært til siðanefndar Arkitektafélags Íslands  Snýr að höfundarrétti
vegna hönnunar á Hörpu  Útilokar ekki að fara með málið fyrir almenna dómstóla síðar meir
Rjúpnaveiðitímabilinu 2013 lauk í gær. Nýttu margir
áhugasamir veiðimenn sér tækifærið og veiddu sér í
jólamatinn. Samkvæmt upplýsingum Morgunblaðsins
var helgin betri fyrir rjúpnaveiðimenn fyrir norðan og
austan heldur en kollega þeirra á Suður- og Vestur-
landi. Gátu skotveiðimenn á Austurlandi sérstaklega
átt von á stórum hópum af rjúpum.
Síðustu helgar hefur veiðin verið upp og ofan. Arne
Sólmundsson, varaformaður Skotveiðifélags Íslands,
Skotvís, sagðist telja að helgin nú hefði verið svipuð og
hinar þrjár. „Heilt yfir hefur tímabilið verið svipað og í
fyrra, sýnist okkur,“ segir Arne. Á Vesturlandi hefði
verið frekar lítil veiði. Afgerandi vestanátt fyrir helgi
hefði hugsanlega haft þar áhrif. „Um helgina var þó
gott veður, sérstaklega á sunnudeginum,“ segir Arne.
Allir sem höfðu hug á því að fara á veiðar ættu því að
hafa komist, hver svo sem árangurinn var. sgs@mbl.is
Svipuð rjúpna-
veiði og var á
síðustu vertíð
Ljósmynd/Pétur Alan
Á heimleið með fenginn Þessir kátu rjúpnaveiðimenn
voru á meðal þeirra sem náðu að veiða um helgina.
 Veiðinni lauk um helgina
Viðvörunarljós í
mælaborði flug-
vélar frá Ice-
landair kviknuðu
um hálftíma eftir
flugtak frá Glas-
gow-flugvelli á
leið til Íslands í
gær. Stuttu síð-
ar slokknaði á
einum hreyfla
vélarinnar en þrátt fyrir skakkaföll-
in náði vélin að snúa við og lenda
heilu og höldnu í Glasgow.
„Þetta var svolítið óhugnanlegt af
því að það var kveikt á hátalarakerf-
inu vegna þess að flugstjórinn var
nýlega búinn að segja okkur að við-
vörunarljós hefði kviknað og að við
myndum snúa við. En svo er ennþá
kveikt á hátalarakerfinu þegar við
heyrum kallað „Mayday! Mayday!“
Við hljótum að hafa heyrt þetta fyrir
mistök. Stuttu síðar finnum við þeg-
ar það slokknar á hreyflinum,“ segir
Birna Kristjánsdóttir, einn farþega
flugvélarinnar.
„Flugleiðir stóðu sig ótrúlega vel
og tóku á móti okkur á vellinum. Þar
var engin bið og við komumst beint
upp á hótel,“ bætir Birna við.
Þegar Morgunblaðið náði tali af
Birnu í gærkvöldi var hópurinn að
bíða eftir því að rútur ferjuðu hann
aftur út á flugvöll, en stefnt var að
því að fara í loftið í nótt. agf@mbl.is
„Mayday,
Mayday“
 Flugvél snúið
aftur til Glasgow
Morgunblaðið/Ernir