Morgunblaðið - 20.12.2013, Blaðsíða 25
FRÉTTIR 25Innlent
MORGUNBLAÐIÐ FÖSTUDAGUR 20. DESEMBER 2013
Helgi Bjarnason
helgi@mbl.is
Bæjarstjórn Grindavíkur hefur sam-
þykkt viljayfirlýsingu bæjarins og
EsBro Investment group um úthlut-
un lóðar og skipulagsvinnu fyrir yl-
ræktarver á iðnaðarsvæðinu í Möl-
vík skammt frá Reykjanesvita. Hol-
lenska fyrirtækið greiðir kostnað við
deiliskipulag. Allar forsendur þurfa
að liggja fyrir í janúar til að eigendur
fyrirtækisins geti tekið endanlega
ákvörðun um uppbyggingu.
Lóðin sem nú er verið að deili-
skipuleggja er á iðnaðarsvæði í út-
jaðri lands Grindavíkurbæjar, við
bæjarmörk Reykjanesbæjar,
skammt frá Reykjanesi. Hún er um
10 kílómetra frá bænum.
Hollenska fjárfestingafyrirtækið
EsBro sótti um lóðina og ætlar að
byggja þar 15 hektara gróðurhús til
framleiðslu á tómötum til útflutn-
ings. Samningur hefur verið gerður
við verslanakeðju í Bretlandi um
kaup á allri framleiðslunni, að því er
segir í kynningu fyrirtækisins.
Skuggatjöld skerma af ljós
Róbert Ragnarsson bæjarstjóri
segir að hollenska fyrirtækið greiði
kostnað við deiliskipulagsvinnuna og
sjái sjálft um gatnagerð og að tengj-
ast rafmagni. Bærinn muni ekki
bera neinn stofnkostnað við fram-
kvæmdina. Hann segir að þegar all-
ar forsendur liggi fyrir muni eigend-
ur fyrirtækisins taka endanlega
ákvörðun um hvort ráðist verði í
verkefnið eða ekki. Telur hann að
það þurfi að gerast í febrúar því þá
þurfi seljendur gróðurhúsanna að
hefja vinnu við að koma þeim upp til
þess að hægt sé að sá í haust og fá
uppskeru í byrjun árs 2015. Samn-
ingur við bresku verslanakeðjuna sé
háður því að það takist.
Rafljós verða notuð við rækt-
unina. Íbúar spurðu mest um ljós-
mengun þegar forsvarsmenn fyrir-
tækisins kynntu hugmyndir sínar
fyrr í vetur. Róbert segir að í skipu-
lagi verði gerð krafa um að 97%
ljóssins verði skermuð af. Segist
hann ekki vita til þess að slíkar kröf-
ur hafi áður verið gerðar hér á landi.
Tekur Róbert fram að gróðurhúsa-
lóðin sé nú svo fjarri bænum að ekki
séu líkur á að íbúar eða gestir Bláa
lónsins verði fyrir truflun af lýsing-
unni.
EsBro hefur sótt um skattaíviln-
anir með fjárfestingarsamningi til
nefndar um ívilnanir um nýfjárfest-
ingar. Bæjarstjórn fékk þá beiðni til
umsagnar.
Róbert segir að ylræktarverið
skapi tekjur og atvinnu. „Við fáum
vinnustað sem skapar allt að 125
störf. Það skilar sér væntanlega í
auknum tekjum bæjarins af fast-
eignasköttum og útsvari. Svo er
þetta nýr iðnaður. Við höfum alltaf
verið matvælaframleiðslubær með
okkar mikla sjávarútveg og höfum
markað okkur þá stefnu að auka við
á því sviði. Tómataframleiðslan fell-
ur vel að því,“ segir Róbert og bendir
á að slíkt stórfyrirtæki þurfi einnig
ýmsa þjónustu, til dæmis við viðhald
á gróðurhúsum og tækjabúnaði.
Hann er bjartsýnn á að verkefnið
verði að veruleika en segist ekki
fagna því fyrr en allt verði klárt.
Fyrirtækið kostar skipulagsvinnu
Samþykkt viljayfirlýsing Grindavíkurbæjar og hollenskra fjárfesta um úthlutun lóðar og undirbúning
ylræktarvers á iðnaðarsvæði skammt frá Reykjanesvita Framleiðsla á tómötum á að hefjast eftir ár
Morgunblaðið/Þorkell
Afurðir Tómatar hafa lengi verið ræktaðir í gróðurhúsum hér fyrir innlendan markað og seinni árin með lýsingu.
Íslandsstofa og forverar hennar
hafa lengi unnið að kynningu á
möguleikum hér á landi til
byggingar og reksturs ylrækt-
arvera til framleiðslu á græn-
meti til útflutnings. Sérstök
áhersla hefur verið lögð á end-
urnýjanlega orku.
Allnokkrir erlendir og inn-
lendir fjárfestar hafa kannað
málið en aldrei orðið úr fram-
kvæmdum. Á undan Grindavík-
urverkefninu var hliðstætt verk-
efni á Hellisheiði. Geo
Greenhouse skrifaði undir
samninga um orkukaup hjá OR
og sveitarfélagið réðst í breyt-
ingar á skipulagi.
Margir hafa
gert áætlun
YLRÆKTARVER