Þjóðlíf - 01.02.1989, Blaðsíða 10

INNLENT
Þjóðleikhúsið skuldaði 129 milljónir í árslok 1987. Húsið er illa farið og þarfnast
viðgerðar strax.
Ríkisreikningur 1987:
Fjölmargar
athugasemdir
í skýrslu Ríkisendurskoðunar við ríkis-
reikning 1987 koma fram fjölmargar at-
hugasemdir. Hér eru nokkur dæmi, tekin
af handahófi úr þessari skýrslu:
— Þjóöleikhúsið skuldaöi 129 milljónir í
árslok 1987 til ríkissjóðs. Þessa skuld mun
Þjóðleikhúsið aldrei geta greitt og það er
óraunhæft að taka ekki á máli Þjóðleik-
hússins og gera forsvarsmönnum þess
kleift að reka það samkvæmt raunhæfum
áætlunum.
— Margir læknar sem gegna fullu starfi
hjá opinberum stofnunum eru einnig með
eigin rekstur eða í hlutastarfi annars stað-
ar. Greiðslur til einstakra lækna eru stund-
um mjög háar.
— Mörg sjúkrasamlög valda ekki hlut-
verki sínu og þekkingu á lögum um al-
mannatryggingar er víða ábótavant, svo
og bókhaldsþekkingu.
— Fangelsismál eru í ólestri. Eitt stórt
deildaskipt fangelsi fyrir landið allt gæti
sparað verulegarfjárhæðir í rekstrarkostn-
aði.
— Viðhaldskostnaður þriggja bifreiða
lögreglustjóraembættisins á Keflavíkur-
flugvelli nam liðlega 3,7 milljónum eða að
meðaltali 1.240.000 á hvern bíl.
— Endurbætur á skipi Þróunarsam-
vinnustofnunar kostaði um 20 milljónir
króna, en samkvæmt áætlun áttu þær að
kosta 5,5 til 6 milljónir. Ekki var leitað til-
boða í verkið.
— Við þingfestingu mála fyrir dómi þarf
sá sem þingfestir að greiða 250 króna gjald
til Lögmannafélagsins auk þingfestingar-
gjalds. Ríkisendurskoðun telur ekkert
lagaákvæði vera til sem heimilar þetta
gjald til Lögmannafélagsins.
— Dæmi eru um að einstakir starfs-
menn ríkisstofnana hafi fengið greiddar um
eða yfir 1600 yfirvinnustundir á árinu 1987
og víöa er mannahald langt umfram stöðu-
heimildir.
— Endurgreiðsla á 150 milljón króna
skuldabréfi sem Hitaveita Suðurnesja gaf
út þegar hún keypti Sjóefnavinnsluna er
ekki nægilega tryggð. Nauðsynlegt er að
það verði Ijóst hvort framkvæmdavaldið
geti selt hlutabréf ríkisins án heimildar Al-
þingis hverju sinni.
— Ábendingar Ríkissjóðs til samgöngu-
ráðuneytisins um að skila Sérleyfissjóði,
sem hefur verið aflagður, til ríkissjóðs, hafa
engan árangur borið. í Sérleyfissjóði eru
um 11 milljónir króna.
SG.
Höfðum
engan
starfsmann —
óskum okkar
hafnað
— Segir Halldór
Blöndal fyrrum
yfirskoðunarmaður
— Þetta var orðið gamalt og úrelt kerfi og
ekki hægt að jafna því á nokkurn hátt saman
við það sem nú er eftir þessa breytingu. Við
höfðum engan starfsmann og óskuðum með-
al annars eftir því að fá löggiltan endurskoð-
anda til að starfa með okkur, en það fékkst
ekki, sagði Halldór Blöndal alþingismaður
Ólafur Ragnar Grímsson fjármálaráð-
herra. Innan íslenska lagakerfisinser erf-
itt að láta einstaka forstjóra, stjórnendur
fyrirtækja og framkvæmda bera ábyrgð.
10