Dagblaðið Vísir - DV - 16.06.2008, Blaðsíða 10
mánudagur 16. júní 200810 Fréttir DV
Var ráðlagt
að fá sér ekki
lögfræðing
Karl Marinósson félagsfræðingur var einn af þeim aðilum sem tóku Önnu Dögg af heimili sínu 1984. Karl
starfaði þá fyrir barnaverndarnefnd. Hann neitar að tjá sig um málið. Karl benti foreldrum Önnu Daggar
að sleppa því að fá sér lögfræðing enda væri málið þannig vaxið að það stefndi ekki í neitt dómsmál. Önnur
varð raunin. Anna Dögg var tekin af móður sinni.
„Ég bara segi ekki nokkurn ein-
asta hlut. Í fyrsta lagi þá hef ég ekki
það minni til að bera að ég geti rifj-
að þetta upp. Og ef þetta væri al-
veg ljóst fyrir mér þá myndi ég ekki
segja neitt heldur,“ segir Karl Mar-
inósson félagsfræðingur.
Karl skrifaði upp á skýrslur
um málefni Önnu Daggar sem
DV hefur fjallað um og tekin var
af mömmu sinni vegna fátæktar.
Móðir Önnu Daggar, Hanna Jóns-
dóttir, lýsti reynslu sinni af meðferð
barnaverndarnefndar í DV.
Í skýrslu Karls frá þriðja júní
1984 í upphafi þess máls segir
hann að það sé vart þörf á lögfræði-
aðstoð heldur væri betra að fá til-
sjónarmann eða aktífan stuðning
til handa fjölskyldunni. Þetta mál
hafi ekki og stefndi ekki í vistun eða
meiri háttar úrskurð.
Hanna og fyrrum maður henn-
ar, Jón Viðarsson, stóðu ein í barátt-
unni. Áttu fáa að og voru auðveld
bráð. „Þau geta talað um þetta við
hvern sem er en ég hvorki get það
né vil það,“ bætir Karl við. Aðspurð-
ur hvort hann megi tjá sig um göm-
ul mál segir hann ekki svo vera. „En
ef þetta er tilfellið þá get ég svarað.
Ætli það hafi munað því að hafa
lögfræðing eða ekki.“
Óskar eftir lögfræðingi
Hanna Jónsdóttir, móðir Önnu
Daggar, er nú að fara yfir réttar-
stöðu sína. Hún óskar eftir lögfræð-
ingi sem gæti tekið hennar mál
upp. En það þyrfti að vera gjafsókn,
því Hanna er öryrki í dag og ræður
ekki við mikil peningaútlát.
„Við þurfum bara að sjá hver
framvinda mála er. Hvort það sé
möguleiki að fá lögfræðing til að
taka þetta að sér. En það er dýrt.
Gallinn við gjafsókn er sá að þessir
háu herrar eru búnir að breyta lög-
unum um gjafsókn. Það er búið að
þrengja lögin alveg rosalega. Það er
að mig minnir komið í 130 þúsund
á mánuði. Ég er öryrki og ætti því
að fá gjafsókn.“
Bragi Guðbrandsson, forstjóri
Barnaverndarstofu, vissi ekki um
þetta tiltekna mál þegar DV hafði
samband við hann. „Ég held að
ég geti fullyrt að það sé afskaplega
ólíklegt að barnið hafi verið tek-
ið einungis út af fátækt. Það bara
passar ekki.
Í lögum sem voru þá í gildi seg-
ir að það eigi að liðsinna foreldrum
ef þau lenda í peningaveseni. Þetta
hljómar sérstakt verð ég að segja.“
Bragi vildi fá tíma til að skoða
þetta tiltekna mál nánar og benti
á að Barnaverndarstofa hefði verið
stofnuð 1995.
Skýrslur fullar
af rangfærslum
Hanna hefur lengi verið að berj-
ast fyrir réttindum sínum. En það
er fyrst núna sem hún hefur getað
tjáð sig án þess að brotna og reiðin
brjótist út. „Ég get alveg sagt það að
það eru ekki mörg ár síðan ég fór að
geta talað um þetta. Og þá braust
þetta yfirleitt út í svo mikilli reiði
að ég var vart viðræðuhæf. Það er
ekki nema bara fyrst núna sem ég
get rætt þetta frekar rólega. Ég verð
enn svo ofsalega reið. Stundum
langar mig bara að fara út á svalir
og öskra,“ sagði Hanna í viðtalinu
við DV.
Þau Jón og Hanna eru nú skilin
að skiptum en segja að skýrslurn-
ar sem þau séu með undir hönd-
um séu fullar af rangfærslum. Ekki
aðeins um þau heldur einnig um
börnin þeirra. Í einni skýrslunni
sem Karl skrifar upp á er sagt að þau
hafi verið á Sólheimum í Gríms-
nesi. Það segja þau að sé þvætting-
ur. Þangað hafi þau aldrei komið.
„Við höfum aldrei
komið þangað.
Aldrei verið
þarna. Svo
átti systir
mín líka
að vera
þarna,“
sagði Jón.
Þau
réðu sér
lögfræðing
til að taka
upp mál-
ið, Steingrím
Þórðarson, en
hann gat lítið
hjálpað. „Eins og
hann talaði þá væri
þetta svo erfitt, flókið og það væri
erfitt að fá þetta í gegn. Það endaði
þannig að ég var orðin svo þreytt á
svörum hans að ég sagði honum að
gleyma þessu bara.“
Vill þau bak við lás og slá
Erfitt er að gera sér í hugarlund
hvað fer í gegnum höfuðið á fólki
sem fær aðeins viku til að velja á
milli barnanna sinna. Þau Hanna
og Jón fengu viku umhugsunarfrest
til að velja á milli Önnu Dagg-
ar og Gunnars, bróður henn-
ar sem einnig var tekinn
frá þeim, um stundarsakir.
„Ég veit ekki hvort það
sé hægt að fyrirgefa
svona lagað. Ekki get ég
það að minnsta kosti.
Það er útilokað mál.
Ég myndi helst vilja
sjá þetta fólk sem stýrði
þessu á bak við lás og
slá. Í staðinn eru þau öll
starfandi við þetta enn-
þá. Þetta fólk átti allt að fá
dóm. Beint í fangelsi með
þau og það átti að henda
lyklinum,“ sagði Hanna í
viðtalinu við DV.
BeneDiKt BÓaS hinRiKSSon
blaðamaður skrifar: benni@dv.is
„Þau geta talað um þetta við hvern
sem er en ég hvorki get það né vil það.“
slysatíminn er hafinn:
F r j á l s t , ó h á ð d a g b l a ð
Helgarblað
fjölnir Þorgeirsson:
Berst fyrir syninum
Hárs-
Breidd
frá lömun
Helgin 13. júní – 15. júní 2008 dagblaðið vísir 106. tbl. – 98. árg. – verð kr. 395
látinvelja annaðbarniðsvipt dóttur vegna fátæktaróbætanlegt
„Það er ekkert sem getur bætt þennan tíma upp,“ segir Hanna Jónsdóttir sem missti dóttur sína í hendur barnaverndaryfirvalda
árið 1984. Hanna og maður hennar, Jón viðarsson,
voru neydd til að láta af
hendi annað barna sinna. Þau fengu vikufrest til að velja á milli.
Farðu inn á dv.is og sláðu
inn leyniorð dagsins.
Leyniorð dagsins
SUMAR29SOL
Þú getur unnið
10.000 kr.
matarkörfu
stjónvarpsfólk fyrir dómi:
lucia gegn
kastljósinu
13. júní.
orð Karls frá 1984
Karl marinósson
ráðlagði fjölskyld-
unni að fá sér ekki
lögfræðing.
Misstu dótturina
Hanna jónsdóttir og
jón Viðarsson misstu
Önnu dögg í varanlegt
fóstur 1984.
Karl Marinósson ráðlagði ungum
hjónum að sleppa því að fá sér lögfræðing.