Frjáls verslun - 01.03.2010, Síða 74

74 F R J Á L S V E R S L U N • 3 . T B L . 2 0 1 0
FRÁBÆR
KYNNINGARAFSLÁTTUR
Á FANSA-LÍNUNNI ÚT
MAÍMÁNUÐ.
ÁSTA KRISTJÁNSDÓTTIR OG HEBA HALLGRÍMSDÓTTIR
REKA TÍSKUFYRIRTÆKIÐ E-LABEL.
Hönnun E-label er bæði þægileg og nothæf og er hún stíluð inn á hina atorkusömu nútímakonu.
Flíkurnar eru þægilegar og nýtast við mismunandi tækifæri.
Hugmynd E­label fæddist í Bombay þegar ég var að vinna á vegum Eskimo en hugmyndin var þá að búa til töskur og stuttermaboli fyrir Eskimo. Við settum saman nokkrar
hugmyndir og létum sauma nokkrar frumgerðir. Fólk var mjög
hrifið og því var ákveðið að gera litla fatalínu sem eingöngu var
seld á netinu. Allt seldist upp á sex vikum. Síðan eru tæp þrjú
ár. Við opnuðum í kjölfarið verslun á Laugaveginum og stuttu
seinna komumst við inn hjá Topshop í London.
Hönnun E­label er bæði þægileg og nothæf og er hún stíluð
inn á hina atorkusömu nútímakonu. Flíkurnar eru þægilegar
og nýtast við mismunandi tækifæri. Það er eitthvað sem konur
kunna að meta.“
Um það að stofna fathönnunarfyrirtæki tengda við ímynd segja
þeir Ásta og Heba að er erfitt að koma svona merki af stað en ef
komist er í gegnum fyrstu og erfiðustu árin þá geti komið að því
að það skili sér. Samkeppnin er nátturlega gífur leg og það er í
mörg horn að líta.
„Það að skapa eitthvað og sjá það verða að veruleika gefur
okkur „kikk“. Áhugi minn á markaðs­og ímyndarmálum hefur
alltaf verið til staðar og Heba hefur haft puttana í tísku brans­
an um alla tíð. Bæði áhugi og ástríða eru til staðar hjá okkur báðum.
Við tökum lítil skref í einu en vöxum jafnt og þétt,“ segir Ásta.
HVAÐA MARKAÐSSVÆÐI
ERU ÁHUGAVERÐ FYRIR YKKUR?
„Bretland, það er talinn vera erfiðasti markaðurinn til að koma
sér á framfæri í þessum bransa. Við völdum Bretland vegna
þess að Heba þekkir vel þar til og hefur verið búsett þar lengi.
Ef varan kemst í dreifingu á góðum stöðum í Bretlandi er það
oft lykill að nýjum dreifileiðum. Þess vegna hefur það verið
dýrmæt auglýsing fyrir okkur að vera t.d. í Topshop þar sem
margir umboðsmenn og dreifiaðilar rekast á vöruna.
Þýskaland er líka áhugaverður markaður vegna þess að
hann er stór og ekki langt frá Bretlandi. Þannig getum við vel
fylgst með því sem er að gerast þar. Í Þýskalandi eru margar
verslunarkeðjur sem eru oft með fleiri en 100 verslanir, þannig
að ef maður kemst inn í eitt útibú og vel gengur er líklegt að
maður komist í hin útibúin líka.
Ísland er hins vegar okkar heimamarkaður þar sem við getum
prófað hugmyndir og nýjar vörur. Á íslandi er auðveldara að fá
umfjöllun í fjölmiðlum og auglýsa vörumerkið án allt of mikils
kostnaðar.“
HVER ER FRAMTÍÐ E-LABEL?
„Við þurfum meiri mannskap og aukið fjármagn til þess
að byggja upp fyrirtækið. Við höfum mikið verið að skoða
hvernig fyrirtæki eins og Inditex og Topshop – sem tilheyrir
Arcadia – hafa vaxið og dafnað. Bæði fyrirtæki eru að gera
frábæra hluti. Það er ýmislegt sem er erfitt í tískubransanum eins
og að finna framleiðslufyrirtæki og móta ímyndina og halda utan
um hana. Í Viðskiptasmiðjunni hjá Klaki var okkur hjálp að að
búa til stefnumótandi áætlun og setja okkur skýr mark mið sem
við höfum fylgt eftir. Við tökum núna lítil skref, eitt í einu, en
vöxum jafnt og þétt.“

Heba Hallgrímsdóttir og Ásta Kristjánsdóttir
reka tískufyrirtækið E­Label.
E-LABEL VEX JAFNT OG ÞÉTT
H Ö N N U N
MYND: GEIR ÓLAFSSON