Frjáls verslun - 01.04.2010, Síða 38

38 F R J Á L S V E R S L U N • 4 . T B L . 2 0 1 0
Austurbæjarskólann en ákvað að fara sínar eigin
leiðir og valdi Hlíðaskóla. „Ég hafði heyrt í
fjölskylduboði að Hlíðaskóli væri rétti skólinn
og fór því þangað,“ segir Gunnar Helgi. Þar
komst hann í félagsskap sem enn heldur
hópinn.
Fylginn sér
„Við vorum þarna nokkrir piltar sem höfðum
verið saman í barnaskóla og svo þegar við
komum í 1. bekk gaggó kom Gunnar Helgi í
skólann. Hann var strax staðráðinn í að vera
hluti af þessum hópi eða klíku og tókst það,“
segir Ari Kr. Sæmundsen, líffræðingur og
forstjóri Gróco, æskuvinur Gunnars Helga.
„Þetta segir mikið um Gunnar Helga.
Hann er fylginn sér, vinnur markvisst og
er ósáttur við annað en að ná markmiðum
sínum,“ segir Ari.
Þessir skólafélagar úr Hlíðaskóla eru og
hafa lengi verið veiðifélagar og spilafélagar
og nú hin síðari ár einnig félagar í golfinu.
Gunnar Helgi er mikill áhugamaður um golf.
„Við höfum alltaf haldið hópinn þótt
leiðir okkar hafi legið í ýmsar áttir bæði í
námi og við störf,“ segir Ari. „Þótt Gunnar
Helgi væri mikið í útlöndum síðustu árin
komum við alltaf saman á spilakvöldum
og förum enn í veiði alveg eins og þegar
við byrjuðum sem strákar að veiða í Elliða­
vatninu.
Höfðingi
Þau hjón Gunnar Helgi og Gunnhildur eru
líka góð heim að sækja og maður fær að vera
eins lengi og maður vill,“ segir Ari og hlær.
Kona Gunnars er Gunnhildur Lýðsdóttir
viðskiptafræðingur og eiga þau þrjá syni.
Eggert Guðmundsson, forstjóri Granda
og svili Gunnars Helga, tekur undir þetta
með höfðingsskapinn. „Ég held að fáir standi
þeim hjónum á sporði þegar kemur að höfð­
inglegum móttökum,“ segir Eggert, sem fyrst
kynntist Gunnari Helga fyrir 20 árum þegar
hann giftist inn í fjölskylduna.
„Ég held líka að ef við værum uppi á sögu­
öld þá væri Gunnar Helgi höfðingi, hann væri
goði,“ segir Eggert og hlær. „Hann er for­
ystu maður í eðli sínu. Menn taka alltaf eftir
hon um í hópnum og spá í hvað hann hugsar
og segir.“
Eggert segir líka að Gunnar Helgi hafi
ákveðnar skoðanir á mönnum og málefnum
en sé ekki meinfýsinn í garð annarra. „Hann
hefur ákveðnar skoðanir og byggir þær gjarn an
á staðreyndum,“ segir Eggert.
Þolir ekki lausa enda
Aðspurður um lesti Gunnars Helga nefnir
Ari fyrst og fremst óþolinmæði: „Hann vill
að verkin séu unnin. Þegar hann er búinn
að komast að niðurstöðu og kominn í fram­
kvæmdaham á hann erfitt með að bíða eftir
að aðrir taki við sér líka. Hann þolir ekki
hangs og slóðaskap ef það telst þá ljóður á
ráði manna. Ég held líka að hann eigi erfitt
með að þola lausa enda.“
Eggert bregður upp líkri mynd af Gunnari
Helga: „Allir kostir hafa sína spegil mynd,“
segir Eggert. „Hjá Gunnari Helga birtist
þetta til dæmis á golfvellinum, hann á það
til að leika mjög hægt og það er ekki alltaf
vinsælt. Hann er alltaf að leysa verkefni. Í
golfinu kynnir hann sér allar hliðar leiksins,
les bækur og horfir til lengri tíma og ekki
bara til eins hrings á vellinum.“
Sömu eiginleikar koma fram við veiði.
Eggert segir að hann kynni sér árnar ná ­
kvæm lega og vilji ná árangri við veiðina sem
annað.
Verslunarnám
Þegar námi í Hlíðaskóla lauk fór Gunnar
Helgi í Verslunarskólann og lauk þaðan
stúdentsprófi. Hann var forseti nem enda­
félagsins 1969­1970. Löngu síðar tók hann
sæti sem formaður skólanefndar Versl unar­
skólans og segist alla tíð hafa borið sterkar
taugar til Versló.
Það var raunar kunnur maður af þessari
sömu kynslóð sem bað Gunnar Helga að
taka sæti í skólastjórn Versló árið 1995. Það
er Vilhjálmur Egilsson, nú framkvæmdastjóri
Samtaka atvinnulífsins.
„Við kynntumst upphaflega í gegnum
Verslunarráðið þegar ég var þar fram kvæmda­
stjóri,“ segir Vilhjálmur. „Ég þekkti hann
ekki áður en leitaði oft til hans um ráðgjöf,
sérstaklega varðandi verðbréfamarkaðinn
á Íslandi, og hef oft leitað ráða hjá honum
síðar. Hann er afar traustur maður og till­
ögu góður og því er oft til hans leitað.“
Vilhjálmur segist ekki í vafa um að
Gunnar Helgi sé á réttum stað sem banka­
ráðsformaður. „Ég held að þetta hafi verið
sterkur leikur að fá hann í þetta starf,“ segir
Vilhjálmur. „Til að byggja upp bankana þarf
fólk sem kann til verka og hefur líka horft
á það sem gerðist utan frá. Gunnar Helgi er
fagmaður og það er nauðsynlegt að fagmenn
beri ábyrgð á bankanum.“
Diplómat
Vilhjálmur segir að Gunnar Helgi sé ekki
bara fagmaður heldur einnig diplómat og
ekki einstrengingslegur í skoðunum. „Hann
er ekki upptekinn af sjálfum sér en sýnt um
að finna lausnir. Ég hef alltaf getað treyst
honum,“ segir Vilhjálmur.
Allur náms­ og starfsferill Gunnars Helga
hefur tengst fjármálum. Þó segist hann ekki
upptekinn af peningum umfram það að hafa
nóg fyrir sig og sína en ekki til að safna pen­
ingum peninganna vegna.
N Æ R M Y N D A F G U N N A R I H E L G A H Á L F D A N A R S Y N I
„Ég held líka að ef
við værum uppi á
sögu öld væri Gunnar
Helgi höfðingi, hann
væri goði.“
Eggert Guðmundsson,
forstjóri Granda og svili.