Frjáls verslun - 01.07.2010, Blaðsíða 46
46 F R J Á L S V E R S L U N • 7 . T B L . 2 0 1 0
Tölvuský á himni
Eiríkur Hrafnsson hjá tölvuskýinu
GreenQloud:
Tölvuský er þjónusta þar sem hver sem er getur leigt í sjálf s -afgreiðslu tölvubúnað, geymslupláss og þess háttar án nokk-urs stofnkostnaðar og aðeins borgað fyrir það sem hann nýtir á hverjum klukkutíma,“ segir Eiríkur Hrafnsson en hann
stendur að þessum sprota ásamt félaga sínum Tryggva Lárussyni.
Tilgangurinn er að fyrirtæki geti sparað fé og stækkað eða
minnkað tölvubúnað sinn hratt og eftir þörfum og án skuldbindinga.
Hugmyndin kviknaði, að sögn Eiríks, eftir hrunið.
Þeir félagar höfðu unnið við þróun frjáls hugbúnaðar – open
source – í áratug og sáu tækifæri í því að nýta þá þekkingu og sér-
stöðu Íslands sem er gnótt af hreinni orku og góð nettenging til
bæði Ameríku og Evrópu.
Tölvu- og samskiptageirinn ber að sögn á ábyrgð á 2% af útblæstri
gróðurhúsalofttegunda og stefnir í að verða einn af stærstu meng -
unar völdunum fyrir árið 2020 vegna hraðrar stækkunar inter nets-
ins. Þar bera tölvuskýin höfuðábyrgðina því þau vaxa fimm sinnum
hraðar en aðrir hlutar geirans og fyrirtækin á bak við þau eltast við
að kaupa sem ódýrasta orku og hunsa umhverfisþáttinn – nema
aðar ódýrar og umhverfisvænar lausnir bjóðist.
Tveggja ára vinna
Síðustu tvö árin hafa þeir Eiríkur og Tryggvi unnið markvisst að
þróun hugbúnaðar Greenqloud. Fyrirtækið var þó ekki stofnað
opin berlega fyrr en í byrjun árs 2010 þegar það hafði tryggt sér
rekstrarfjármagn. Í dag vinna átta starfsmenn hjá fyrirtækinu og
stefnan er að fjölga þeim í tuttugu á næsta ári.
„Við stefnum að því að opna tölvuskýið fyrir lokuðum hópi í des-
ember á þessu ári og almenningi á fyrri hluta næsta árs,“ segir
Eiríkur. „Við höfum verið að safna skráningum í þennan lokaða
hóp í nokkra mánuði og höfum fengið mun fleiri skráningar en við
bjuggumst við hvaðanæva úr heiminum.“
Markaðsstarf GreenQloud beinist að Bandaríkjunum og Íslandi
og almennt á netinu. GreenQloud hefur til dæmis verið valið í
hóp „heitustu“ sprotafyrirtækja í heimi á sviði skýjaþjónusta hjá
vefmiðlinum GigaOm.com auk þess sem það hlaut styrk úr tækni-
þróunarsjóði.
Fólk iðjulaust í bönkunum
„Það erfiðasta til þessa hefur verið að fá góða forritara fyrir þau
kjör sem við getum boðið þeim,“ segir Eiríkur. „Það þarf að gera
átak í því að mennta fleira fólk í hugbúnaðargerð hér á landi og
styðja betur fjárhagslega við sprotafyrirtækin til að þau þurfi ekki
að flytja úr landi. Eiríkur fullyrðir að bankarnir haldi niðri nýsköpun í
landinu með því að borga enn of há laun til tæknifólks og halda úti
allt of stórum tölvudeildum.
„Þarna er fólk sem gæti virkilega gert góða hluti fyrir land og þjóð
ef hugarafli þess væri sleppt lausu,“ segir Eiríkur. „Með fjölgun
tæknisprotafyrirtækja yxi einnig eftirspurn eftir viðskiptamenntuðu
fólki og það myndi vinna hratt á atvinnuleysinu í landinu.“
Eiríkur grætur því ekki hrun bankanna. „Í heildina litið hefur banka-
hrunið reynst lán frekar en ólán,“ segir hann.
Hann segir jafnframt að þeir styrkir sem eru í boði séu of litlir og
sjóðir, sem eru til staðar, fjárfesti í of fáum fyrirtækjum og munurinn
á fjárfestingum sjóða sé of lítill. Þá fjárfesti enginn íslenskur sjóður
til jafns við erlenda fjárfesta og því þurfi þessi sprotafyrirtæki að
leita út fyrir landsteinana eftir fjármagni. Það feli þá hættu í sér að
þau verði knúin til þess að flytjast af landi brott.
„Í heildina litið hefur bankahrunið reynst
lán frekar en ólán.“
Ský eru oft tengd við drauma. Tölvuskýið Green -
Qloud er slíkur draumur tveggja tölvu manna. Eftir
hrun hafa þeir látið draum sinn um um hverfisvænt
tölvuský verða að veruleika. En hvað er tölvuský?