Frjáls verslun - 01.08.2005, Side 12

VIÐSKIPTABANKASVIÐ ÍSLANDSBANKA
Áhersla lögð
á viðskiptavininn
Á
vormánuðum 2004 var skipulagi Íslandsbanka breytt í
þá veru að öll þjónusta innanlands við viðskiptavini var
færð undir eitt svið, Viðskiptabankasvið. Markmið breyt-
inganna var að auka enn frekar áherslu á heildstæða þjón-
ustu við viðskiptavini og afmarka þjónustuna frá annarri starfsemi
með skýrari hætti. Haukur Oddsson hefur veitt Viðskiptabankasviði
Íslandsbanka forystu frá ársbyrjun 2005.
Haukur er öllum hnútum kunnugur í heimi bankaviðskipta enda
verið við stjórnvölinn hátt í 20 ár. Haukur er rafmagnsverkfræðingur
að mennt og tók til starfa hjá Iðnaðarbankanum árið 1984. Að loknu
framhaldsnámi snéri Haukur aftur og tók
þá við starfi forstöðumanns tölvudeildar
Iðnaðarbankans. Haukur varð framkvæmda-
stjóri upplýsingatæknisviðs Íslandsbanka
1998 þar til hann söðlaði um og leiðir nú
starfsemi Viðskiptabankasviðs. „Áherslur
í bankaviðskiptum hafa breyst töluvert frá
því að ég hóf fyrst störf. Áður var almenn
afgreiðsla meginhlutverk útibúa en í dag
veitum við heildstæða ráðgjöf og þjónustu
í fjármálum til viðskiptavina. Við höfum því
lagt kapp á að endurmóta sviðið til að mæta
kröfum viðskiptavina og nýjum þörfum.
Íslandsbanki hefur lagt metnað sinn í það
að vera í forystu um nýja þjónustu hvort
sem hún stafar af breytingum í umhverfinu
eða á sviði tæknimála. Svo má að vísu deila
um hvort er orsök eða afleiðing.“
Aukin þjónusta og ráðgjöf Viðskiptabankasvið Íslandsbanka ann-
ast þjónustu við einstaklinga og fyrirtæki innanlands. Undir sviðið
heyra Útibúasvið, Fyrirtækjasvið, Eignastýring, Eignafjármögnun
(Glitnir) og Markaðs- og sölumál. Haukur segir breytingarnar gera
bankann enn betur í stakk búinn til að mæta sívaxandi kröfum og
búi hann vel undir frekari vöxt í framtíðinni. „Þegar litið er um öxl er
ekki ýkja langt síðan meginþorri starfa á útibúasviði snéri að fjárhags-
legum færslum, t.a.m. millifærslum, greiðslu reikninga og afgreiðslu
reikningsyfirlita. Þetta hefur í auknu mæli færst yfir á Netið. Íslands-
banki hefur verið leiðandi á sviði upplýsingatækni, hóf fyrstur banka
hér á landi að veita heimabankaþjónustu árið 1994 og aðgang að
reikningum á Netinu árið 1995. Í dag þekkjum við ekkert annað en að
geta afgreitt öll okkar mál í gegnum Netið á auðveldan og fljótlegan
hátt. Starf þjónustufulltrúans hefur því færst sífellt meira inn á svið
ráðgjafar í fjármálum - einstaklingar og fyrirtæki reiða sig meira á
sérþekkingu þeirra.“
Góð fjárhagsleg heilsa lykilatriði Upplýsingatækni er einn veiga-
mesti þáttur í starfsemi Viðskiptabankasviðs og sífellt er verið
að vinna að, endurskoða eða bæta úr þjónustu, ferlum og dreifi-
leiðum. Í dag eru um 60 til 80% allra
aðgerða sem framkvæmdar eru í banka-
kerfinu annað hvort sjálfvirkar eða fram-
kvæmdar af viðskiptavininum sjálfum.
Bakgrunnur Hauks hefur því nýst vel í
starfi. „Nánast allar afgreiðsluaðgerðir
sem viðskiptavinurinn getur framkvæmt
sjálfur eru komnar á Netið,“ segir Haukur.
„Hinsvegar er þjónustuframboðið alltaf
að aukast og breytast. Viðskiptavinir
sækja nú ráðgjöf varðandi fjármögnun,
sparnað eða tryggingar til þjónustufull-
trúa. Íslandsbanki hefur í gegnum tíðina
sýnt frumkvæði og forystu í nýjungum
til viðskiptavina. Íslandsbanki bauð m.a.
fyrstur banka upp á Netbankaþjónustu
á Íslandi og snemma árs 2004 bauð bank-
inn húsnæðislán fyrstur banka. Við erum
afar stolt af þeim árangri sem hefur náðst
en betur má ef duga skal. Markmið okkar er að auðvelda daglega
umsjón með fjármálum en jafnframt aðgengi að ráðgjöf hvort sem
um er að ræða einstaklinga, félagasamtök eða fyrirtæki. Starfsemi
útibúanna hefur gengið undir eins konar naflaskoðun á vormán-
uðunum og sú vinna er þegar farin að skila sér til viðskiptavina
okkar. Fljótlega förum við af stað með svokallað fjármálaviðtal,
þar má í raun segja að viðskiptavinurinn gangist undir eins konar
skoðun um það að fjármál hans og fjárhagslegt öryggi séu í góðu
lagi bæði í núinu og þegar horft er til framtíðar.“
12 F R J Á L S V E R S L U N • 8 . T B L . 2 0 0 5 KYNNING
Íslandsbanki býður Netbanka á mörgum tungu-
málum, með flestar aðgerðir og hægt að skila
VSK-skýrslum sem ekki er hægt annars staðar.