Frjáls verslun - 01.08.2005, Side 159

F R J Á L S V E R S L U N • 8 . T B L . 2 0 0 5 159
SETIÐ FYRIR SVÖRUM
GUÐMUNDUR HAUKSSON,
SPARISJÓÐSSTJÓRI SPRON
Hvað hefur komið þér mest á óvart í viðskiptalífinu á árinu?
Þessi gríðarlegi kraftur sem komið hefur fram hjá mörgum fyrir-
tækjum í útrás íslenskra fyrirtækja og hin mikla umræða sem hefur
skapast erlendis vegna aukinna umsvifa íslenskra fjárfesta.
Mun afkoma fyrirtækis þíns verða betri í ár en í fyrra? Já, sér-
staklega hagfellt efnahagsumhverfi skilar sér í góðri afkomu á árinu.
Hvað hefur einkennt rekstur fyrirtækis þíns á þessu ári og mun
það ná settum markmiðum? Það má segja að allar rekstrarein-
ingar fyrirtækisins gangi vel. Viðskiptavinir okkar njóta þess góðæris
sem ríkir og það kemur fram í mikilli eftirspurn eftir bankaþjónustu
og um leið hafa vanskil stórlega minnkað. Þá skilar einkar hagstæð
þróun á verðbréfamarkaði fyrirtækinu talsverðum gengishagnaði og
því munum við ná markmiðum ársins.
Telur þú að aðstæður í efnahagslífinu batni eða versni á árinu
2006? Það er varla hægt að hugsa sér að efnahagsaðstæður geti
orðið miklu betri án verulegrar hættu á ofþenslu. Ljóst er að sterkt
gengi krónunnar er farið að skapa erfiðara rekstrarumhverfi í mikil-
vægum atvinnugreinum á sama tíma og aukinn þrýstingur myndast á
vinnumarkaði. Því er hætt við að eitthvað gefi eftir en vonandi tekst
að draga úr spennu í efnahagslífinu og ná betra jafnvægi þannig að
efnahagsaðstæður verði eftir sem áður góðar á næsta ári.
Telur þú að verð á íslenskum hlutabréfamarkaði haldi áfram
að hækka? Hækkanir undanfarinna ára hafa verið byggðar á vænt-
ingum um gott gengi íslenskra fyrirtækja, einkum þeirra sem eru
með starfsemi erlendis. Ef þessar fjárfestingar standa undir sér og
engin kollsteypa verður í íslensku efnahagslífi gætum við séð frekari
hækkanir.
PÉTUR HAFSTEINN PÁLSSON,
FRAMKVÆMDASTJÓRI VÍSIS HF.
Hvað hefur komið þér mest á óvart í viðskiptalífinu á árinu?
Ég bjóst aldrei verið jafn sterku gengi krónunnar og verið hefur.
Reyndar reiknaði ég með að króna rétti sig af þegar kæmi fram á
haustið, en það hefur ekki gengið eftir. Greiningardeildir bankanna
tala í kross um framhaldið þannig að sjálfur ætla ég að halda mig til
hlés í spádómum um gengismál.
Mun afkoma fyrirtækis þíns verða betri í ár en í fyrra? Afkoman
verður eitthvað lakari en í fyrra. Reyndar vorum við með ágætt hálf-
sárs uppgjör og héldum sömu framlegð og í fyrra. Þegar árið verður
gert upp í heild sinni reikna ég þó með að afleiðingar gengisþróunar
dragi eitthvað úr hagnaði.
Hvað hefur einkennt rekstur fyrirtækis þíns á þessu ári og mun
það ná settum markmiðum? Árið í ár er það fyrsta sem starfs-
emi í Grindavík, á Þingeyri, Húsavík og Djúpavogi er öll rekin undir
sömu kennitölu. Verkefni ársins hefur því meðal annars verið að stilla
saman strengi í rekstri á þessum stöðum. Við gerðum breytingar í
sölumálum og landvinnslu og höfum á síðustu þremur árum fækkað
skipum okkar úr átta í fimm. Þetta hagræðingarstarf er nú að skila
árangri.
Telur þú að aðstæður í efnahagslífinu batni eða versni á árinu
2006? Ég myndi ekki veðja á betri aðstæður á næsta ári. Fram-
haldið ræðst annars mikið af gengisþróun og kjarasamningum. Á
vinnumarkaði skynja ég mikla þenslu, í dag er til dæmis erfitt að
manna skip og vinnsluhús.
Telur þú að verð á íslenskum hlutabréfamarkaði haldi áfram að
hækka? Mér finnst ósennilegt að verð hlutabréfa í fyrirtækjum sem
starfa eingöngu á innanlandsmarkaði hækki. Gengi bréfa í þeim fyrir-
tækjum sem eru í útrás getur hins vegar haldið áfram að stíga.
Velta: 8,3 milljarðar
Hagn. f. skatta: 1,8 milljarðar
Eigið fé: 5,9 milljarðar
Velta: 3,9 milljarðar
STÆRSTA STÆRSTA
„Bjóst aldrei við jafn sterku gengi krónunnar
og verið hefur.“
-Pétur Hafsteinn Pálsson, framkvæmdastjóri Vísis hf.
„Mikilli eftirspurn eftir bankaþjónustu og jafn-
framt hefur dregið stórlega úr vanskilum.“
- Guðmundur Hauksson, sparisjóðsstjóri SPRON.
40 76