Hafnarfjörður - Garðabær - 01.05.2015, Blaðsíða 12

ER BÍLSÆTIÐ RIFIÐ ?
Viðgerðir á öllum gerðum af bíla-,
mótorhjóla og snjósleðasætum.
Húsbílaklæðningar og öll almenn
bólstrun. Við erum þekktir fyrir
fljóta og góða þjónustu.
Hamraborg 5 kóp, Hamrabrekkumegin S. 544 5750 www.hsbolstrun.is
Formbólstrun
Bæjarráð Hafnarfjarðar veitir félagasamtökum, fyrirtækjum
eða einstaklingum styrki til starfsemi og þjónustu sem fellur að
hlutverki sveitarfélagsins eða telst á annan hátt í samræmi við
stefnumörkun, áherslur og forgangsröð sveitarfélagsins.
Verkefni skulu tengjast Hafnarfirði með einhverjum hætti
svo sem að þau fari fram í Hafnarfirði eða feli í sér kynningu
á einhverju sem viðkemur sveitarfélaginu. Verkefni eru ekki
styrkt eftirá.
Sótt er um í gegnum Mínar síður á vef bæjarins.
Umsóknarfrestur er til 14.maí 2015 og skal úthlutun lokið fyrir
1. júní 2015.
Fyrirspurnir má senda á netfangið jonaosk@hafnarfjordur.is
Aðstoð við skráningu/ umsókn er hægt að fá í þjónustuveri
Hafnarfjarðarbæjar í síma 585 5500 eða í gegnum netspjall á
www.hafnarfjordur.is
Ertu MEð góða hugMynd?
Bæjarráð auglýSir Eftir
StyrkuMSóknuM.
1. Maí 201512
Hafnar-
fjarðar-
brandarar
ólíkra tíma
Hafnfirðingabrandarinn eftir
Bryndísi Björgvinsdóttur hefst í
unglingaherbergi (líklega í Norður-
bænum) í Hafnarfirði þann 1. des-
ember árið 1999. Klara er fimmtán
ára, móðir hennar kallar herbergið
hennar svínastíu og framan af
sögunni, sem gerist vikurnar fyrir
jól, er fátt sem bendir til annars en
að hér sé bara á ferðinni sniðug og
fyndin unglingasaga sögð í fyrstu
persónu af Klöru sjálfri.
Foreldrar Klöru fara til Kanaríeyja
þar sem pabbi hennar ætlar að hvíla
sig eftir spítalavist. Klara dvelur hjá
áttræðri og mjög hressri ömmu sinni á
meðan. Kannski er Klara dæmigerður
unglingur að svo miklu leyti sem til
eru einhverjir dæmigerðir unglingar.
Hún er ör og taugaveikluð, sælgætis-
sjúk, feimin, oft svolítið einmana og
dálítið klaufaleg á margan hátt, en
hún er líka með húmor fyrir sjálfri
sér sem er nú ekki sjálfsagt mál þegar
unglingar eru annars vegar. Við sögu
koma meðal annarra vinkonur, fyrr-
verandi kærastinn Grjóni, eineltis-
fórnarlamb frá Færeyjum, strákurinn
sem allar stelpurnar eru skotnar í, vin-
sælu stelpurnar, tággrönnu fimleika-
stelpurnar sem eru með strekkt hár
og pískra um próf og næringarfræði
og auðvitað lúðarnir sem forðast hver
annan í stað þess að mynda gengi því
að þeir „halda að þrír eða fleiri lúðar
í hóp séu lúðalegri en einn eða tveir
lúðar á stangli.“ (bls. 37)
Í sögu Klöru eru margir drepfyndnir
hlæja-upphátt-kaflar og allskonar
skemmtilegar vangaveltur um lífið
og tilveruna. Pabbi og mamma Klöru
urðu fljótlega uppáhaldspersónur hjá
mér. Þau eru roskin og kunna hvorki
að leigja DVD-myndir né panta pít-
sur og þau gefa henni yfirleitt glataðar
jólagjafir. Foreldrarnir endurspegla
svo sniðuglega hvað heimurinn hefur
breyst rosalega mikið síðustu ára-
tugina. Ég ólst sjálf upp í Hafnarfirði
ekkert mjög löngu á undan Klöru og
er af millibilskynslóð milli hennar og
foreldranna, en mér finnst mjög margt
í sögu Klöru komið töluvert langt frá
mínum unglingsárum í umræddu
bæjarfélagi.
Hafnfirðingabrandarinn er ekki
bara saga unglingsins Klöru. Þegar
komið er eitthvað fram yfir blaðsíðu
hundrað (þess má geta að þetta er
löng bók, eða 432 blaðsíður) kemur
til sögunnar löngu dáinn frændi
hennar, Ingimar. Klara veit í upphafi
ekkert um þennan frænda en smám
saman kemst hún að því að hann hefur
verið álitinn furðufugl, einhverjir segja
hann hafa verið einfeldning og kjána,
hann var talinn öfugur (sem Klara veit
ekki hvað þýðir) og það var gert gys
að honum og honum strítt. Síðan eru
aftur aðrir sem hafa álitið hann góð-
menni og snjallan náunga. Ingimar
var frumkvöðull í lífrænni ræktun,
hann stundaði forvitnilegar rann-
sóknir og var á undan samtíð sinni í
ýmsu en eins og amma Klöru nefnir þá
var hann af mörgum álitinn einhvers
konar Hafnfirðingabrandari.
Saga Ingimars speglar sögu Klöru
og jafnvel líka sögur eineltisfórn-
arlambsins Maríu Kristu Poulsen og
annarrar skólasystur sem er í söfnuði
Votta Jehóva og stelpurnar spyrja sí-
fellt út í sömu hlutina aftur og aftur
og furða sig endalaust á að hægt sé
að velja sér að lifa ekki lífinu eins og
flestir í kringum mann gera. Sögur
frændsystkinanna, sem eru af ólíkum
kynslóðum og kynnast aldrei, sýna að
lífið er mynstur sem hefur tilhneig-
ingu til að endurtaka sig. Hafnfirskir
furðufuglar eru til á öllum tímum en
þegar upp er staðið þá vita þeir alveg
sínu viti.
Ég er dálítið spennt að vita hvað
unglingum á eftir að finnast um þessa
löngu og lagskiptu Hafnarfjarðarsögu.
Góðar og áhrifaríkar barna- og ung-
lingabækur má gjarna lesa á mörgum
plönum og ekki síst þess vegna er
Hafnfirðingabrandarinn bók fyrir fólk
með misjafnan bókmenntasmekk og
ólík áhugamál. Unglingar ættu auð-
vitað að lesa Hafnfirðingabrandarann
en ég mæli samt ekki síður með bók-
inni fyrir miðaldra og aldraða, hvort
sem viðkomandi kunna eða kunna
ekki að leigja myndir og panta pítsur.
P.s. Ég ólst upp við að kalla brandara
þar sem Hafnfirðingar koma við
sögu, Hafnarfjarðarbrandara. Mun
fleiri dæmi finnast um orðið Hafnar-
fjarðarbrandari á timarit.is (64 dæmi)
en Hafnfirðingabrandari (2 dæmi).
Lausleg amatörkönnun mín gefur
vísbendingu um að einhver kyn-
slóðaskipting sé í notkun orðanna
og að yngra fólk tali frekar um Hafn-
firðingabrandara, en amma Klöru er
fyrsta manneskjan í bókinni sem notar
orðið Hafnfirðingabrandari og hún er
sennilega fædd um 1920 og ætti því
kannski frekar að segja Hafnarfjarðar-
brandari. Þið megið gjarna ræða þessa
mismunandi orðanotkun í jólaboðum
en látum þetta duga í bili.
Höfundur er: Þórdís Gísladóttir.
Greinin birtist áður á síðunni
Druslubækur og doðrantar
http: //bokvit. blogspot.com/2014/11/
hafnarfjararbrandarar-olikra-tima.
html
Handhafar bókmenntaverðlauna skóla- og frístundaráðs Reykjavíkur 2015.
Birgitta Hassel og Bryndís Björgvinsdóttir.
Bryndís fékk
verðlaunin
Hafnfirðingurinn Bryndís Björg-
vinsdóttir tók í vikunni við barna-
bókaverðlaunum skóla- og frí-
stundaráðs Reykjavíkur, en þau voru
afhent við hátíðlega athöfn í Höfða.
Verðlaunin fær hún fyrir bókina
Hafnfirðingabrandarann sem Vaka
Helgafell gaf út.
Í umsögn valnefndar um verð-
launabókina Hafnfirðingabrandar-
ann segir m.a.:
„Hafnfirðingabrandarinn er
marglaga skáldsaga þar sem fjallað
er um sígild stef í lífi unglinga eins
og fyrstu ástina og ástarsorgina,
félagslíf og samskiptamynstur sem
aldrei er eins flókið og á unglings-
árum, ofsakvíða, ofsakæti og allt
þar á milli. Sagan er umfram allt
skrifuð af leiftrandi stílgáfu, umvefj-
andi hlýju og heilnæmum húmor
sem fær lesendur á öllum aldri til
að njóta lestrarins og hreinlega tæta
bókina í sig.“
Bryndís hefur einnig hlotið ís-
lensku bókmenntaverðlaunin fyrir
Hafnfirðingabrandarann og fleiri
viðurkenningar.
Þórdís Gísladóttir rithöfundur, þýð-
andi og ljóðskáld og hefur þýtt fjölda
bóka fyrir börn og fullorðna og
sent frá sér námsbækur, skáldverk,
ljóðasöfn og barnabækur. Hún hefur
hlotið ýmsar viðurkenningar fyrir
verk sín.