Neytendablaðið - 01.03.2011, Blaðsíða 19

Smáforritið TheFind
Tekið er dæmi af 25 ára gömlum markaðsfræðingi sem fór í eitt
útibú raftækjarisans Best Buy til að kaupa afmælisgjöf handa
kær ust unni. Hann fann hina fullkomnu gjöf og fyrir ári hefði hann
sett tækið í innkaupakörfuna án frekari umhugsunar. En nú notaði
hann Android snjallsímann sinn og sló inn tegundarnúmer tækisins
í smá forritið TheFind sem samstundis gerir verðsamanburð milli
seljenda. Forritið fann sömu vöru á Amazon.com á 10.000 kr. lægra
verði.
Bylting í neytendakaupum
Snjallsímar boða byltingu þegar kemur að neytendakaupum og
vilja sumir meina að um sé að ræða „nýtt tímabil verðgegnsæis“.
Með tilkomu snjallsímanna er viðskiptamódeli stærstu verslana
í Banda ríkjunum ógnað. Fram að þessu hafa þær getað platað
neytendur til sín með tælandi tilboðum og í leiðinni ýtt að þeim
öðrum vörum sem skila verslununum meiri hagnaði. Nú geta
neytendur notað snjallsímana inni í verslunum til að stað reyna
hvort tilboðin séu í raun eins aðlaðandi og látið er í veðri vaka
og kanna hvort verðið á restinni af varningnum í versluninni sé í
takt við verðlag annar staðar. Stjórnendur Best Buy segja að líklega
muni þeir missa markaðshlutdeild vegna verðsamanburðarforrita í
snjall símum en það er helst á raftækjamarkaði sem neytendur finna
hvata til að bera saman verð á milli seljenda.Það er óljóst hversu
stór hópur neytenda er tilbúinn til að eyða tíma í snjallsímanum og
sumir nota tæknina aðeins þegar um dýran eða sjald gæfan varning
er að ræða. Verslunarkeðjur hafa þó áhyggjur af því valdi sem þessi
ótryggi hópur viðskiptavina hefur og þeim fjölgar stöðugt sem nota
smáforrit eins og TheFind.
Símar sem lesa strikamerki
Tugir nytsamra smáforrita eru fáanlegir í gegnum Apple iTune
og enn fleiri eru í þróun sem gætu breytt snjallsímum í öflugt
inn kaupa vopn. Myndavélar í snjallsímum geta lesið strikamerki og
til eru forrit sem skilja mælt mál. Jafnvel þótt stjórnendur verslana
fagni opinberlega nýjum tíma verðgegnsæis, gera sérfræðingar ekki
ráð fyrir því að allar versl unar keðjur standist því vopni snúning
sem neytendur hafa nú í hönd unum.
Í Washington Street Journal segir frá tveggja barna móður í
Virginíu sem notaði iPhone til að lesa strikamerki á vörum sem
voru á óskalista barna hennar um jólin. Hún skoðar þó ennþá
tilboðsbæklingana og fer í stóru keðjurnar í nágrenni sínu til að
grandskoða tilboðin. En síminn gefur henni enn meira vald sem
neytanda. Hún viðurkennir að vera aðeins of upptekin af því að
finna alltaf besta verðið en þessa stundina er fátt svalara en
strikamerkjalesarinn.
Gagntilboð berast
Sérfræðingar í netviðskiptum segja að þótt seljendur í Bandaríkj­
unum séu seinir á sér muni einhverjir nýta sér tæknina og snúa
vörn í sókn. Seljendur muni til dæmis geta lagað markaðssetningu
sína að neytendum sem eru staddir í verslunum samkeppnisaðilans.
Í samstarfi við TheFind beinir nú Best Buy sérsniðnum auglýsingum
að neytendum þegar forritið greinir að þeir eru staddir í verslun eins
og Wal­Mart. Best Buy getur þá sent tilboð til neytenda sem eru að
skoða sjónvörp og nota TheFind til að bera saman verð. Tilboðið
gildir kannski ekki um nákvæmlega sömu vörutegund og verðið
er ekki endilega betra en þetta er þó tilraun hjá Best Buy til að
taka þátt í slagnum. Tilboðin birtast aðeins ef forritið hefur aðgang
að staðsetningar búnaði símans sem miðar út hvar neytandinn er
staddur. En sölumennskan hættir ekki þar. Neytandi sem staddur
er í Best Buy hefur fundið betra verð á Blue­ray spilara annars
staðar í gegnum TheFind og ætlar slá til. Þá gæti borist tilboð frá
Best Buy þar sem sambærilegur Blue­ray spilari fæst með ókeypis
DVD­mynd. Sem sagt, í stað þess að láta neytanda ganga út, er
hann látinn vita „sjáðu við vitum að þú ert hérna, við gerum þér
tilboð!“ segir framkvæmdastjóri TheFind. „Þetta er ekki eingöngu
leikur neytanda heldur geta seljendur líka tekið þátt og náð árangri.“
Fara eigin leiðir
Wal­Mart lítur ekki á samanburðarforritin sem ógn við afsláttar­
stefnu sína og neitar að taka þátt í að njósna um ferðir neytenda
í inn kaupaferðum. En til að spyrna á móti snjöllum neytendum
hefur sumum vörutegundum verið breytt lítillega sérstaklega fyrir
Wal­Mart. Móðirin frá Virginíu skannaði Nintendo DSI leikja­
tölvuna í útibúi Wal­Marts og snjallsíminn skilaði þeirri niðurstöðu
að hún fyndist ekki annars staðar. Starfsmaður útskýrði fyrir
henni að þetta væri samsettur pakki með heyrnartólum og snúru
fyrir 2.360 kr.. Hún sneri samt á þá með því skrá lýsinguna inn
í TheFind og fékk þær upplýsingar að vefverslunin Walmart.com
byði betri pakka með bílatengi til viðbótar fyrir 590 kr. lægra verð.
En þegar öllu er á botninn hvolft verður erfiðara fyrir verslanir að
lofa neytendum því að lægsta verðið sé ávallt hjá þeim, nú þegar
snjallsíminn sýnir að slíkar staðhæfingar standast ekki alltaf.
Í síðasta Neytendablaði birtist gæðakönnun á farsímum og var þar meðal annars fjallað
um svokallaða netsíma eða snjallsíma (e. smartphone). Snjallsímar eru vinsæll valkostur
á símamarkaði og mörg smáforrit (e. app) eru fáanleg fyrir þá á netinu. Smáforrit þessi
gegna svo sannarlega veigamiklu hlutverki til að hægt sé að kalla þessa síma snjalla.
Washington Street Journal birti nýlega grein þar sem fjallað er um það hvernig snjallsímar
geta breytt innkaupavenjum fólks til mikilla rauna fyrir seljendur.
19 NEYTENDABLA‹I‹ 1. TBL. 2011