Ægir - 01.01.2008, Blaðsíða 34

34
„Mér fannst þetta afar áhuga-
vert starf og ákvað því að slá
til þegar mér bauðst það. Salt-
kaup er sterkt og gott fyrirtæki
sem hefur að mínu mati mikla
möguleika til vaxtar í framtíð-
inni,“ segir Björn Ingi Knúts-
son, sem tók við framkvæmda-
stjórn Saltkaupa 1. febrúar sl.
Björn Ingi er Suðurnesja-
maður, fæddur árið 1961.
Hann lauk prófi frá Stýri-
mannaskólanum árið 1984,
prófi í skipamiðlun frá Lond-
on School of Foreign Trade
árið 1985 og prófi í skipa- og
hafnarekstrarfræði frá Univer-
sity of Wales í Cardiff árið
1987. Hann starfaði hjá Skipa-
deild Sambandsins og síðar
Samskipum í ýmsum stjórn-
unarstöðum til ársins 1996 og
var eftir það framkvæmda-
stjóri hjá Sofrana Unilines í
Ástralíu og Nýja Sjálandi til
1998.
Björn Ingi var skipaður
flugvallarstjóri á Keflavík-
urflugvelli 1. janúar árið 1999
og hefur gegnt því starfi síðan
þá. Hann var fastafulltrúi Ís-
lands hjá Alþjóðaflugmála-
stofninni (ICAO) í Montreal
árið 2005.
Með sjávarseltuna í æðum
„Nei, sjávarútvegurinn er ekki
alveg nýr fyrir mér. Ég er
fæddur í Keflavík og var á
fiskiskipum sem ungur maður
– á loðnu, netum og trolli.
Meðal annars var ég á Guð-
mundi RE á loðnu og einnig
fórum við prufutúr á spær-
ling,“ sagði Björn Ingi þegar
hann var inntur eftir tengslum
hans við sjávarútveginn.
„Þetta nýja starf er vissu-
lega mjög frábrugðið því sem
ég hef verið að fást við und-
anfarin ár, en ég hlakka mjög
að takast á við það. Saltkaup
er sterkt fyrirtæki með gott
orðspor á markaðnum og
verkefnið er að viðhalda þess-
ari stöðu og að sjálfsögðu að
sækja enn frekar fram – bæði
í sölu á salti og ekki síður í
annarri þjónustu við sjávarút-
veginn. Þetta fyrirtæki á alla
möguleika á því að vaxa og
dafna.“
- Hvaða áhrif hefur nið-
urskurður þorskveiðiheimilda
á síðasta ári á fyrirtæki eins
og Saltkaup?
„Það segir sig sjálft að 30%
niðurskurður í þorskafla er
ekkert bjartsýnisefni fyrir
þjónustufyrirtæki í sjávarút-
veginum. Þetta kemur við
Saltkaup eins og öll önnur
fyrirtæki sem eru að þjónusta
sjávarúveginn, það er óhjá-
kvæmilegt. En í svona árferði
skoða menn ýmsar nýjar leiðir
og það erum við að gera eins
og aðrir. Við ætlum ekki að
draga saman seglin, heldur
þvert á móti ætlum við að út-
víkka okkar starfsemi og fara
inn á nýjar brautir,“ segir
Björn Ingi.
Rótgróið fyrirtæki
Saltkaup voru stofnuð árið
1990 og eru umsvifamesta fyr-
irtæki landsins í viðskiptum
með salt til framleiðslu sjáv-
arafurða og íseyðingar á göt-
um. Stærsti hluti saltsins er
fluttur inn frá Túnis, Bahama-
eyjum og Spáni. Höfuðstöðvar
fyrirtækisins eru í Hafnarfirði
og starfsstöðvar á vegum þess
eru í Grundarfirði, á Flateyri,
Dalvík, Húsavík, Höfn, Djúpa-
vogi, í Vestmannaeyjum og
Grindavík. Þá er fyrirtækið
með dótturfélag í Færeyjum,
Smápartafélagið Saltkeyp.
Bróðurpartur vara Saltkaupa
er seldur til íslenskra fram-
leiðslufyrirtækja, en einnig er
flutt út til Grænlands, Kanada
og fleiri landa. Auk þess þjón-
ustar Saltkaup erlend fersk-
fisk- og frystiskip sem koma
til Íslands.
Saltkaup flytja inn á bilinu
80-120 þúsund tonn af salti
ári, annars vegar til matvæla-
vinnslu og hins vegar svokall-
að götusalt. Einnig er fyrirtæk-
ið með á boðstólum íbætiefni
fyrir rækju, síld o.fl. og þá eru
Saltkaup stór aðili hér á landi
í sölu á umbúðum, bæði
ómerktum og sérmerktum,
fyrir sína viðskiptamenn, bæði
tunnur og pappaöskjur.
Þ J Ó N U S T A
Sterkt fyrirtæki
með gott orðspor
- segir Björn Ingi Knútsson, sem tók nýverið við stöðu framkvæmdastjóra Saltkaupa
„Saltkaup er sterkt og gott fyrirtæki sem hefur að mínu mati mikla möguleika til
vaxtar í framtíðinni,“ segir Björn Ingi Knútsson, sem nýverið tók við framkvæmda-
stjórn Saltkaupa. Mynd. Sigurður Bogi Sævarsson.