Tímarit Máls og menningar - 01.06.1972, Blaðsíða 105

Black Power
Ég tek verkalýðshreyfingu Bandaríkjanna sem dæmi. Það er alltaf vitnað til
hennar í umheiminum sem vina svertingjanna og raunverulegrar hreyfingar
til varnar. Dæmi á einnig við um önnur hvít smáríki þar sem hvítir verka-
menn bindast félagssamtökum. - Og nú skulum við sjá hvernig hún smokrar
sér úr klípunni.
Verkalýðshreyfingin í Bandaríkj unum hefur fyrst og fremst eða eingöngu
háð baráttu fyrir meiri peningum, þótt nokkrir mikilhæfir leiðtogar hennar
væru í upphafi andvígir yfirráðum stóriðjuhölda i þjóðarbúskapnum. Þess-
um fáu sem höfðu skilning á því, að barátta verkalýðsins yrði einnig að
ná til yfirráða á framleiðslunni, tókst aldrei að koma þeim skilningi heilu
og höldnu til óbreyttra félagsmanna. Verkalýðshreyfingin hjakkaði í sama
farinu, bað iðjuhöldana að gefa sér örlítið meira af gróðanum; reyndi aldrei
að hrófla við yfirráðum þeirra. Bandaríkin juku áhrif sín í Þriðja heimin-
um, nytjuðu hráefnalindir og þrælavinnu lituðu þjóðanna. Þannig tókst
þeim að koma í veg fyrir að spádómar Marx um óhj ákvæmilega stéttabar-
áttu innanlands rættust. Bretland og Frakkland gerðu eins. Bandarískir at-
vinnurekendur rýrðu aldrei eigin ágóða til þess að koma til móts við verka-
lýðinn, þeir juku alþjóðleg umsvif og köstuðu nokkrum molum af gróðan-
um til amerísku verkalýðsstéttarinnar - sem tók við þeim með þökkum.
Ameríska verkalýðsstéttin nýtur ávaxtanna af vinnu verkalýðs Þriðja heims-
ins. Þriðji heimurinn er orðinn öreigastéttin, og borgarastéttin er hvítt þjóð-
félag vestrænt.
Þannig lítur þetta út, og ekki aðeins hvað borgarastéttina áhrærir. Ég hef
athugað samskipti hvítra við aðra hvíta sem þeir kalla kommúnista. í hvert
skipti sem Bandaríkin vilja ásælast annarra land rísa þau upp og æpa: komm-
únistar eru að ráðast inní landið og skæruliðar byrjaðir ofbeldisverk, við
verðum að bjarga lýðræðinu - og þeir senda þúsundir hermanna til Víet-
nam til að drepa kommúnista. Italía er hvítt land. Meir en þriðjungur íbú-
anna eru kommúnistar. Hvers vegna gera Bandaríkin ekki innrás í Ilalíu?
Tító er þekktur kommúnisti. Bandaríkin láta honum í té efnahagsaðstoð.
Hvers vegna gera þau ekki innrás í land Títós, ef þeim er í raun og veru imi-
hugað um að hindra útbreiðslu kommúnismans?
Bandaríkjunum tekst ekki að gabba neinn. Ef þau ætla sér að sölsa undir
sig land sem er ekki hvítt þá tala þau um innrás kommúnista. Það gerðu
þau í sambandi við Kúbu, Santo Domingo og nú Víetnam. Bandaríkjamenn
eru sí og æ að segja fólki hvernig þeir ætli að forða því frá kommúnisman-
um og minnast ekki á einræði. Franco er e. t. v. versti einræðisherrann sem
95