Frjáls verslun - 01.10.2007, Qupperneq 32

32 F R J Á L S V E R S L U N • 1 0 . T B L . 2 0 0 7
Hildur Árnadóttir, frkvstj. fjármála hjá Bakkavör:
formaður frænkufélagsins
Hildur Árnadóttir, framkvæmdastjóri fjármála hjá Bakkavör
Group hf., og Ásgeir eru systkinabörn. Hildur er fimm árum
yngri en Ásgeir og segir hún hann ætíð hafa verið trausta
stóra frændann sem hægt er að leita til ef eitthvað bjátar á,
en í gegnum árin hafi samband þeirra þróast yfir í vináttu sem
síðan hafi breiðst yfir til þeirra eigin fjölskyldna.
„Það er alltaf gott að leita ráða hjá honum og ræða um
lífið og tilveruna, hvort sem það tengist einkalífi eða starfi.
Það hefur alla tíð verið mikill samgangur í fjölskyldunni og
Ásgeir hefur þar sérstöku hlutverki að gegna sem formaður
Frænkufélagsins. Það felur fyrst og fremst í sér að sjá til þess
að systkinabörnin hittist reglulega auk þess sem hann er
duglegur að halda ræður í afmælum og veislum fyrir okkar
hönd. Það er mjög gott að hafa ábyrgan aðila til slíkra verka og
sinnir hann formannsstarfinu með stakri prýði. Ásgeir er hress
og skemmtilegur og það fer ekki fram hjá manni ef hann er á
svæðinu. Eins er hann metnaðarfullur sem sést best á því hve
langt hann hefur náði í starfi auk þess sem hann heldur áfram
að sinna sínu aðaláhugamáli hestamennskunni af fullum krafti.
Veigar Margeirsson, tónskáld:
Tvö met í Kaliforníu
„Ég er langyngstur í systkinahópnum, en Ásgeir er
ellefu árum eldri en ég og man ég fyrst eftir honum
sem kraftmiklum unglingi og stóra bróður,“ segir Veigar
Margeirsson tónlistarmaður. „Ásgeir flutti að heiman þegar
ég var sjö ára. Hann og Árni bróðir okkar heitinn voru
saman í jeppamennsku og tóku mig oft með í ferðir víða um
land. Ásgeir var einnig mjög duglegur að bjóða mér með sér á
skíði um helgar og virtist hafa ótrúlega gaman af að stússast
með litla bróður í hinu og þessu. Þótt ég hafi búið erlendis í
14 ár er samband okkar mjög náið. Hann heimsækir mig og
mína fjölskyldu mjög oft og það vill svo heppilega til að hluti af
vinnuferðum hans liggja til Los Angeles þar sem við búum. Við
segjum oft í gamni að hann eigi tvö met heima hjá okkur í
Kaliforníu; hann kemur oftast og stoppar styst! Einu sinni flaug
hann t.d. til okkar í þrjá klukkutíma frá idaho bara til að borða
með okkur kvöldverð. Það er sannarlega ekki ónýtt að eiga
svona góðan stóra bróður! Við bræðurnir og fjölskyldur okkar
gefum okkur líka góðan tíma til samverustunda þegar ég
heimsæki Ísland ásamt fjölskyldu minni.
n æ r m y n d a f á s g e i r i m a r g e i r s s y n i
S
A
G
T
U
M
Á
S
G
Ei
R
:
áralangt samstarf við Kínverja verið merkileg
reynsla, þeir hugsi ólíkt Íslendingum og
meti forsendur fyrir ákvörðunum öðruvísi.
Dálítinn tíma taki að átta sig á slíku, en
með tímanum og auknum þroska verði það
ljósara.
einn í Geysi
Nú í byrjun árs tók Ásgeir við starfi forstjóra
Geysis Green Energy og segir það hafa verið
viðbrigði að starfa skyndilega einn eftir að
hafa verið næstráðandi í 600 manna fyrirtæki.
Hann hafi þó verið í dyggu samstarfi við
eigendur sem hafi stutt vel við bakið á sér og
í dag séu starfsmennirnir orðnir átta. Starf sitt
í fyrirtækinu sé mótunarstarf þar sem byrjað
sé á upphafsreit að skilgreina fyrirtækið
og markaðsstefnuna, setja markmið og
keppast við að ná þeim. Markmiðunum
hafi fyrirtækið náð að fylgja og sjái eigendur
gríðarleg tækifæri í þessari starfsemi.
Fjölskyldan
Ásgeir er kvæntur Sveinbjörgu Einarsdóttur,
hjúkrunarfræðingi á Landspítalanum, og búa
hjónin í Setbergshverfinu í Hafnarfirði ásamt
sonum sínum þremur, þeim Margeiri, sem er
21 árs og stundar nám í rekstrarverkfræði við