Frjáls verslun - 01.10.2007, Blaðsíða 20
20 F R J Á L S V E R S L U N • 1 0 . T B L . 2 0 0 7
Bankarnir hafa ekki riðið feitum
hesti frá íbúðalánamarkaðnum.
10. nóvember
Ekki riðið
feitum hesti
Dagblaðið 24 stundir var með
athyglisvert viðtal við Gylfa
Magnússon, dósent í hagfræði
við Háskóla Íslands, um bank-
ana og íbúðalánamarkaðinn.
Hann sagði óhætt að fullyrða
að bankarnir hefðu ekki riðið
feitum hesti frá viðskiptum með
íbúðalán og afar ólíklegt væri
að þeir hefðu hagnast mikið á
lánunum þegar þeir komu fyrst
inn á þennan markað. Núna
hafa bankarnir hækkað vexti
vegna hækkunar stýrivaxta
Seðlabankans.
„Koma bankanna inn á
íbúðalánamarkaðinn og við-
brögð Íbúðalánasjóðs við henni
hefur án efa haft veruleg áhrif
til hækkunar á húsnæðismark-
aðnum. Þannig að hluti af þeim
verðbólguvanda sem Seðlabank-
inn hefur verið að berjast við
hefur stafað af hækkun húsnæð-
isverðs sem má að einhverju
leyti rekja til aukins aðgengis
að lánsfé viðskiptabankanna,“
sagði Gylfi við 24 stundir.
Og Gylfi bætti við: „Það eru
ýmsir fleiri þættir sem hafa
valdið hækkun á húsnæðis-
verði, svo sem almennur upp-
gangur í hagkerfinu, kaupmátt-
araukning og mikið streymi
fólks til landsins.“
10. nóvember
Gull og grænir...
Morgunblaðið sagði frá því að
Norvik Group ætlaði að stór-
auka timburframleiðslu sína í
Rússlandi á næstu árum.
Það er raunar dótturfélag
Norvikur, Norwood, sem mun
auka framleiðslu sína í Syk-
tyvkar í Komi-lýðveldinu, austur
undir Úralfjöllum í Rússlandi
þannig að ársafköst verksmiðj-
unnar aukast úr 15 þúsund
rúmmetrum af timbri í 400 þús-
und rúmmetra.
Jón Helgi Guðmundsson, for-
stjóri og eigandi Norvikur, sagði
við Morgunblaðið að markmið
hans væri að Norvik yrði
eitt af leiðandi fyrir-
tækjum í Evrópu í
timbri.
Jón Helgi
Guðmundsson:
Norvik verði leið
andi í timbri
í Evrópu.
D A G B Ó K I N
TExTi: Jón G. Hauksson • MyNDiR: Geir ólafsson o.fl.
12. nóvember
Ekki meiri
verðbólga í 17 ár
Verðbólgan í nóvember hefur
ekki mælst meiri í 17 ár.
Kaupþing sagði frá því að tólf
mánaðarverðbólga - vísitala
neysluverðs - hefði mælst 5,2%
samanborið við 4,5% í október.
Enn og aftur er það húsnæð-
isliðurinn - verðhækkanir á hús-
næði - sem kyndir mest undir
verðbólguna. Kaupþing telur
auknar líkur á Seðlabankinn
hækki stýrivexti á næsta vaxta-
ákvörðunarfundi sínum, 20.
desember nk.
Þá telur Kaupþing að kólnun
sé framundan á íbúðamarkaði,
m.a. í ljósi erfiðara aðgengis að
lánsfé og hækkandi vaxtakjara
á íbúðalánum.
Gert er ráð fyrir að verð-
bólgan nái hámarki í mars á
næsta ári.
13. nóvember
Elín forstjóri
í stað Gylfa
Tilkynnt var að Elín Þórðar-
dóttir hefði verið ráðin forstjóri
Opinna kerfa Group hf. í stað
Gylfa Árnasonar sem starfað
hefur hjá félaginu til margra
ára. Elín mun jafnframt taka
við af Gylfa sem stjórnarfor-
maður í dótturfélögum Opinna
kerfa Group; Kerfi AB í Svíþjóð
og Kerfi AS í Danmörku.
Elín hefur undanfarið verið í
umbreytingum hjá Dagsbrún og
Eimskip auk ýmissa ráðgjafa-
verkefna fyrir m.a. CCP. Áður
starfaði hún m.a. hjá Íslenskri
erfðagreiningu. Hún situr í
stjórn ýmissa fyrirtækja, t.d.
Landic Property og Nikita.
Elín er rekstrarhagfræðingur
að mennt frá háskólanum í
Álaborg.
15. nóvember
Eðalfiskur
kaupir Reykás
Þetta er ein af þeim fréttum
sem allir hnjóta um - svo þekkt
er nafnið Reykás á Íslandi.
Enda komu bloggarar strax
fram með aulabrandara um
það hvort Ragnar hefði verið
keyptur. Reykás er hins vegar
matvælafyrirtæki við Granda-
garð í Reykjavík sem hefur
fengist við reykingu og vinnslu
á laxi líkt og Eðalfiskur í Borg-
arnesi. Með kaupunum er Eðal-
fiskur að styrkja sig í sessi á
innlendum markaði þar sem
Reykás hefur verið mikið í að
reykja fisk fyrir hinn almenna
veiðimann.