Húnavaka - 01.05.1998, Side 163

H Ú N AVA K A
161
ugt í kringum sig. Hún fylgdist vel með tískunni og hafði næmt auga fyrir
klæðaburði. Hún var sérlega gjafmild og smekkvísi hennar og næmi fyrir
því fallega kom vel fram í gjöfum hennar. Þeirra nutu ömmubörnin
sérstaklega en hún lét sér afar annt um þau.
Lára gat verið fljóthuga eins og þeir eru gjarnan sem eiga heita lund
og ríka réttlætiskennd og sjaldan var lognmolla yfir henni, - miklu
fremur kraftur enda hreif hún fólk með glaðværð sinni og lífsorku. En
framar öðru var hún hlý og gefandi í samskiptum, örlát og gjafmild.
Utför hennar fór fram frá Fossvogskapellu þann 15. október.
Séra ÆgirFr. Sigurgeirsson.
Torfhildur Sigurveig Kristjánsdótdr
frá Blönduósi
Fœdd 28. ágúst 1924 -Dáin 13. október 1997
Torfhildur var fædd á Blönduósi. Foreldrar hennar voru Guðrún
Margrét Guðmundsdóttir og Kristján Júlíusson. Þau hjón eignuðust 9
börn en 7 komust til fullorðinsára og var Torfhildur þriðja elst. Hún ólst
upp á heimili foreldra sinna þar til hún var 8
ára gömul en þá fór hún að Hæli í Torfa-
lækjarhreppi til hjónanna, Þorbjargar Björns-
dóttur og Kristjáns Benediktssonar, en hjá
þeim var hún í um áratug.
Þann 31. desember 1944 giftist Torfhildur
eftirlifandi eiginmanni sínum, Páli S. Eyþórs-
syni frá Blönduósi. Þau hjón eignuðust 6
börn. Þau eru í aldursröð: Guðrún Anna,
Oskar, Haukur Reynir, Ingvar, Vigdís Heiður
og yngst er Lovísa Hafbjörg.
Torfhildur og Páll byrjuðu að búa í Sauða-
nesi á Asum en þegar þau höfðu verið þar í
tæp tvö ár fluttu þau til Blönduóss. Þau réðust
snemma í að reisa sér hús innan ár, þar sem sést vítt yfir og nefndu húsið
Hvassafell.
Torfhildur vann heima en einnig utan heimilis við hin ýmsu störf.
Mikil breyting varð á högum hennar og Páls er þau fluttu til Reykja\'íkur
um 1970. Eftir að hafa búið í höfuðstaðnum í þrjú ár fluttu þau til
Grindavíkur og bjuggu þar alla tíð síðan.