Dagblaðið Vísir - DV - 12.04.2010, Blaðsíða 10
10 MÁNUDAGUR 12. apríl 2010 FRÉTTIR
Í stað þess að fjölga golfbrautum í Grafar-
vogi væri hægt að nýta 230 milljónir, sem
áætlaðar eru til að bæta við 9 brautum, í
önnur verkefni í Reykjavíkurborg. Hér
koma hugmyndir DV að nokkrum brýnum
verkefnum fyrir börnin í borginni.
Á sama tíma og borgarstjórn Reykja-
víkur hefur samþykkt að veita Golf-
klúbbi Reykjavíkur, GR, 230 milljóna
króna styrk á næstu fjórum árum búa
grunn- og leikskólabörn í borginni
við niðurskurð og skerðingu á þjón-
ustu. Milljónirnar eru eyrnamerkt-
ar stækkun golfvallar félagsins við
Korpúlfsstaði og á að bæta þar níu
holum við völlinn.
Styrkveitingin er reyndar í upp-
námi eftir að í ljós kom að GR hefur
á síðustu þremur árum fengið rúm-
ar 200 milljónir frá borginni til ný-
framkvæmda án þess að féð hafi skil-
að sér þá leið sem til var ætlast. Innri
endurskoðun borgarinnar fer nú yfir
málið.
Minnihluti borgarstjórnar hef-
ur harðlega mótmælt fyrirhugaðri
styrkveitingu og sagt hana undar-
lega forgangsröðun á meðan grunn-
og leikskólabörn búi við niðurskurð.
DV veltir hér upp hugmyndum að
brýnum verkefnum sem hægt væri
að setja milljónirnar í, með áherslu á
börnin í borginni.
GOLFPENINGAR
GETA NÝST VEL
TRAUSTI HAFSTEINSSON
blaðamaður skrifar: trausti@dv.is
Tveir nýir leikskólar Hægt væri að byggja tvo nýja leikskóla í
Reykjavíkurborg, 750 fermetra hvorn miðað við byggingavísitölu,
og fækka um leið á biðlistum borgarinnar. Þó að biðlistarnir hafi
styst í kreppunni, þar sem auðveldara hefur reynst að manna
stöður í leikskólunum, er enn biðlista að finna í sumum hverfum.
Með því að fjölga leikskólunum væri hægt að fækka á biðlistunum.
Áætlaður kostnaður: 230 milljónir.
Frítt í sund Í stað þess að fjölga holunum á golfvelli GR væri hægt
að gefa börnum frítt í sund næstu fjögur ár og líka á bókasöfn
Reykjavíkurborgar. Tæplega 500 þúsund börn fara í laugarnar á
hverju ári. Í stað þess að láta börnin borga fyrir að fara í laugarnar
væri hægt að nota fjármunina til að fella niður barnagjaldið og
hvetja börnin í borginni enn frekar til að hreyfa sig meira.
Áætlaður kostnaður: 180 milljónir.
Klára skóla Fyrir upphæðina sem golfklúbburinn á að fá væri
hægt að klára framkvæmdir við tvo grunnskóla borgarinnar,
annars vegar Norðlingaskóla í Norðlingaholti og hins vegar
Sæmundarskóla í Grafarholti. Hvorugur þeirra er fullkláraður og
DV veltir fyrir sér hvort ekki sé brýnna að klára byggingu skól-
anna áður en golfholum er bætt við völlinn við Korpúlfsstaði.
Áætlaður kostnaður: 230 milljónir.
Fyrr í leikskólaUpphæðin sem renna á til GR er sú sama og
skorin er niður á leikskólasviði vegna sumarstarfa. Flest börn
komast nú inn á leikskóla um átján mánaða aldur. Ef 230
milljónir yrðu settar í sumarstörf hjá leikskólunum þýddi það
að börn kæmust fyrr inn í leikskólana.
Áætlaður kostnaður: 230 milljónir.
Efla skóla Þessum 230 milljónum mætti deila niður á grunn-
skólana í Reykjavík sem hafa þurft að skera talsvert niður í
kennslu, vettvangsferðum og félagsstarfi. Reykjavíkurborg rekur
39 grunnskóla sem þýðir að hver skóli fengi tæpar 6 milljónir
í sinn sjóð, eða nærri 1,5 milljónir á ári hver skóli næstu fjögur
ár. Í grunnskólunum stunda tæplega 15 þúsund börn nám sem
myndu njóta góðs af þessum milljónum.
Áætlaður kostnaður: 230 milljónir.
Stórbæta Grafarholt Á sama tíma og verið er að hugsa um að
fjölga golfholum í Grafarvogi búa börn og ungmenni í Grafar-
holti við slæman kost þegar kemur að íþróttaaðstöðu í hverfinu.
Með þessari fjárhæð væri hægt að stórbæta þá aðstöðu, til að
mynda með því að fullklára íþróttahúsið í hverfinu, koma upp
gervigrasvelli og minni sparksvæðum.
Áætlaður kostnaður: 200 milljónir.
n Opna Tjarnarbíó
Það vantar 20 milljónir til að taka Tjarnarbíó
í notkun. Það hefur verið lokað frá því
snemma árs 2008 og á meðan er ekkert hægt
að nýta það undir gróskumikið starf listafólks
þjóðarinnar.
Áætlaður kostnaður: 20 milljónir.
n Efla samgöngur
Það væri hægt að efla almenningssamgöng-
ur í höfuðborginni og leggja féð til fjárfest-
inga fyrir Strætó bs. Upphæðin myndi duga
fyrirtækinu til að kaupa 10 nýja strætisvagna
sem aftur gagnast fyrirtækinu næstu 10 ár.
Áætlaður kostnaður: 230 milljónir.
n Hjálpa fátækum
Hægt er að leggja milljónirnar inn í velferð-
arkerfið og gera betur við þá sem þurfa á
fjárhagsaðstoð að halda í kreppunni.
Áætlaður kostnaður: Óljós.
Önnur brýn verkefni:
Birtir til hjá golfiðkendum Formaður
GR segir brýnt að koma atvinnulausum
meðlimum klúbbsins til aðstoðar með
nýjum golfbrautum. Slíkt segir hann
myndu veita birtu inn í framtíðina.