Dagblaðið Vísir - DV - 12.08.2014, Blaðsíða 32

32 Menning Vikublað 12.–14. ágúst 2014
Skráðu niður
minningar
Salka hefur sent frá sér bókina
Memories from Iceland – My
Travel Journal en bókin byggir á
hugmynd Lárusar Guðmunds-
sonar, fyrrverandi atvinnumanns
í fótbolta. Um er að ræða minn-
ingabók fyrir erlenda ferðamenn
þar sem hægt er að safna saman
á einn stað myndum, frásögnum,
athugasemdum og persónulegri
upplifun. Lárus lék bæði með
íslenska landsliðinu og liðum í
Belgíu og Þýskalandi á áttunda
áratugnum. Meðan á atvinnu-
mennsku hans stóð ferðaðist
hann víða en þegar lengra leið
frá upplifuninni dofnuðu minn-
ingar hans frá ferðalögunum. Það
kveikti hugmyndina að bókinni.
Jarðfræði í
Viðey
Hreggviður Norðdahl jarð-
fræðingur sér um þriðjudags-
gönguna í Viðey í dag, þriðju-
daginn 12. ágúst. Þar mun
Hreggviður fara yfir hvern-
ig náttúruöflin, eldur, ís og sjór
hafa mótað Viðey. Hreggviður
er doktor í jökla- og ísaldarfræð-
um en hann hefur leitt göngur í
Viðey um árabil. Í Viðey er elsta
berg borg arlands ins að finna og
víða á eynni sjást stór brotnar
bergmynd anir, meðal ann ars
stuðlaberg. Viðey var áður fyrr
virk eldstöð og bera jarðlögin
þess merki. Ferjan til Viðeyjar fer
auka ferð á þriðju dags kvöldum
frá Skarfabakka klukkan 18.15 og
19.15. Siglt er heim á leið klukk-
an 22.00.
Kristín í Flóru
Sýning Kristínar Gunnlaugs-
dóttur í Fóru á Akureyri er að
renna sitt skeið. Sýningunni lýk-
ur sunnudaginn 17. ágúst en hún
var opnuð
þann 14. júní.
Kristín er Ak-
ureyringur og
stundaði nám
við Mynd-
listaskólann á
Akureyri, MHÍ
í Reykjavík
og Accadem-
ia delle Belle Arti í Flórens á Ítal-
íu. Kristín er handhafi Menn-
ingarverðlauna DV en hún vakti
mikla athygli fyrir sýningu sína
í Listasafni Íslands í fyrra. Í bók-
inni Sköpunarverk sem kom út í
tilefni sýningarinnar í Listasafni
Íslands skrifar Halldór Björn
Runólfsson: „Styrkur Kristínar
sem myndlistarmanns er endur-
nýjunarkrafturinn, hversu ræki-
lega hún er tilbúin að taka sjálfa
sig í gegn og koma þannig sér og
öðrum á óvart án þess að slá af
þeirri kröfu að nota sama efni-
viðinn og sömu aðferðirnar og
áður.“
Sækir innblástur til Havana
n Gefur út sína 23. plötu n Leikur Salsa fyrir dansþyrsta á Menningarnótt n Toppurinn að dvelja í Havana
Þ
etta er safn af lögum frá öll-
um ferlinum,“ segir tón-
listarmaðurinn Tómas R.
Einarsson sem var að senda
frá sér plötuna Mannabörn.
Um er að ræða 23. breiðskífuna sem
Tómas sendir frá sér en sú fyrsta,
Þessi ófétis jazz, kom út árið 1985.
Sigríður Thorlacius og Sönghópur-
inn við Tjörnina syngja lögin á plöt-
unni sem mörg hver eru við ljóð og
texta eftir þekktustu skáld þjóðar-
innar.
Fjölbreyttur ferill
„Það eru liðin ein tvö ár síðan
Gunnar Gunnarsson djasspíanisti,
organisti og kórstjóri í Fríkirkjunni
útsetti lögin fyrir 12 manna kór
sem syngur meðal annars þar. Síð-
an fór ég að hyggja að útgáfu síðasta
haust og þá datt mér í hug að það
gæti aukið fjölbreytnina að fá sóló-
söngvara í hópinn,“ og kom þá Sig-
ríður inn í verkefnið en hún er einna
þekktust sem söngkona Hjaltalín.
„Síðan spilar Sigtryggur Baldurs-
son á kongatrommur í sex lögum,“
en Gunnar leikur á píanó á plöt-
unni og Tómas er svo á sínum stað
á kontrabassanum.
Ferill Tómasar hefur ekki
einungis verið afkastamikill heldur
fjölbreyttur. Lögin sem er að finna
á plötunni eru sönglög en Tómas
segir að gróflega megi skipta tón-
list hans niður í þrjá flokka. „Það eru
sönglögin, síðan hef ég gert tölu-
vert af latíntónlist sem hefur aðal-
lega verið ósungin og í þriðja lagi
ósunginn djass, sérstaklega á fyrri
hluta ferilsins.“
Ótal Stolin stef
Tómas segir ómögulegt að gera upp
á milli platna eða laga frá ferlinum.
„Maður gerir ekki upp á milli barn-
anna sinna. Þetta eru svo ólíkar
plötur, ólíkir upptökustaðir og mis-
munandi kompaní.“ Sem fyrr sagði
eru lögin á plötunni misgömul. Það
elsta og sennilega það þekktasta er
Stolin stef sem hefur komið út á ein-
um 15 mismunandi plötum.
„Það hefur komið út í ótal útgáf-
um. Með mörgum kórum, en líka
með færeyska bassaleikaranum Ed-
vard Debess og Mugison tók það á
plötunni Haglél. Þarna er líka lagið
Þú ert sem hefur verið mikið spilað í
útvarpi í sumar. Það var upphaflega
hljóðritað fyrir 20 árum. Ég hafði
samið og tekið upp lagið fyrst en las
svo bókina Tabúlarasa eftir Sigurð
Guðmundsson myndlistarmann og
Súmmara. Sú bók er ímyndað sam-
tal hans við íslenska tungu og þar
var kvæði þar sem hann ávarpar ís-
lenskuna. Þetta er einstaklega frum-
legur skáldskapur og smellpass-
aði við laglínuna. Guðmundur
Andri Thorsson söng svo lagið með
bravúr. Tíu árum síðar söng svo Sig-
tryggur Baldursson lagið með stór-
sveit Samúels Jóns Samúelssonar
á Listahátíð 2004. Í nýju útgáfunni
syngja Sigríður og Sönghópurinn
við Tjörnina lagið en Sigtryggur er
á kongatrommunum og Guðmund-
ur Andri skrifar um músíkina í bæk-
linginn.
Krónísk ritstífla
Textar margra laganna eru eftir ansi
góðan hóp skálda frá 20 öld. „Halldór
Laxness er elstur og svo eru þarna
Steinn Steinarr, Snorri Hjartarson
og yngra fólk, Linda Vilhjálmsdóttir,
Sveinbjörn I. Baldvinsson og Gyrðir
Elíasson. Ingibjörg Haraldsdóttir
og Guðbergur Bergsson eru þarna
mitt á milli. Og svo auðvitað Kristín
Svava, dóttir mín,“ en yngsta lagið á
plötunni heitir Náungar mínir og er
við ljóð eftir dóttur Tómasar. „Svo á
ég nokkra texta sjálfur. Ég yrki bara í
neyðartilvikum, þegar lag er komið
og mig langar að hafa það sungið og
ég finn engin kvæði sem passa við.
Þá sit ég sveittur við í nokkrar vikur
því sem textasmiður er ég í rauninni
með króníska ritstíflu!“
Útgáfa í Hörpu
Tómas og teymið hans verða með
útgáfutónleika á Jazzhátíð Reykja-
víkur þann 17. ágúst en þeir fara
fram í Norðurljósasalnum í Hörpu.
„Það verða allir á sínum stað nema
Sigtryggur sem er erlendis. Kristófer
Rodríguez Svönuson verður á
kongatrommunum í hans stað.“
Tómas segist ætla að láta útgáfu-
tónleikana nægja í tónleikahaldi á
Jazzhátíð Reykjavíkur að þessu sinni
en hann mun spila á Menningarnótt
í Bíó Paradís á Hverfisgötu. „Sal-
samafían mun kenna salsadans og
ég er í latínbandi sem spilar und-
ir. Þarna getur fólk komið og tekið
sporið.“ Tómas segist ætla láta það
ráðast á næstu mánuðum hvað taki
við hjá honum í tónlistinni. „Það
tekur alltaf tíma að sinna útgáfu sem
þessari. En ég ætla, ef Guð lofar, að
vera bæði á Kúbu og Spáni í vetur.
Hlusta á latínmúsík og flamengó.
Hausinn á manni fyllist af hug-
myndum við þær aðstæður!“
Draumurinn í Havana
Aðspurður hvernig dæmigerður
dagur á Kúbu sé hjá Tómasi svar-
ar hann tónlist og aftur tónlist. „Það
er gott að tölta um hádegi eftir Calle
de Obispo í gömlu Havana, Biskups-
götunni. Hlusta þar á bönd á kaffi-
húsum og veitingastöðum fram
eftir degi. Taka síðan músíkpásu
fram yfir kvöldmat og halda síð-
an út á ný um níu leytið. Þræða svo
Ásgeir Jónsson
asgeir@dv.is
Tómas með
bassann Tómas
hefur komið víða við á
löngum ferli.
Glæsilegur hópur
Það verður fjölmennt
á sviðinu í Hörpu þann
17. ágúst.