Lögmannablaðið - 01.10.2006, Blaðsíða 22

22 < LÖGMANNABLAÐIÐ – 3 / 2006
Heimasíða
Lögmannafélags Íslands
Í sumar fór ný heimasíða félagsins í loft-
ið eftir gagngerar endurbætur og hefur
hún fengið einkar jákvæðar viðtökur.
Eins og gefur að skilja tekur tíma að
koma heimasíðunni í endanlegt form
og ef lögmenn hafa einhverjar ábend-
ingar um það sem betur má fara þá eru
þær vel þegnar. Lögmenn hafa saknað
þess að komast ekki beint inn í „leit
að lögmanni“ en hægt er að fara beint
í það með því að smella á „íslenska“
eða með því að smella á myndina fyrir
miðju sem breytist reglulega.
Heimasíðunni er ætlað að vera upp-
lýsingaveita fyrir alla lögfræðilega við-
burði sem og veita almenningi upplýs-
ingar um lögmenn og þjónustu þeirra.
Þeir sem eru að skipuleggja fundi og
aðra viðburði fyrir lögmenn er bent
á að kynna sér viðburðadagatalið á
heimasíðunni til að koma í veg fyrir að
einstakir atburðir lendi á sama tíma.
Eyrún Ingadóttir
Frét­t­ir frá félagsdeild
Námsferð til San Francisco
Námsferð LMFÍ til SF er nýlokið en dagana 2.-9. september fóru 52 manns þang-
að á vegum félagsins. Í ferðinni var Hæstiréttur Kaliforníu og lögmannsstofan
Morgan Lewis & Bockius heimsótt en Erla S. Árnadóttir fjallar um þá heimsókn
á öðrum stað í blaðinu. LMFÍ naut aðstoðar Lögmannafélags San Francisco við
skipulagningu heimsóknanna sem bauð okkur í stutta heimsókn þar sem farið
var yfir starfsemi félagsins. Eins og hjá LMFÍ býður félagið lögmönnum upp á
endurmenntunarnámskeið. Auk þess er mikil starfsemi í kringum „pro bono“
vinnu lögmanna en félagið skipuleggur metnaðarfullt starf til að bjóða þeim
ókeypis þjónustu sem ekki hafa efni á lögmanni. Ferðin heppnaðist ákaflega vel
en frásögn af heimsókninni í Hæstarétt og myndir úr ferðinni bíða næsta blaðs.
Námskeið vorannar
Vinna við skipulagningu námskeiða
haustannar hefur staðið yfir und-
anfarið og hafa auglýsingar vegna
þeirra þegar verið sendar lögmönn-
um og þær settar á heimasíðuna. Nú
þegar er einu námskeiði lokið; um
lög og réttlæti í Njálu en Kristrún
Heimisdóttir lögfræðingur hélt afar
fróðlegt erindi um það.
Námskeiðin eru auglýst á öðrum
stað í blaðinu en skráning hefur
gengið vel. Fáar starfsstéttir eru eins
duglegar að sækja sér endurmennt-
un og lögmenn. Árlega sækir þriðj-
ungur félagsmanna námskeið hjá
félaginu auk þess sem þeir sækja sér
endurmenntun hjá öðrum aðilum.
Kristrún Heimisdóttir flutti fróðlegt
og skemmtilegt erindi um Njálu á
námskeiði LMFÍ í september.
Farið var skoðunarferð í hið alræmda Alcatraz
fangelsi sem er á eyju rétt utan við San
Francisco.
Hæstaréttadómar til sölu
Sjóvá er með til sölu innbundna
hæstaréttadóma. Dómarnir eru frá
árunum 1921-1992. Um er að ræða
79 bækur. Tilboð óskast.
Upplýsingar í síma 844 2325 (Jóney).