Dagblaðið Vísir - DV - 03.12.2012, Blaðsíða 4
4 Fréttir 3. desember 2012 Mánudagur
Enn stækkar World Class
n Málaferlum vegna stöðvarinnar hins vegar ekki lokið
L
íkamsræktarkeðjan World
Class vinnur að því þessa dag-
ana að stækka stöð sína í Ögur-
hvarfi í Kópavogi. Stöðin mun
taka yfir rými í húsnæðinu sem hún
er þegar staðsett í en rýmið var nýtt
fyrir sérverslun fyrir hestamenn.
Við breytinguna mun stöðin taka
yfir rúmlega 300 fermetra svæði til
viðbótar við það sem stöðin hefur
nú þegar í notkun í húsinu. Stefnt
er að því að taka nýja rýmið í notk-
un strax í næstu viku að hluta til en
það verður formlega opnað eftir
áramót.
Á sama tíma standa enn yfir
dómsmál varðandi eignarhald
líkamsræktarstöðvarinnar en Björn
Leifsson, eigandi World Class,
færði félagið út úr eignarhaldsfé-
lagi sínu sem síðar endaði í gjald-
þroti vegna sligandi skulda. Skuld-
irnar voru að mestu tilkomnar
vegna misheppnaðs útrásarverk-
efnis í Danmörku. Það var síðast
á miðvikudag sem mál þrotabús
gamla Þreks, sem rak World Class
og heitir í dag ÞS69, gegn Laugum,
núverandi eiganda líkamsræktar-
keðjunnar, var tekið fyrir í héraðs-
dómi.
Því fer fjarri að þetta séu fyrstu
eða einu framkvæmdirnar sem
eigendur World Class ráðast í með-
an á málaferlum hefur staðið. Í
byrjun ársins var tilkynnt að World
Class-stöð yrði opnuð á sama stað og
Heilsuakademían var áður, í Egils-
höll í Grafarvogi, og árið 2010 voru
opnaðar tvær stöðvar, í Kringlunni í
Reykjavík og áðurnefnd stöð í Ögur-
hvarfi í Kópavogi. n
Árétting
Rétt er að taka fram að um-
mæli sem höfð voru um Skúla
Mogensen og viðskiptahætti
hans í umfjöllun um viðskipta-
veldi hans og endurbirt í um-
fjöllun um ríkustu hjón lands-
ins endurspegla ekki skoðun
blaðsins, heldur eru þau skoðun
einstakra einstakl inga sem rætt
var við vegna nærmyndarinn-
ar. Ummælin áttu ekki erindi í
umfjöllun sem þessa og rötuðu
þangað fyrir mistök. Við biðju-
mst afsökunar á þessari yfirsjón.
Á fullri ferð Björn Leifsson lætur ekki
deigan síga þrátt fyrir málaferli.
Mynd Sigtryggur Ari
Styður áfram
Framsókn
„Kæru vinir ég þakka fyrir áhuga
ykkar á framboði mínu sem ég
hef ákveðið að ljúki núna,“ sagði
athafnakonan Jónína Ben á Face-
book-síðu sinni þegar ljóst var
hverjir myndu leiða lista Fram-
sóknarflokksins í Reykjavík. Hún
komst ekki á listann sem uppstill-
ingarnefnd flokksins samþykkti
fyrir komandi Alþingiskosningar.
Hún segist sætta sig við val upp-
stillingarnefndar og er stolt af þátt-
töku sinni en hún sóttist eftir fyrsta
sætinu. Þau Frosti Sigurjónsson
og Vigdís Hauksdóttir munu hins
vegar leiða lista flokksins í höfuð-
borginni. „Ég styð stefnu Fram-
sóknarflokksins og mun standa
vörð um þá trú mína að hér ættu
allir að njóta ríkulega en ekki bara
fáir innmúraðir og innvígðir. Ég
komst ekki á lista í þetta sinni og
sætti mig við það,“ sagði Jónína.
Doktorar tóku
við gullmerki
Doktorar sem hafa varið ritgerðir
sínar við Háskóla Íslands undan-
farna tólf mánuði tóku við gull-
merki háskólans á fullveldis-
daginn, 1. desember. Gullmerkið
var afhent á hátíð brautskráðra
doktora sem fram fór í hátíðarsal
aðalbyggingar háskólans. Fjörutíu
og þrír doktorar fengu gullmerki
skólans þetta árið. Þetta er í annað
sinn sem efnt var til hátíðarinnar
og voru það Ólafur Ragnar Gríms-
son, forseti Íslands, og Katrín
Jakobsdóttir, mennta- og menn-
ingarmálaráðherra, sem ávörpuðu
nýdoktorana í tilefni dagsins.
S
ameinaði lífeyrissjóðurinn
lánaði fasteignasalanum
Þorláki Ómari Einarssyni
rúmlega 25 milljónir króna
í gegnum fasteignasölu
hans, Stakfell-Stóreign ehf., í
febrúar á þessu ári. Þá hafði bú
Þorláks verið tekið til gjaldþrota-
skipta en hann hefur síðastliðin
ár verið einn aðsópsmesti fast-
eignasali hér á landi. Skiptum lauk
á búi Þorláks síðastliðið sumar
og fékkst ekkert upp í 479 millj-
óna króna kröfur sem lýst var í bú
fasteignasalans. Þrátt fyrir þessa
stöðu Þorláks lánaði Sameinaði
lífeyrissjóðurinn, sem Kristján
Örn Sigurðsson stýrir, félagi hans
áðurnefnda upphæð. DV hefur
heimildir fyrir því að Kristján Örn
og Þorlákur Ómar séu vinir.
Lánið var veitt til félagsins til að
festa kaup á tæplega 180 fermetra
raðhúsi að Móaflöt 25 í Garðabæ.
Þorlákur er skráður til heimilis í
húsinu um þessar mundir. Ætla
má að kröfuhafar Þorláks Ómars
hafi leyst til sín aðrar fasteignir
sem skráðar voru persónulega á
hans nafn vegna erfiðrar skulda-
stöðu hans og má ætla að kaup
fasteignasalans persónulega á
slíkri húseign hefðu ekki litið vel út
þar sem bú hans var til skiptameð-
ferðar hjá lögfræðingi. Kröfu hafar
Þorláks Ómars geta hins vegar ekki
amast yfir því að félag á hans veg-
um festi kaup á fasteign og geta
ekki gert tilkall til hennar. Lánið
frá Sameinaða lífeyrissjóðnum er á
fyrsta veðrétti í raðhúsinu að Móa-
flöt 25. Á öðrum veðrétti er lán frá
MP Banka sem veitt var í septem-
ber.
DV hefur gert ítrekaðar til-
raunir í tvo daga til að ná tali af
Kristjáni Erni Sigurðssyni, fram-
kvæmdastjóra Sameinaða lífeyris-
sjóðsins, vegna málsins. Skilin
hafa verið eftir skilaboð til Krist-
jáns á skrifstofum sjóðsins um að
hringja í blaðið en það hefur hann
ekki gert. DV hefur því ekki getað
spurt hann um ástæður þess að
Sameinaði lífeyrissjóðurinn lánaði
fyrirtæki Þorláks Ómars.
Lánareglum Sameinaða
breytt
Þann 19. nóvember greindi DV frá
því að Sameinaði lífeyrissjóðurinn
hefði lánað hjónunum Sævari
Jónssyni og Helgu Daníelsdóttur,
eigendum skartgripa- og úraversl-
unarinnar Leonard, rúmlega 100
milljónir króna út á 500 fermetra
hús við Mosprýði 10 eftir íslenska
bankahrunið. Á þessum tíma voru
hjónin í verulegum fjárhagsvand-
ræðum. Sævar var persónulega
lýstur gjaldþrota árið 2009 og var
lánveitingin til þeirra hjóna því
lík láninu til Þorláks Ómars að því
leytinu til. Í þeirri frétt kom fram
að Ólafur Haukur Jónsson, skrif-
stofustjóri og staðgengill fram-
kvæmdastjóra Sameinaða lífeyris-
sjóðsins, væri eldri bróðir Sævars.
Lánareglum Sameinaða
lífeyris sjóðsins var breytt eftir
að DV greindi frá því að Sævar
og eigin kona hans hefðu fengið
lánið. Þorbjörn Guðmundsson,
stjórnarformaður sjóðsins, sagði
í viðtali við blaðið að sjóðurinn
myndi framvegis einungis lána 40
milljónir króna að hámarki en ekki
100 líkt og verið hafði.
tók þátt í Baugsviðskiptum
Þorlákur Ómar Einarsson er fyrst
og fremst þekktur sem fasteigna-
sali og kemst reglulega í fréttirnar
vegna eigna sem hann er að selja
eða hefur selt.
Þorlákur Einar hefur einnig
komist í fréttirnar fyrir aðkomu að
umdeildum fjármálagjörningum.
Árið 2005 tók hann þátt í að kaupa
upp stofnfjárbréf í Sparisjóði
Hafnarfjarðar, ásamt Magnúsi Ægi
Magnússyni og Jóni Auðuni Jóns-
syni, þegar mikið kapphlaup stóð
um sjóðinn og Baugur vildi sölsa
hann undir sig. Lögmannsstof-
an Lögmenn Laugardal annaðist
kaupin á bréfunum en þau voru
keypt fyrir hönd eignarhaldsfé-
lagsins A-Holding, sem var í eigu
Baugs. Stefán Hilmar Hilmarsson,
þá fjármálastjóri Baugs, stýrði fé-
laginu. DV hefur birt umfjöllun
um málið þar sem blaðið hafði
undir höndum kvittanir fyrir milli-
færslum að andvirði nokkur hund-
ruð milljóna króna inn á reikn-
inga Þorláks, Magnús Ægis og
Jóns Auðuns í Sviss og London, til
kaupa í bréfunum, en þrátt fyrir
það vildu þeir ekki kannast við
umræddar greiðslur.
Svo fór að A-Holding seldi bréf-
in áfram innan Baugssamstæð-
unnar á næstum helmingi hærra
verði og hagnaðist félagið þannig
um 1,4 milljarða króna. n
gjaldþrota
lánað fyrir
raðhúsi
sameinaði lífeyrissjóðurinn
nAnnað mál sem tengist lánveitingum frá Sameinaða lífeyrissjóðnum
Fékk lán
Lánið sem Þorlákur
fékk var upp á
rúmar 25 milljónir
króna.
„Lánið
var veitt
til félagsins til
að festa kaup
á tæplega 180
fermetra raðhúsi
að Móaflöt 25
í Garðabæ.
Ingi Freyr Vilhjálmsson
fréttastjóri skrifar ingi@dv.is
19. nóvember 2012