Dagblaðið Vísir - DV - 03.12.2012, Blaðsíða 11

RáðningaRfeRli
hjá VR sViðsett
Fréttir 11Mánudagur 3. desember 2012
n Laganemi ráðinn í yfirmannsstöðu hjá VR n Er orðin sambýliskona formannsins „Það er ekkert
leyndarmál hér
á skrifstofunni, eða
nokkurs staðar annars
staðar, að Sara Lind er
sambýliskona mín.
dómstólinn, lagasetningu og laga-
framkvæmd hér á landi. Það voru
einu kynnin sem ég hafði haft af
henni áður.“ Aðspurður hvort hann
hafi ekki boðið Söru Lind að flytja
fyrirlesturinn, segir Stefán Einar
að svo hafi verið. „Já, já, ég las rit-
gerðina og bað hana að koma.“
Stefán segir aðspurður að hann
kannist ekki við að sambandið
á milli hans og Söru Lindar hafi
valdið titringi innan VR. Segir hann
að hann hafi ekki tekið eftir því. „Við
höldum okkar einkalífi fyrir utan
skrifstofuna. Ég tek engar ákvarð-
anir varðandi hennar störf heldur
er það framkvæmdastjóri sem ger-
ir það.“
Skilur spurningarnar
Stefán Einar segir að hann skilji vel
þann áhuga sem fjölmiðlar sýni því
að vel sé staðið að ráðningum starfs-
manna innan VR – sjálfur tjáði hann
sig alloft opinberlega um siðferði
við stjórnun fyrirtækja og stofnana
áður en hann varð formaður VR
og var um tíma sá eini hér á landi
sem titlaði sig viðskiptasiðfræðing.
„Ég skil vel að þið veltið fyrir ykkur
ráðningarferli fólks og öðru slíku. Ég
svara þeim hlutum eins skilmerki-
lega og ég get.“
Umhugað um siðferði
Í framboðsræðu sinni hjá VR í fyrra
ræddi Stefán Einar um að VR væri
þannig stofnun í íslensku samfé-
lagi að hún þyrfti að vera í lagi. „VR
er einn af þessum hlutum í íslensku
samfélagi sem þarf að vera í lagi til
að samfélagið funkeri vel,“ sagði
Stefán en eitt af þeim atriðum sem
hann staldraði við í ræðu sinni var
launamunur kynjanna. Sagði hann
að ekki væri líðandi að konur væru
með lægri laun en karlmenn í sam-
bærilegum störfum og að hann
hygðist beita sér gegn kynjabundn-
um launamun. Í máli Stefáns
Einars kom fram að hann, sem við-
skiptasiðfræðingur, væri nokkuð
vel til þess fallinn að lagfæra slíkt
siðleysi í stjórnun fyrirtækja á
markaði. „Ég tel að stjórnendur
fyrirtækja vilji ekki fá formann VR,
og síst af öllu ef hann kennir við-
skiptasiðfræði í háskólanum, til
þess að segja að þeir séu að standa í
veginum fyrir því að konur séu að fá
sanngjörn laun á markaði.“
Ljóst var á máli Stefáns að hann
ætlaði sér að beita sér fyrir siðvæð-
ingu, og nota meðal annars til þess
þá fræðilegu þekkingu á siðfræði
sem hann gaf sig út fyrir að hafa, í
rekstri þeirra fyrirtækja sem félags-
menn VR starfa hjá. n
„Smækkuð útgáfa
af Eirarmálinu“
Í
búar í leiguhúsnæði Elliða, hús-
næðissamvinnufélags eldri borg-
ara í Þorlákshöfn, eru slegnir eftir
að upplýst var um það á fundi á
dögunum að félagið væri tækni-
lega gjaldþrota. „Þetta er bara eins
og smækkuð útgáfa af Eirarmálinu,“
sagði Þorlákshafnarbúi, sem tengist
manni sem bjó á heimilinu fjöl-
skylduböndum, í samtali við DV.
Óvæntar fréttir
Félagið var stofnað árið 2004 af íbú-
um í kringum byggingu og rekstur
íbúðarhúsa fyrir 60 ára og eldri í
bænum. Félagið lét byggja hús við
Sunnubraut og Mánabraut í bænum
og voru byggingarnar fjármagnaðar
með lánum frá Íbúðalánasjóði. Hús-
næðissamvinnufélag virkar á þann
hátt að íbúi greiðir fyrir búseturétt
í húsunum en borgar einnig leigu.
Þegar fólk flytur svo úr húsunum
þá fær það eða eftirlifandi ættingjar
greiddan til baka höfuðstólinn af því
sem borgað var inn.
Hjá Elliða hafa íbúar greitt 6–8
milljónir fyrir búseturéttinn en ný-
lega var fólki, sem átti heimtingu á að
fá höfuðstólinn greiddan, neitað um
hann. Í kjölfarið var haldinn fundur
þar sem lögmaður félagsins málaði
upp afar dökka mynd af stöðu fé-
lagsins. Samkvæmt heimildum DV
komu fregnirnar íbúum Elliða í opna
skjöldu, enda höfðu þeir fengið afar
takmarkaðar upplýsingar um fjár-
hagsstöðu Elliða fram að þessu.
Skilaði ekki ársreikningum
Ný stjórn tók við félaginu árið 2010
og er núverandi formaður Elliða Ás-
berg Lárenzínusson. Þegar DV bank-
aði upp á hjá honum á föstudag
þá vísaði hann því á bug að félagið
stæði frammi fyrir gjaldþroti og sagði
stöðu félagsins ekki vera fréttamál.
Það væri verið að leysa málin. Kona
hans, Guðbjörg Sigfríð Einarsdóttir,
tók í sama streng og sagði að til allr-
ar hamingju væri ekki um gjaldþrot
að ræða. Sagði hún að ef til vill hefðu
íbúar fengið dálítið óskýrar upplýs-
ingar um stöðu mála á fundinum.
Ljóst er að félagið vanrækti skil á
ársreikningum árum saman og var
ársreikningum áranna 2006–2010
ekki skilað fyrr en árið 2011, ári eftir
að ný stjórn tók við. Samkvæmt
heimildum DV voru heldur ekki
haldnir ársfundir á árunum 2004–
2010. Fyrir vikið höfðu íbúar ekki vit-
neskju um stöðu mála. Einn af við-
mælendum blaðsins sagði að þeir
sem spurt hefðu spurninga um fjár-
mál félagsins hefðu einfaldlega verið
sakaðir um „röfl og frekju“.
„Upplýsingarnar sem fólk fékk í
upphafi voru bara bull og kjaftæði,“
sagði hann. „Og eftir að fólkið hafði
borgað búsetugjaldið þá fékk það
bara aldrei neinar upplýsingar. Fólk
er auðvitað sárt og ósátt við að ekk-
ert hafi verið gert í þessu allan þenn-
an tíma.“
„Sama þó ég fái ekki
peninginn“
Þegar blaðakona DV mætti á svæðið
til þess að ræða við íbúa í húsunum
fékk hún dræmar undirtektir og vildu
fáir tjá sig um málið. „Hér er allir vin-
ir og við stöndum saman. Þetta er allt
í góðu hér á milli allra og við ætlum
að leysa þetta. Mér líður vel hérna
og persónulega er mér sama þótt ég
fái ekki peninginn til baka. Við erum
örugg hérna og líður vel og fáum að
vera hérna áfram,“ sagði einn íbú-
inn en tók það fram að það væri sín
persónulega skoðun.
„Við vitum bara svo lítið, við erum
nýbúin að heyra af þessu. Það er bara
eins hérna og er alls staðar annars
staðar, það er kreppa og öll lán hafa
hækkað upp úr öllu valdi,“ sagði ann-
ar íbúi. Enginn vildi koma fram undir
nafni.
„Ekki fallegt umræðuefni“
Eins og áður segir eru áhöld um hvort
félagið er gjaldþrota eða ekki. Ef sú er
raunin er ólíklegt að íbúar í leiguhús-
næði Elliða fái búsetugjaldið greitt
til baka, en þar er í flestum tilvikum
um 6–8 milljónir að ræða. Ætla má
að íbúarnir fái áfram að búa í hús-
unum taki Íbúðalánasjóður þau yfir
en þá er ekki útilokað að leiguverðið
hækki. Fjögur hús eru laus og fá fyrr-
verandi íbúar eða ættingjar þeirra
ekki búsetugjaldið greitt nema ein-
hver flytji inn í þau.
Svo virðist sem bæjarstjórn Þor-
lákshafnar hafi ekki verið gert við-
vart um ástandið hjá Elliða og að
sögn bæjarstjórnarfulltrúa sem DV
ræddi við hefur málið ekki verið rætt
á fundum stjórnarinnar. „Þetta er nú
ekki fallegt umræðuefni,“ sagði hann
þegar blaðamaður DV minntist á
Elliða við hann. n
n Búsetufélag í Þorlákshöfn tæknilega gjaldþrota n Íbúar slegnir„Eftir að fólkið hafði
borgað búsetu-
gjaldið þá fékk það bara
aldrei neinar upplýsingar.
Jóhann Páll Jóhannsson
blaðamaður skrifar johannp@dv.is
Viktoría Hermannsdóttir
blaðamaður skrifar viktoria@dv.is
Ónafngreindir
viðmælendur
Fæstir þeirra sem DV
ræddi við um málefni
Elliða vildu koma
fram undir nafni.
Tæknilega gjaldþrota
Óvíst er hvort íbúar í leiguhús-
næði Elliða fái búsetugjaldið
greitt til baka. Mynd SigTryggUr Ari