Bændablaðið - 14.08.2014, Blaðsíða 18
18 Bændablaðið | Fimmtudagur 14. ágúst 2014
Gera þarf 60 til 80 landbótaáætlanir fyrir áramót
– Mikilvægt að bændur geri athugasemdir sem fyrst
Samkvæmt nýrri reglugerð um
gæðastýringu í sauðfjárframleiðslu
verða þeir sem vilja halda áfram
þátttöku í gæðastýringunni að
endurnýja allar landbótaáætlanir
fyrir lok þessa árs.
Landgræðsla ríkisins sendi fyrir
skömmu öllum bændum, tæplega þrjú
hundruð talsins, sem talið er að þurfi
að gera nýjar landbótaáætlanir, bréf og
gögn vegna þessa máls. Landgræðslan
hefur í mörg ár aðstoðað bændur
við gerð landbótaáætlana, en nú
verður sú breyting á að henni er
ekki heimilt að koma beint að
gerð landbótaáætlunar samkvæmt
ákvæðum reglugerðar. Engu að síður
getur Landgræðslan látið bændum í té
ýmsar upplýsingar til þess að unnt sé
að gera landbótaáætlun og mun gera
það. Þurfi bændur hér eftir aðstoð við
gerð landbótaáætlunarinnar verða þeir
að leita annað en til Landgræðslunnar.
Margir telja frestinn of skamman
Með fyrrnefndu bréfi fylgdi kort
af því svæði sem viðkomandi
landbótaáætlun mun væntanlega ná til
og á kortinu er landið ástandsflokkað
samkvæmt nýju kerfi sem kveðið er á
um í reglugerðinni. Við gerð kortsins
er stuðst við fyrri ástandsflokkun og
önnur fyrirliggjandi gögn og hún
aðlöguð nýju kerfi.
Endurnýjun landbótaáætlana
Bændablaðið spurði Guðmund
Stefánsson, sviðstjóra hjá
Landgræðslunni, um umrætt bréf.
„Í flestum tilvikum er um að ræða
endurnýjun landbótaáætlana sem
í gildi hafa verið en þær þarf þó
að aðlaga nýrri ástandsflokkun
beitarlandsins. Við erum búin að
endurflokka alla afrétti og önnur
beitarlönd sem talið er að gera þurfi
landbótaáætlanir fyrir og höfum sent
niðurstöðurnar til allra bænda sem
talið er að komi að þessu máli.
Ekki er ætlunin að bændurnir
geri ný kort eða láti fara fram
sérstaka vinnu við þetta verkefni.
Við erum aðeins að óska eftir að
þeir geri athugasemdir við kortið
og flokkunina, telji þeir eitthvað
ekki rétt eða þarfnist skýringa.
Við munum síðan fara yfir
athugasemdirnar, hugsanlega fara
og skoða viðkomandi beitarland og
komi í ljós að einhverjar skekkjur
séu í kortunum munum við í samráði
við viðkomandi aðila leiðrétta þær.
Það er því nægjanlegt fyrir
bændur að senda okkur skriflegar
athugasemdir, í tölvupósti eða bréfi,
og tiltaka hvaða annmarka þeir telji
á kortinu. Það þarf ekkert að útfæra
það mjög nákvæmlega. Við munum
hafa samband við viðkomandi síðar.“
Fjallskilastjórn getur gert
athugasemdir
Aðspurður um hvort allir þeir
sem fengu umrætt bréf þyrftu að
gera athugasemdir, hver fyrir sig
og jafnvel gera hver fyrir sig nýja
landbótaáætlun, sagði Guðmundur
að svo væri ekki. „Rétt eins og verið
hefur geta upprekstrar- eða önnur
félög bænda, staðið sameiginlega að
landbótaáætlun fyrir afrétti og önnur
sameiginleg beitarlönd. Nægilegt er
að fjallskilastjórn geri athugasemdir
fyrir viðkomandi afrétt og eðlilegt
að sameiginleg landbótaáætlun sé
gerð við slíkar aðstæður eins og
verið hefur. Hins vegar hefur einnig
þurft að gera landbótaáætlanir
fyrir einstakar jarðir og þá er það í
höndum viðkomandi bónda.“
Varðandi frestinn sem rann út 20.
júlí síðastliðinn sagði Guðmundur
að ef menn hefðu ekki getað gert
athugasemdir fyrir þann tíma gætu
þeir óskað eftir lengri fresti skriflega.
/VH
SEPT O AID eru þurrfrystar örverur tilbúnar til
að brjóta niður allan lífrænan úrgang í rotþróm.
Kemi • Tunguhálsi 10, 110 Reykjavík • www.kemi.is • Sími: 415 4000
Opið: Mánudag - fimmtudags: Frá kl. 8.00-17.30. Föstudaga: Frá kl. 8.00-17.00.
KOMDU ROTÞRÓNNI
Í LAG MEÐ
SEPT-O-AID
UMHVER
FISVÆN
VARA F
RÁ KEM
I
Samsetning 13 mismunandi örvera hjálpar til að vinna á og minnka fastan úrgang
og breyta í fljótandi form ásamt því að eyða allri ólykt frá rotþrónni. Einfalt í notkun;
sett í klósett skálina og beðið í 20 mínútur, því næst er efninu skolað niður.
Á Menningarnótt hinn 23.
ágúst næstkomandi mun
Matís standa fyrir kynningu á
matvælum, sem er afrakstur
nýsköpunar- og vöruþróunar
verkefnisins „Nýsköpun í norræna
lífhagkerfinu“. Verkefnið er eitt
af meginverkefnum „Nordbio“,
sem er hluti af formennskuáætlun
Íslands, en Ísland gegnir
nú formennsku í Norrænu
ráðherranefndinni.
Verkefnið fjallar um
nýsköpun í líf hagkerfinu þ.m.t.
matvælaframleiðslu og fram leiðslu á
lífmassa með sjálfbærni að leiðarljósi.
Fyrsti hluti verk efnisins fólst í að
aðstoða matvælaframleiðendur við
þróun á nýjum matvörum. Matís
auglýsti í vor eftir hugmyndum
að nýsköpun í matvælavinnslu á
Íslandi, Grænlandi og í Færeyjum.
Mikill áhugi skilaði sér í að tæplega
80 frumkvöðlar sóttu um aðstoð og
fengu um 40 þeirra sérfræðiaðstoð
m.a. frá Matís við vöruþróun.
Á Menningarnótt gefst gestum
og gangandi tækifæri til að smakka
á framleiðslu tveggja íslenskra
frumkvöðla og kynna sér norrænt
samstarf, sem utanríkisráðuneytið
kynnir. Annars vegar Perlubygg
(úrvalsbygg í fína matseld) frá
Móður Jörð á Vallanesi. Sveinn
Kjartansson matreiðslumeistari
ætlar að matbúa girnilegan rétt úr
perlubygginu. Hins vegar er það BE
juicy (lífrænt vottað duft úr káli til
safagerðar), hægt verður að smakka
BE juicy boozt.
Kynningin verður haldin í
utanríkisráðuneytinu, Rauðarárstíg
25, 4. hæð, milli klukkan 14.00 og
17.00. /smh
Matís kynnir matvæli
á Menningarnótt
Sveinn Kjartansson mun elda Perlu-
bygg frá Vallanesi.