Skírnir - 01.01.1974, Blaðsíða 210
204
HELGA KRESS
SKÍRNIR
gegna, eins og sjá má af þessari nánast skopmynd af riddaralegum
eiginmanni:
hann kom á töfflum í stórri baðkápu sem náði niður á gólf með vefjarhött
úr handklæðinu. Hann var einsog Arabahöfðingi sem hefur verið grafinn niður
að hnjám í sand eyðimerkurinnar svo skikkjan nemur við jörð.
Ef þú verður fljót skal ég bjóða þér upp á einn lítinn á barnum ...
O hvað þú ert mikið krúttakrútt, sagði hún og beygði sig niður til að kyssa
hann ofan á túrbaninn (173-174).
Hámark riddaramennskunnar sér hún í manni, sem hafði skrifað
Maríu Callas opið ástarbréf undir fullu nafni í dagblað, látið þar í
ljós afbrýðisemi sína við aðra leikhúsgesti og löngun til að vernda
hana á sviðinu. „Það var alveg einsog aðalsmaður hefði skrifað
það; það var svo göfugt. Göfugar og hreinar tilfinningar, hvíslaði
hún“ (190).
Helmingur skýrslunnar er óperusýning, séð út frá sjónarhóli kon-
unnar:
Hún hlustaði á tónlistina yljuð af sögunni úr blaðinu, hinni göfugu ást; og
eftirvæntingin fór í hvirfilbylgjum upp eftir sálarkúpli hennar. Mikið var
þetta hátíðlegt. Hún fann það alveg niður í maga (191).
Frásögnin af óperusýningunni er skopstæling bæði að efni og
formi, og sver sig að því leyti í ætt við fyrri skýrslurnar. En megin-
hlutverk hennar er að sýna viðbrögð konunnar, sem af lífi og sál
lifir sig inn í fjarstæðuna, á sama hátt og hún greinir ekki á milli
ímyndunar og veruleika í hinu raunverulega lífi. Óperusýningin er
skrípamynd af óperu eins og lífshættir hjónanna eru skrípamynd af
lífi.
Öfugt við Sendiför lætur Skemmtiferð þess hvergi getið, hvaðan
ferðalangar hennar séu, og ísland er ekki nefnt á nafn. Ýmislegt
bendir þó í átt til þess, t.a.m. bréfið frá „Skattstofunni" (181-182),
og að flogið var „að heiman í hreinviðrinu svala og tæra“ (174).
Það upphaf ferðarinnar, sem einnig er að morgni dags, tengir
skýrsluna hinum ferðaþáttum bókarinnar. Hugleiðingar konunnar
um að taka lest heim, sem naumast gæti átt við ísland, má þá sjá
sem merki um algjört óraunsæi hennar, samsvarandi vinafimdi
sendinefndarmanna Sendifarar með friðarsinnuðum járnbrautar-
þjónum (139).