Jökull - 01.12.1987, Qupperneq 92

Leysingin í sumar vann það að mestu upp, og vel það á
Skaftafellsjökli, hann hopaði um 15 metra.
Kvíárjökull. Flosi Björnsson tekur fram í bréfi með
mælingaskýrslunni: Kvíárjökull hefur farið lækkandi dá-
lítið uppeftir en það er óverulegt, það eð grjótjökulhlut-
inn sýnir fremur vísi að hækkun, enda nær bráðnunin lítt
tökum á honum.
Um Hrútárjökul segir Flosi: Hann er farinn að síga
talsvert fram, en ekki er þó jaðarinn eða grjótjökullinn
neitt verulega sprunginn, þótt svo sé ofar. I stórum
dráttum sagt, býst ég við að dalsjöklarnir hér í austan-
hlíðum Öræfajökuls megi teljast nokkurnveginn kyrr-
stæðir að undanskildum Hrútárjökli.
Flosi tekur fram að Fjallsjökull hafi í sumar farið
lækkandi langt inneftir.
Breiðamerkurjökull W. Flosi tekur fram í bréfinu:
Greinilegt er að mikill hluti Breiðamerkurjökuls, a.m.k.
vestan Jökulsárlóns hefur hopað verulega.
Um veðráttuna 1986 segir Flosi: Á láglendi var snjór
ekki mikill hér um slóðir veturinn 1986. Er leið á vetur-
inn snjóaði, að því er virðist, með meira móti í fjöll,
einkum er leið að vori og tók seint upp. Mikið leysti á
jökli í annarri viku ágústmánaðar. Um veðráttuna sum-
arið 1986 segir Flosi: Hér var sumarið lengst af þurr-
viðrasamt og mátti teljast gott. Hitafarið var sæmilega
jafnt, sjaldan þó veruleg hlýindi nema í síðari hluta
júnímánaðar.
Breiðamerkurjökull E. Steinn Pórhallsson tekur fram
á mælingaskýrslunni: Æði spöl frá jökuljaðri hefur jök-
ullinn sigið niður og lækkað á allstóru svæði. Vestur-
mörk Stemmulóns halda áfram að færast nær Jökulsár-
lóni. Við mælistaðinn milli Jökulsár og Stemmu hefur
jökullinn gengið fram um 8 metra, en austur við Fellsfjall
hefur hann bæði lækkað og hopað. Veðurá kemur undan
jökli upp við Fellsfjall eins og á síðastliðnu hausti, en nú
nálægt 1 km neðar.
Sigurjón Rist.
90