Iðjuþjálfinn - 01.11.1993, Blaðsíða 39

____________________________________37.
Sigurbjörg Björgvinsdóttir forstöðumaður
SVO LENGI LÆRIR SEM LIFIR
Við fæðingu erum við mannanna börn
harla ósjálfbjarga og án aðstoðar
gætum við ekki lifað og þroskast til
þess sem kalla má fullvita einstakling.
Fyrstu æviárin er þroskinn mjög ör.
Það er t.d. mikill sjáanlegur þroska-
munur á tveggja mánaða barni og á
barni sem er 5 mánaða. Hins vegar er
ekki mikill sjáanlegur munur á þroska
einstaklings sem er 45 ára og annars
sem er 50 ára svo dæmi sé tekið.
Hreyfiþroskinn færist niður eftir lík-
amanum og þegar barnið er á öðru
árinu gengur það gjarnan á tánum en
þeirri athöfn er ætlað að styrkja síð-
ustu vöðva og liðamót á leiðinni niður
eftir líkamanum.
Dapurleg lífssýn
A mínum uppvaxtarárum var sú sýn
sem við mér blasti um lífshlaupið að
fram til 25 ára aldurs var einstakling-
urinn að auka við þekkingu sina og
þrótt. Þeim fróðleik sem honum hafði
tekist að troða inn fram að þeim tíma
hélt hann gjarnan fram til fertugs en
þá fór að halla undan fæti. Eftir að
fólk hafði náð þeim aldri var ekki
talið ráðlegt að reyna að læra neitt
nýtt og sá mátti þakka fyrir sem "hélt
sínu" eins og gjarnan var sagt.
En síðan ég fimmtug manneskjan var
á uppvaxtarárum hefur mikið vatn
runnið til sjávar og þeim breytingum
sem orðið hafa á íslensku þjóðfélagi,
má líkja við stökkbreytingar. Það eru
fáir í dag sem aðhyllast þá skoðun að
einstaklingur sem kominn er yfir
miðjan aldur geti ekki lært, hafi hann
getað það þegar hann var yngri. Hins
vegar eru margir sammála því að þessi
sami einstaklingur þurfi ef til vill
aðeins lengri tíma og hafi hann ekki
verið í námi í langan tíma þarf hann
að tileinka sér breyttar aðstæður t.d.
kennsluaðferðir. Hann þarf að laga sig
að aðstæðum hverju sinni.
Félags- og tómstundastarf
eldri borgara í Kópavogi
Kópavogur hefur löngum verið það
sveitarfélag landsins sem menn hafa
talið fysilegan stað til að eyða efri
árunum og þar hefur orðið gífurleg
fjölgun í þeim hópi sem við köllum í
daglegu tali ellilífeyrisþega.
I Gjábakka sem er félagsheimili eldri
borgara í Kópavogi hefur þessi lífssýn
verið afsönnuð. Þetta nýja félags-