Iðjuþjálfinn - 01.11.1994, Blaðsíða 12

10
mars 1993. Þeir iðjuþjálfar sem mest
vinna með þennan hóp vistmanna
beina nú meðferðinni meira markvisst
að því sem skjólstæðingnum finnst
mikilvægast. Nýjar aðferðir hafa verið
þróaðar sem gera fólki kleift að skoða
líf sitt í nýju samhengi og setja sér
markmið. Vinna þessara sömu iðju-
þjálfa í tengslum við íðorðaþróun IÍ
hefur einnig skilað sér í markvissari
flokkun og skilgreiningum á þeim
þáttum sem unnið er með. Rík
áhersla er nú lögð á greiningu frá
sjónarhóli iðjuþjálfunar í upphafi
meðferðar. Skjólstæðingurinn hefur
rétt til að setja fram óskir um með
hvað er unnið í iðjuþjálfun og góð
greining gerð í samvinnu við hann,
hjálpar honum til að sjá vandamál sín
í nýju ljósi og til að átta sig á hvað er
mikilvægast fyrir hann að breyta. Að
greiningu og markmiðssetningu lok-
inni gera vistmaður og iðjuþjálfi með
sér samning um framhaldið og setja
upp dagskrá fyrir iðjuþjálfun. Þar er
nauðsynlegt að taka tillit til annarra
atriða á dagskrá vistmannsins (heilsu-
þjálfun, sjúkraþjálfun o.fl.) og hvaða
meðferðarþörfum er mætt annars
staðar. Meðferðin í iðjuþjálfun er
bæði í formi einstaklingsmeðferðar og
hópa. Slökunarnámskeið standa yfir í
tvær vikur og bak-/verkjaskóli hefst á
þriggja vikna fresti. Þetta eru lokaðir
hópar sem oft nýtast vel þeim sem eru
að glíma við sálræna erfiðleika. Þeim
vistmönnum sem hafa þörf fyrir sjálf-
styrkingu og félagslega þjálfun hafa
iðjuþjálfar reynt að safna saman í
opinn hóp þar sem hver og einn vinn-
ur með sitt eigið verkefni. Þar gefst
um leið tækifæri til að kanna áhuga-
svið sitt með tómstundir í huga og að
upplifa þá slökun og næringu sem
tómstundaiðja veitir. Þungamiðjan í
iðjuþjálfun þessara vistmanna er þó
alltaf í einstaklingameðferðinni. í
einstaklingatímunum, sem oft eru í
formi viðtala, er unnið úr því sem
gerist í hópunum og lagðar línur um
hvernig eigi að halda áfram. Kennsla
í slökun og aðferðir til streitustjórnun-
ar fer líka oft fram í einstaklings-
meðferð því ekki ráða allir við að vera
í stórum hóp.
Fundir og skvrslugerð:
A Reykjalundi er nú starfandi öflugt
geðteymi. Dvöl vistmanna með geð-
ræn vandamál er mestmegnis bundin
við tvær deildir og auðveldar það alla
teymisvinnu. Geðvinna hefur löngum
verið þekkt fyrir mikið og strangt
fundahald og er Reykjalundur þar
engin undantekning. Auk funda um
skjólstæðinga er reynt að halda uppi
einhverri fræðslu og gæðaþróun í
teyminu. Algengt er einnig að nokkrir
aðilar úr teyminu fundi með skjól-
stæðingnum þegar marka á framtíðar-
stefnu eða ef sérstaks aðhalds er þörf.
Fundir eru einnig haldnir með aðilum
utan stofnunar, s.s. aðstandendum,
starfsfólki svæðisstjórnar eða öðrum
er tengjast framtíð viðkomandi vist-
manns. Auk þessara tjáskipta í kring-
um meðferð skjólstæðingsins leggja
iðjuþjálfar mikla áherslu á skýrslugerð