Iðjuþjálfinn - 01.11.1994, Blaðsíða 41

39
GÆÐAÞRÓUN
Nú í haust kom út hjá danska iðjuþjálfafélaginu, endurbætt útgáfa
af starfslýsingum (funktionsbeskrivelser) fyrir iðjuþjálfa. Þetta eru
alls 22 starfslýsingar og ná þær yfir öll hefðbundin starfssvið
iðjuþjálfa í Danmörku. í inngangi er tekið fram að starfslýsingar
þessar séu einungis leiðbeinandi. Iðjuþjálfar á hverjum vinnustað
verða því að aðlaga þær að sínu starfssviði og útbúa eigin vinnu-
lýsingu (jobbeskrivelse). Þetta efni er vel hægt að nýta í gæðaþróun
innan iðjuþjálfunar hér á landi. Ég hvet fólk eindregið til að kynna
sér starfslýsingarnar, því þarna eru komnar góðar útlínur til að hafa
til hliðsjónar, og það er einmitt það sem oft reynist erfitt - að finna
útlínurnar!
Starfslýsingarnar er hægt að nálgast hjá undirritaðri til fjölföldunar
eða panta þær beint hjá Ergoterapeutforeningen, ergoterapifaglig
afdeling.
Þóra Leósdóttir
NÝTT KYNNINGAREFNI
Trygginganefnd IÍ hefur, í tengslum við átak í að kynna fagið innan
samninganefndar Tryggingastofnunar ríkisins, útbúið lesefni um
iðjuþjálfun. Hér birtum við sýnishorn af kynningarefninu, dæmi-
sögur úr starfi iðjuþjálfa, en þær eru sóttar í efni sem danska
iðjuþjálfafélagið gaf út fýrir nokkrum árum.
Það skal tekið fram að kynningarefnið er hér í breyttri mynd,
myndir eru eftirprentun og letur smærra.