Skólavarðan - 01.04.2005, Side 16

16
MINNINGARGREIN
SKÓLAVARÐAN 3.TBL. 5. ÁRG. 2005
Jónas B. Jónsson, fyrrverandi fræðslustjóri
í Reykjavík, andaðist á Landakotsspítala í
Reykjavík aðfararnótt 1. apríl, tæplega 97
ára að aldri. Með honum er horfinn á braut
litríkur og mikilvirkur skólamaður. Hann
átti ríkan þátt í mótun og framkvæmd
kennslu- og skólastarfs í Reykjavík á seinni
hluta tuttugustu aldar. Einnig var hann
einn helsti forystumaður á sviði æskulýðs-
og íþróttamála um langt árabil. Hann
samdi kennslubækur og skrifaði fjölda
greina um uppeldis- og fræðslumál í blöð
og tímarit.
Jónas fæddist að Torfalæk í Austur-
Húnavatnssýslu 8. apríl 1908. Hann
lauk kennaraprófi 1934 og námi við
kennaraskóla í Gautaborg 1938.
Jónas hóf feril sinn sem kennari í
heimabyggð sinni en kenndi síðan við
Laugarnesskólann í Reykjavík. Hann var
Merkur skólamaður kvaddur
fræðslufulltrúi og síðan fræðslustjóri í
Reykjavík til 1973. Auk þess var hann m.a.
formaður Barnaverndarráðs Íslands 1953
- 1957 og framkvæmdastjóri Íþróttaráðs
Reykjavíkur frá stofnun þess 1962 til 1973.
Þá átti hann sæti í stjórn Reykjavíkurdeildar
Rauða kross Íslands í 30 ár og í stjórn Rauða
kross Íslands 1975 - 1979. Jónas átti lengi
sæti í stjórn Bandalags íslenskra skáta og
var skátahöfðingi Íslands 1958 - 1971.
Jónas var formaður kennarafélags
Laugarnesskóla 1935 - 1943, sat í stjórn
Stéttarfélags barnakennara í Reykjavík
1939 - 1942 og stjórn Sambands íslenskra
barnakennara 1942 - 1950.
Hann var kjörinn heiðursdoktor við
Kennaraháskóla Íslands 2001. Eftirlifandi
eiginkona hans er Guðrún Ö. Stephensen.
Þau eignuðust fjögur börn.
HEH
Jónas B. Jónsson